14.03C Vancouver 14.03C VancouverNov 10, 2021 11:27 PM - Connect News
ਡੈਲਟਾ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਲਾਪਤਾ ਯੁਵਕ ਦਾ ਬੈਕਪੈਕ ਮਿਲਿਆ ਹੈ। ਇੱਕ ਜੰਗਲੀ ਇਲਾਕੇ 'ਚ ਜਾਂਦੇ ਕਿਸੇ ਸਾਵਧਾਨ ਵਿਅਕਤੀ ਨੂੰ ਇਹ ਬੈਕਪੈਕ ਮਿਲਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਵਿਅਕਤੀ ਨੇ ਬੈਕਪੈਕ ਮਿਲਣ 'ਤੇ ਪੁਲਿਸ ਨੂੰ ਸੰਪਰਕ ਕੀਤਾ।
ਮਾਮਲਾ ਡੈਲਟਾ ਦੇ ਯੁਵਕ ਅਨਮੋਲ ਜਗਤ ਨਾਲ ਸੰਬੰਧਤ ਹੈ।
ਇਹ ਬੈਕਪੈਕ ਐਤਵਾਰ ਨੂੰ ਮਿਲਿਆ ਸੀ।
ਉਸ ਦਿਨ ਅਨਮੋਲ ਜਗਤ ਨੂੰ ਲਾਪਤਾ ਹੋਏ ਪੂਰੇ 2 ਹਫ਼ਤੇ ਹੋ ਚੁੱਕੇ ਸਨ।
ਇਸ ਤੋਂ ਬਾਅਦ ਪੁਲਿਸ ਨੇ ਯੁਵਕ ਦੀ ਇਲਾਕੇ 'ਚ ਭਾਲ ਦੀਆਂ ਕੋਸ਼ਿਸ਼ਾਂ ਜਾਰੀ ਰੱਖੀਆਂ ਪਰ ਜਲਦੀ ਹੀ ਹਨੇਰਾ ਹੋ ਗਿਆ।
ਸੋਮਵਾਰ ਅਤੇ ਮੰਗਲਵਾਰ ਨੂੰ ਵੀ ਇਲਾਕੇ 'ਚ ਭਾਲ ਜਾਰੀ ਰੱਖੀ ਗਈ।
ਮੰਗਲਵਾਰ ਨੂੰ ਯੁਵਕ ਦੀ ਭਾਲ ਲਈ ਪੁਲਿਸ ਡੌਗ ਦੀ ਵਰਤੋਂ ਵੀ ਕੀਤੀ ਗਈ।
ਪੁਲਿਸ ਨੇ ਦੱਸਿਆ ਕਿ ਇਸ ਹਫ਼ਤੇ ਸਾਊਥ ਫਰੇਜ਼ਰ ਸਰਚ ਐਂਡ ਰੈਸਕਿਊ ਦੀਆਂ ਟੀਮਾਂ ਵੀ ਡਿਪਲਾਏ ਕੀਤੀਆਂ ਜਾ ਰਹੀਆਂ ਹਨ।
ਯਾਦ ਰਹੇ ਲਾਪਤਾ ਯੁਵਕ ਦਾ ਨਾਮ ਅਨਮੋਲ ਜਗਤ ਹੈ ਅਤੇ ਉਸ ਦੀ ਉਮਰ 21 ਸਾਲ ਦੱਸੀ ਗਈ ਹੈ।
ਯੁਵਕ ਡੈਲਟਾ ਤੋਂ ਵਾਸਤਾ ਰੱਖਦਾ ਹੈ।
ਪੁਲਿਸ ਨੇ ਜਗਤ ਨਾਲ ਸੰਬੰਧਤ ਇੱਕ ਵੀਡੀਓ ਵੀ ਜਾਰੀ ਕੀਤੀ ਸੀ।
ਅਨਮੋਲ ਜਗਤ ਨੂੰ ਆਖਰੀ ਵਾਰ 24 ਅਕਤੂਬਰ ਨੂੰ ਤੜਕੇ ਕਰੀਬ 1 ਵਜੇ ਵੇਖਿਆ ਗਿਆ ਸੀ।
