9.6C Vancouver 9.6C VancouverAug 19, 2020 11:27 PM -
ਬੀ.ਸੀ. ਟੀਚਰਜ਼ ਫੈਡਰੇਸ਼ਨ ਦਾ ਕਹਿਣਾ ਹੈ ਕਿ ਉਹ ਛੋਟੀਆਂ ਕਲਾਸਾਂ ਜਿੱਥੇ ਵੀ ਹੋ ਸਕੇ, ਮਾਸਕ ਪਹਿਨੇ ਜਾਣਾ ਲਾਜ਼ਮੀ ਕਰਨ ਦੇ ਹੱਕ ਵਿੱਚ ਹਨ।
ਪੈਂਡੇਮਿਕ ਦੇ ਦਰਮਿਆਨ ਬੈਕ ਟੂ ਸਕੂਲ ਪਲੈਨ 'ਚ ਇਨ੍ਹਾਂ ਮੰਗਾਂ ਨੂੰ ਮੰਨਣ ਦੀ ਮੰਗ ਕੀਤੀ ਗਈ ਹੈ।
ਪ੍ਰਧਾਨ ਟੈਰੀ ਮੂਰਿੰਗ ਨੇ ਕਿਹਾ, ਕਿੰਡਰਗਾਰਟਨ ਤੋਂ ਗ੍ਰੇਡ 12 ਤੱਕ ਕਲਾਸਰੂਮ ਦੀ ਡੈਂਸਿਟੀ 'ਚ ਕੋਈ ਬਦਲਾਅ ਨਹੀਂ ਕੀਤੇ ਗਏ ਹਨ ਅਤੇ 30 ਲੋਕਾਂ ਦੀ ਕਲਾਸ 'ਚ ਫਿਜ਼ੀਕਲ ਡਿਸਟੈਨਸਿੰਗ ਦਾ ਧਿਆਨ ਨਹੀਂ ਰੱਖਿਆ ਜਾ ਸਕਦਾ।
ਯੂਨੀਅਨ ਦਾ ਕਹਿਣਾ ਹੈ ਕਿ, ਹੀਟਿੰਗ, ਵੈਂਟੀਲੇਸ਼ਨ ਅਤੇ ਏਅਰ ਕੰਡੀਸ਼ਨਿੰਗ ਲਈ ਵੀ ਜ਼ਰੂਰੀ ਫੰਡਿੰਗ ਦਾ ਪ੍ਰਬੰਧ ਕੀਤਾ ਜਾਵੇ ਅਤੇ 10 ਸਾਲ ਤੋਂ ਵਧੇਰੀ ਉਮਰ ਦੇ ਬੱਚਿਆਂ ਲਈ ਮਾਸਕ ਵੀ ਲਾਜ਼ਮੀ ਕੀਤੇ ਜਾਣ।
ਪ੍ਰੋਵਿੰਸ਼ੀਅਲ ਸਰਕਾਰ ਦਾ ਕਹਿਣਾ ਹੈ ਕਿ ਵਿਦਿਆਰਥੀ ਅਤੇ ਅਧਿਆਪਕਾਂ ਲਈ ਉਸ ਵੇਲੇ ਮਾਸਕ ਪਹਿਨਣਾ ਜ਼ਰੂਰੀ ਹੋਵੇਗਾ, ਜਦ ਜਦ ਉਹ ਆਪਣੇ ਲਰਨਿੰਗ ਗਰੁੱਪ ਤੋਂ ਬਾਹਰ ਹੋਣਗੇ।
ਸਕੂਲਾਂ ਦੀ ਮੁੜ ਤੋਂ ਸ਼ੁਰੂਆਤ 10 ਸਿਤੰਬਰ ਤੋਂ ਹੋਣ ਜਾ ਰਹੀ ਹੈ।
