17.62C Vancouver 17.62C VancouverJun 19, 2020 7:26 PM -
ਬੀ.ਸੀ. ਦੇ ਹੈਲਥ ਮਿਨਿਸਟਰ ਏਡਰਿਅਨ ਡਿਕਸ ਦਾ ਕਹਿਣਾ ਹੈ ਕਿ ਉਹਨਾਂ ਨੂੰ ਬੀ.ਸੀ. ਦੇ ਘੱਟੋ-ਘੱਟ ਇੱਕ ਹਸਪਤਾਲ ਦੇ ਐਮਰਜੈਂਸੀ ਰੂਮ ਵਿੱਚ ਸਿਹਤ ਸੰਭਾਲ ਕਾਮਿਆਂ ਵੱਲੋਂ ਇੱਕ "ਅਸਵੀਕਾਰਨਯੋਗ ਅਤੇ ਨਸਲਵਾਦੀ" ਖੇਡ ਖੇਡੇ ਜਾਣ ਬਾਰੇ ਕਾਲ ਰਾਤ ਜਾਣਕਾਰੀ ਮਿਲੀ।
ਡਿਕਸ ਵੱਲੋਂ ਇਹ ਨਹੀਂ ਦੱਸਿਆ ਗਿਆ ਕਿ ਉਹ ਕਿਸ ਹਸਪਤਾਲ ਦੀ ਗੱਲ ਕਰ ਰਹੇ ਸਨ ਕਿਉਂਕਿ ਅਜੇ ਇਹ ਨਹੀਂ ਪਤਾ ਕਿ ਇਹ ਖੇਡ ਕਿੰਨੇ ਹਸਪਤਾਲਾਂ ਵਿੱਚ ਖੇਡੀ ਜਾਂਦੀ ਰਹੀ।
ਉਹਨਾਂ ਦੱਸਿਆ ਕਿ ਸਿਹਤ ਸੰਭਾਲ ਕਾਮਿਆਂ ਵੱਲੋਂ ਮਰੀਜ਼ (ਖਾਸ ਤੌਰ ਤੇ ਇੰਡੀਜਨਸ ਮਰੀਜ਼) ਦੀ ਨਸਲ ਦੇ ਆਧਾਰ 'ਤੇ ਉਸ ਦੇ ਖੂਨ ਵਿੱਚ ਸ਼ਰਾਬ ਦੀ ਮਾਤਰਾ ਬੁੱਝਣ ਦੀ ਖੇਡ ਖੇਡੀ ਜਾਂਦੀ ਸੀ।
ਡਿਕਸ ਨੇ ਕਿਹਾ ਕਿ ਵਕੀਲ ਅਤੇ ਸੂਬੇ ਦੇ ਸਾਬਕਾ ਚਿਲਡਰਨ ਐਂਡ ਯੂਥ ਰੈਪਰੇਜ਼ੈਨਟਿਟਿਵ, ਮੇਰੀ ਐਲਨ ਟਰਪਲ-ਲਾਫੌਂਡ, ਇਸ ਮਾਮਲੇ ਦੀ ਜਾਂਚ ਕਰਕੇ ਸੁਝਾਅ ਦੇਣ ਲਈ ਤਿਆਰ ਹੋ ਗਏ ਹਨ।
ਉਹਨਾਂ ਕਿਹਾ ਕਿ ਇਹ ਇਲਜ਼ਾਮ ਬੇਹੱਦ ਦੁਖੀ ਕਰਨ ਵਾਲੇ ਹਨ ਅਤੇ ਇਸ ਤਫ਼ਤੀਸ਼ ਵਿੱਚ ਅਜਿਹੀਆਂ ਸਮੱਸਿਆਵਾਂ ਦਾ ਖੁਲਾਸਾ ਹੋਵੇਗਾ।
ਮਿਨਿਸਟਰ ਨੇ ਕਿਹਾ ਕਿ ਨਸਲਵਾਦ ਖਿਲਾਫ਼ ਲੜਾਈ ਇਸੇ ਤਰ੍ਹਾਂ ਜਾਰੀ ਰਹਿਣੀ ਚਾਹੀਦੀ ਹੈ ਕਿਉਂਕਿ ਇਸ ਨਾਲ ਸੁਨਿਸਚਿਤ ਕੀਤਾ ਜਾ ਸਕੇਗਾ ਕਿ ਬੀ.ਸੀ. ਸਭਿਆਚਾਰਕ ਸੁਰੱਖਿਆ ਵੱਲ ਵੱਧ ਰਿਹਾ ਹੈ।
