25.78C Vancouver 25.78C VancouverDec 2, 2025 7:30 PM - Connect Newsroom - Jasmine Singh with files from The Canadian Press
ਸਰੀ ਮੈਮੋਰੀਅਲ ਹਸਪਤਾਲ ਦੇ ਨਿਊਨੇਟਲ ਇੰਟੈਂਸਿਵ ਕੇਅਰ ਯੂਨਿਟ ਵਿਚ ਬੀਤੇ ਦਿਨ ਹੋਈ ਘਟਨਾ ਨੂੰ ਸਿਹਤ ਮੰਤਰੀ ਜੋਸੀ ਓਸਬੋਰਨ ਨੇ ਬੇਹੱਦ ਚਿੰਤਾਜਨਕ ਕਰਾਰ ਦਿੱਤਾ ਹੈ। ਮੰਤਰੀ ਓਸਬੋਰਨ ਨੇ ਵਿਧਾਨ ਸਭਾ ਨੂੰ ਭਰੋਸਾ ਦਿਵਾਇਆ ਕਿ ਇਸ ਘਟਨਾ ਦੇ ਮੱਦੇਨਜ਼ਰ ਫਰੇਜ਼ਰ ਹੈਲਥ ਨੇ ਹਸਪਤਾਲ ਦੇ ਸੁਰੱਖਿਆ ਪ੍ਰੋਟੋਕੋਲ ਨੂੰ ਅੱਪਡੇਟ ਅਤੇ ਸਖ਼ਤ ਕਰ ਦਿੱਤਾ ਹੈ।
ਉਨ੍ਹਾਂ ਕਿਹਾ ਕਿ ਇਹ ਬਹੁਤ ਮਹੱਤਵਪੂਰਨ ਹੈ ਕਿ ਇਸ ਤਰ੍ਹਾਂ ਦੀ ਘਟਨਾ ਤੋਂ ਜੋ ਵੀ ਸਿੱਖਿਆ ਜਾ ਸਕਦਾ ਹੈ, ਉਸ ਦਾ ਇਸਤੇਮਾਲ ਪਾਲਿਸੀ ਨੂੰ ਬਦਲਣ ਵਿੱਚ ਕੀਤਾ ਜਾਵੇ ਅਤੇ ਮੈਂ ਸਮਝਦੀ ਹਾਂ ਕਿ ਫਰੇਜ਼ਰ ਹੈਲਥ ਇਸ ਤਰ੍ਹਾਂ ਦੇ ਮਾਮਲੇ ਨੂੰ ਬਹੁਤ ਗੰਭੀਰਤਾ ਨਾਲ ਲੈਂਦਾ ਹੈ।
ਗੌਰਤਲਬ ਹੈ ਕਿ ਪਿਛਲੇ ਹਫ਼ਤੇ ਇੱਕ ਔਰਤ ਨੇ ਨਿਊਨੇਟਲ ਇੰਟੈਂਸਿਵ ਕੇਅਰ ਯੂਨਿਟ ਵਿਚ ਬਿਨਾਂ ਇਜਾਜ਼ਤ ਦਾਖਲ ਹੋ ਕੇ 3 ਨਵਜੰਮੇ ਬੱਚਿਆਂ ਨਾਲ "ਸਕਿਨ-ਟੂ-ਸਕਿਨ" ਸੰਪਰਕ ਬਣਾਇਆ ਸੀ। ਸਰੀ ਪੁਲਿਸ ਨੇ 35 ਸਾਲਾਲਿੰਡਸੀ ਹਿਰਟ੍ਰਾਈਟਰ ਨਾਮਕ ਔਰਤ 'ਤੇ ਇਸ ਮਾਮਲੇ ਵਿਚ ਤਿੰਨ ਵੱਖ-ਵੱਖ ਹਮਲਿਆਂ ਦੇ ਦੋਸ਼ ਲਗਾਏ ਗਏ ਹਨ।
