12.75C Vancouver 12.75C VancouverDec 29, 2021 8:05 PM - The Canadian Press
ਬੀ.ਸੀ. ਦੇ ਟੀਚਰਸ ਫੈਡਰੇਸ਼ਨ ਨੇ ਮੰਗ ਕੀਤੀ ਹੈ ਕਿ ਸੂਬਾ ਸਰਕਾਰ ਨੂੰ ਸਕੂਲਾਂ 'ਚ ਵਿੰਟਰ ਟਰਮ ਦੀ ਸ਼ੁਰੂਆਤ 'ਚ ਦੇਰੀ ਕਰਨੀ ਚਾਹੀਦੀ ਹੈ।
ਕੋਵਿਡ-19 ਦੇ ਓਮੀਕਰੌਨ ਵੇਰੀਐਂਟ ਦੇ ਵਧਦੇ ਫੈਲਾਅ ਵਿਚਾਲੇ ਇਹ ਮੰਗ ਕੀਤੀ ਗਈ ਹੈ।
ਬੀ.ਸੀ.ਟੀ.ਐਫ. ਵੱਲੋਂ ਇਸ ਸੰਬੰਧੀ ਕਈ ਸੋਸ਼ਲ ਮੀਡੀਆ ਮੈਸੇਜਿਸ ਸਾਂਝੇ ਕੀਤੇ ਗਏ ਹਨ, ਜਿੰਨਾ ਨੂੰ ਯੂਨੀਅਨ ਪ੍ਰਧਾਨ ਟੈਰੀ ਮੂਰਿੰਗ ਨੇ ਵੀ ਸਾਂਝਾ ਕੀਤਾ ਹੈ।
ਇਸ 'ਚ ਮੰਗ ਕੀਤੀ ਗਈ ਹੈ ਕਿ ਸੂਬਾ ਸਰਕਾਰ ਅਤੇ ਡਿਸਟ੍ਰਿਕਟ ਅਧਿਕਾਰੀਆਂ ਨੂੰ ਵਧੇਰੇ ਸਖਤ ਕਦਮ ਚੁੱਕਣ ਦੀ ਲੋੜ ਹੈ ਜਿਸ ਨਾਲ ਸਕੂਲਾਂ 'ਚ ਵਾਇਰਸ ਦੇ ਫੈਲਾਅ ਤੋਂ ਬਚਾਅ ਕੀਤਾ ਜਾ ਸਕੇ।
ਫੈਡਰੇਸ਼ਨ ਦਾ ਕਹਿਣਾ ਹੈ ਕਿ ਜੇਕਰ ਸਕੂਲਾਂ ਨੂੰ ਜਨਵਰੀ 'ਚ ਖੋਲ੍ਹਣਾ ਹੈ ਤਾਂ ਮੌਜੂਦਾ ਸੁਰੱਖਿਆ ਕਦਮ ਕਾਫੀ ਨਹੀਂ ਹਨ।
ਇਸ 'ਚ 8 ਸਿਫਾਰਸ਼ਾਂ ਵੀ ਕੀਤੀਆਂ ਗਈਆਂ ਹਨ ਜਿਹੜੇ ਕਦਮਾਂ ਨਾਲ ਬੱਚਿਆਂ ਅਤੇ ਸਟਾਫ਼ ਦੀ ਸਿਹਤ ਸੁਰੱਖਿਆ ਨੂੰ ਵਧੇਰੇ ਪੁਖਤਾ ਕੀਤਾ ਜਾ ਸਕੇਗਾ।
ਇਸ 'ਚ ਫ੍ਰੀ-ਐਨ95 ਮਾਸਕਸ ਅਤੇ ਸਾਰੇ ਸਕੂਲਾਂ 'ਚ ਰੈਪਿਡ ਟੈਸਟ ਲਾਗੂ ਕਰਨ ਜਿਹੇ ਕਦਮ ਵੀ ਸ਼ਾਮਿਲ ਹਨ।
ਟੀਚਰਸ ਫੈਡਰੇਸ਼ਨ ਦਾ ਕਹਿਣਾ ਹੈ ਕਿ ਓਮੀਕਰੌਨ ਵੇਰੀਐਂਟ ਨੇ ਪੈਂਡੈਮਿਕ ਨੂੰ ਇੱਕ ਨਵਾਂ ਰੂਪ ਦੇ ਦਿੱਤਾ ਹੈ।
ਯੂਨੀਅਨ ਦਾ ਕਹਿਣਾ ਹੈ ਕਿ ਫਿਲਹਾਲ ਹਜ਼ਾਰਾਂ ਵਿਦਿਆਰਥੀ ਅਨਵੈਕਸੀਨੇਟਿਡ ਹਨ ਅਤੇ ਕਈ ਅਧਿਆਪਕਾਂ ਨੂੰ ਬੂਸਟਰ ਸ਼ਾਟ ਹਾਸਿਲ ਨਹੀਂ ਹੋਏ ਹਨ ਅਤੇ ਅਜਿਹੇ 'ਚ ਬੀ.ਸੀ. ਸਰਕਾਰ ਨੂੰ ਪਬਲਿਕ ਸਕੂਲ ਸਿਸਟਮ ਨਾਲ ਜੁੜੇ ਸਾਰੇ ਲੋਕਾਂ ਦੀ ਸੁਰੱਖਿਆ ਲਈ ਵਧੇਰੇ ਸਾਵਧਾਨ ਹੋਣ ਦੀ ਲੋੜ ਹੈ।
