12.88C Vancouver 12.88C VancouverNov 24, 2023 8:07 PM - The Canadian Press
ਵੈਨਕੂਵਰ ਪੁਲਿਸ ਵੱਲੋਂ ਇਸ ਮਹੀਨੇ ਦੇ ਸ਼ੁਰੂ ਵਿੱਚ 10 ਦਿਨਾਂ ਦੀ ਭਾਲ ਤੋਂ ਬਾਅਦ ਗ੍ਰਿਫਤਾਰ ਕੀਤਾ ਗਿਆ ਹਾਈ ਰਿਸਕ ਸੈਕਸ ਅਪਰਾਧੀ ਅਗਲੀ ਅਦਾਲਤ ਦੀ ਪੇਸ਼ੀ ਤੱਕ
ਪੁਲਿਸ ਹਿਰਾਸਤ ਵਿੱਚ ਹੈ।
ਰੈਂਡਲ ਹੋਪਲੇ ਨੇ ਅੱਜ ਅਦਾਲਤ ਵਿੱਚ ਪੇਸ਼ ਹੋਣਾ ਸੀ ਪਰ ਬ੍ਰਿਟਿਸ਼ ਕੋਲੰਬੀਆ ਦੀ ਸੂਬਾਈ ਅਦਾਲਤ ਵਿੱਚ ਉਸ ਦਾ ਕੇਸ 8 ਦਸੰਬਰ ਤੱਕ ਟਾਲ ਦਿੱਤਾ ਗਿਆ।
ਪੁਲਿਸ ਦਾ ਕਹਿਣਾ ਹੈ ਕਿ ਹੋਪਲੇ ਨੇ 4 ਨਵੰਬਰ ਨੂੰ ਵੈਨਕੂਵਰ ਦੇ ਡਾਊਨਟਾਊਨ ਈਸਟਸਾਈਡ ਵਿੱਚ ਹਾਫ਼ਵੇ ਹਾਊਸ ਚੋਂ ਨਿਕਲਣ ਤੋਂ ਬਾਅਦ ਆਪਣਾ ਇਲੈਕਟ੍ਰਾਨਿਕ ਨਿਗਰਾਨੀ ਯੰਤਰ ਕੱਟ ਦਿੱਤਾ ਸੀ। ਜਿਸ ਤੋਂ ਬਾਅਦ ਉਹ ਫ਼ਰਾਰ ਚੱਲ ਰਿਹਾ ਸੀ ਤੇ ਉਸ ਨੂੰ ਫੜਨ ਲਈ ਕੈਨੇਡਾ-ਵਿਆਪੀ ਵਾਰੰਟ ਜਾਰੀ ਕੀਤੇ ਗਏ ਸਨ। 10 ਦਿਨਾਂ ਦੀ ਭਾਲ ਤੋਂ ਬਾਅਦ ਰੈਂਡਲ ਹੋਪਲੇ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਹੋਪਲੇ ਨੇ 2011 ਵਿੱਚ ਸਪਾਰਵੁੱਡ ਵਿੱਚ ਇੱਕ ਘਰੋਂ 3 ਸਾਲਾ ਬੱਚੇ ਨੂੰ ਸੁੱਤੇ ਹੋਏ ਅਗਵਾ ਕਰ ਲਿਆ ਸੀ। ਉਸ 'ਤੇ ਜਿਨਸੀ ਅਪਰਾਧ, ਹਮਲੇ ਅਤੇ ਜਾਇਦਾਦ ਦੇ ਅਪਰਾਧ ਦੇ ਦੋਸ਼ ਹਨ। 58 ਸਾਲਾ ਹੋਪਲੇ ਨਿਗਰਾਨੀ ਆਰਡਰ ਦੀ ਉਲੰਘਣਾ ਦੇ ਦੋਸ਼ ਵਿੱਚ ਦੋ ਚਾਰਜਿਜ਼ ਦਾ ਸਾਹਮਣਾ ਕਰ ਰਿਹਾ ਹੈ।
ਵੈਨਕੂਵਰ ਸਾਰਜੈਂਟ ਸਟੀਵ ਐਡੀਸਨ ਨੇ ਮੀਡੀਆ ਨੂੰ ਦੱਸਿਆ ਕਿ ਪੁਲਿਸ ਕ੍ਰਾਊਨ ਕਾਉਂਸਲ ਨੂੰ ਸਿਫਾਰਿਸ਼ ਕਰੇਗੀ ਕਿ ਉਸਨੂੰ ਜ਼ਮਾਨਤ ਦੇਣ ਤੋਂ ਇਨਕਾਰ ਕੀਤਾ ਜਾਵੇ ਅਤੇ ਹਿਰਾਸਤ ਵਿੱਚ ਹੀ ਰਹੇ।
