12.5C Vancouver 12.5C VancouverApr 27, 2020 8:18 PM -
ਨਿਊ ਵੈਸਟਮਿਨਸਟਰ ਤੋਂ ਲਾਪਤਾ ਹੋਈ 44 ਸਾਲਾ ਔਰਤ ਦਾ ਕਰੀਬ 2 ਮਹੀਨੇ ਬਾਅਦ ਹੁਣ ਮ੍ਰਿਤ ਸ਼ਰੀਰ ਮਿਲਿਆ ਹੈ।
ਨਿਊ ਵੈਸਟਮਿਨਸਟਰ ਪੁਲਿਸ ਵੱਲੋਂ ਜਾਰੀ ਇੱਕ ਬਿਆਨ 'ਚ ਦੱਸਿਆ ਗਿਆ ਹੈ ਕਿ ਐਤਵਾਰ ਨੂੰ ਬਰਨਬੀ ਅਤਰ ਨਿਊ ਵੈਸਟਮਿਨਸਟਰ ਦੇ ਬਾਰਡਰ ਕੋਲ, ਫਰੇਜ਼ਰ ਦਰਿਆ ਵਿੱਚੋਂ ਮਿਲਿਆ ਮ੍ਰਿਤ ਸ਼ਰੀਰ, ਨਿਰਲਾ ਸ਼ਰਮਾ ਦਾ ਮੰਨਿਆ ਜਾ ਰਿਹਾ ਹੈ।
44 ਸਾਲਾ ਨਿਰਲਾ ਸ਼ਰਮਾ ਫਰਵਰੀ ਦੇ ਅੰਤ ਦੇ ਦਿਨਾਂ 'ਚ ਲਾਪਤਾ ਹੋ ਗਈ ਸੀ।
ਸਾਰਜੈਂਟ ਜੈਫ ਸਕੌਟ ਨੇ ਕਿਹਾ ਕਿ ਅਜੇ ਤਕ ਸ਼ੱਕ ਕਰਨ ਜਿਹਾ ਕੁਝ ਸਥਾਪਿਤ ਨਹੀਂ ਕੀਤਾ ਜਾ ਸਕਿਆ ਹੈ।
ਪਰ ਉਨ੍ਹਾਂ ਕਿਹਾ ਕਿ ਮੌਤ ਦੇ ਕਾਰਨ ਬਾਰੇ ਅਜੇ ਪੁਸ਼ਟੀ ਨਹੀਂ ਹੋਈ ਹੈ।
ਲਾਪਤਾ ਔਰਤ ਨੂੰ ਆਖਰੀ ਵਾਰ 23 ਫਰਵਰੀ ਨੂੰ ਵੇਖਿਆ ਗਿਆ ਸੀ, ਜਦ ਸਵੇਰੇ ਕਰੀਬ 4 ਵਜੇ ਉਨ੍ਹਾਂ ਦੀ ਬੇਟੀ ਨੇ ਘਰ ਦੇ ਸਾਹਮਣੇ ਵਾਲੇ ਦਰਵਾਜ਼ੇ ਦੇ ਖੁੱਲਣ ਦੀ ਆਵਾਜ਼ ਸੁਣੀ।
ਨਿਰਲਾ ਸ਼ਰਮਾ ਉਸ ਦਿਨ ਆਪਣੇ ਵੈਨਕੂਵਰ ਸਥਿਤ ਦਫਤਰ ਵੀ ਨਹੀਂ ਪਹੁੰਚੀ, ਅਤੇ ਓਹ ਆਪਣਾ ਫੋਨ ਅਤੇ ਪਰਸ ਵੀ ਘਰ ਹੀ ਛੱਡ ਗਈ ਸੀ।
ਇਸ ਲਾਪਤਾ 'ਮਾਂ' ਨੂੰ 'high risk' ਸ਼੍ਰੇਣੀ 'ਚ ਰਖਿਆ ਗਿਆ ਸੀ।
