17.2C Vancouver 17.2C VancouverJun 16, 2020 10:37 PM -
ਬ੍ਰਿਟਿਸ਼ ਕੋਲੰਬੀਆ ਵੱਲੋਂ ਕੁਝ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ ਜਿਸ ਦੇ ਆਸਰੇ ਕੋਵਿਡ-19 ਦੀ ਮਾਰ ਝੱਲਣ ਵਾਲੇ ਰੈਸਟੂਰੈਂਟ, ਬਾਰ ਅਤੇ ਟੂਰਿਜ਼ਮ ਖੇਤਰ 'ਚ ਕੁਝ ਮਦਦ ਕੀਤੀ ਜਾ ਸਕੇ।
ਮਿਨਿਸਟਰੀ ਆਫ ਅਟਾਰਨੀ ਜਨਰਲ ਦਾ ਕਹਿਣਾ ਹੈ ਕਿ ਟੈਂਪਰੇਰੀ ਹੋਲਸੇਲ ਪ੍ਰਾਈਸਿੰਗ ਪ੍ਰੋਗਰਾਮ ਦੇ ਆਸਰੇ, ਮਦਦ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਇਸ ਦਾ ਅਰਥ ਹੈ ਕਿ ਸ਼ਰਾਬ ਵਰਤਾਉਣ ਦਾ ਲਾਈਸੰਸ ਰੱਖਣ ਵਾਲੇ ਹੁਣ ਬੀਅਰ, ਵਾਈਨ ਅਤੇ ਸਪਿਰਿਟਸ ਨੂੰ ਘਟ ਕੀਮਤਾਂ 'ਤੇ ਖਰੀਦ ਸਕਣਗੇ।
ਇਹ ਪ੍ਰੋਗਰਾਮ ਅਗਲੇ ਮਹੀਨੇ ਦੇ ਅੰਤ ਤੋਂ ਸ਼ੁਰੂ ਹੋਵੇਗਾ ਅਤੇ 31 ਮਾਰਚ ਤੱਕ ਜਾਰੀ ਰਹੇਗਾ।
ਰੈਸਟੂਰੈਂਟ, ਬਾਰ ਅਤੇ ਪੱਬ, ਫਿਲਹਾਲ ਸ਼ਰਾਬ ਦੀ ਪੂਰੀ ਕੀਮਤ ਚੁਕਾਉਂਦੇ ਹਨ।
ਇਸ ਦੇ ਵਿੱਚ ਹੋਲਸੇਲ ਕੀਮਤ ਅਤੇ ਮਿਨਿਸਟਰੀ ਦੇ ਸ਼ਰਾਬ ਦੇ ਡਿਸਟ੍ਰੀਬਿਊਸ਼ਨ ਸੰਬੰਧੀ ਬ੍ਰਾਂਚ ਦੀ ਰਿਟੇਲ ਕੀਮਤ ਸ਼ਾਮਿਲ ਹੁੰਦੀ ਹੈ।
ਨਵੇਂ ਸਿਸਟਮ ਤਹਿਤ ਰਿਟੇਲ ਮਾਰਕ-ਅਪ ਖਤਮ ਹੋ ਜਾਵੇਗਾ।
ਮਿਨਿਸਟਰੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵੱਲੋਂ ਕਈ ਪ੍ਰੋਪੋਜ਼ਲਾਂ 'ਤੇ ਕੰਮ ਜਾਰੀ ਹੈ ਜੋ ਕਿ ਇੱਕ ਵੱਖਰੀ ਰਿਪੋਰਟ 'ਤੇ ਅਧਾਰਿਤ ਹੈ, ਜਿਸ ਦੇ ਆਸਰੇ ਇੱਕ ਨਵਾਂ 'ਰੂਰਲ ਲਿੱਕਰ ਲਾਈਸੈਂਸ' ਇਸ ਸਾਲ ਦੇ ਅੰਤ ਤੱਕ ਰੈਗੂਲੇਟ ਕੀਤਾ ਜਾ ਸਕਦਾ ਹੈ।
