18.28C Vancouver 18.28C VancouverOct 22, 2021 10:32 PM - The Canadian Press
ਅਮਰੀਕਾ ਦੇ ਨਾਮੀ ਅਦਾਕਾਰ ਐਲੇਕ ਬਾਲਡਵਿਨ ਤੋਂ ਇੱਕ ਫਿਲਮ ਦੇ ਸੈਟ 'ਤੇ ਇੱਕ ਪਰੌਪ ਬੰਦੂਕ ਤੋਂ ਗੋਲੀ ਚੱਲ ਗਈ ਹੈ।
ਇਸ ਘਟਨਾ ਇੱਕ ਸਿਨਮੈਟੋਗ੍ਰਾਫਰ ਦੀ ਮੌਤ ਹੋ ਗਈ ਹੈ ਜਦਕਿ ਇੱਕ ਫਿਲਮ ਨਿਰਦੇਸ਼ਕ ਜਖਮੀ ਹੋ ਗਿਆ ਹੈ।
ਅੱਜ ਅਦਾਕਾਰ ਨੇ ਘਟਨਾ ਸੰਬੰਧੀ ਇੱਕ ਟਵੀਟ ਵੀ ਕੀਤਾ ਹੈ ਤੇ ਘਟਨਾ ਲਈ ਦੁੱਖ ਜਾਹਿਰ ਕੀਤਾ ਹੈ।
ਉਨ੍ਹਾਂ ਇਸ ਘਟਨਾ ਨੂੰ ਇੱਕ ਭਿਆਨਕ ਹਾਦਸਾ ਦੱਸਿਆ ਹੈ।
ਪੂਰੀ ਘਟਨਾ 'ਰਸਟ' ਨਾਮ ਦੀ ਫਿਲਮ ਦੇ ਸੈਟ 'ਤੇ ਵਾਪਰੀ।
ਮ੍ਰਿਤਕ ਸਿਨਮੈਟੋਗ੍ਰਾਫਰ ਦੀ ਪਛਾਣ ਹੈਲੀਨਾ ਹਚਿਨਸ ਵਜੋਂ ਹੋਈ ਹੈ।
ਉਨ੍ਹਾਂ ਦੀ ਉਮਰ 42 ਸਾਲ ਸੀ।
ਘਟਨਾ ਨਿਊ ਮੈਕਸੀਕੋ ਦੇ ਰੇਗਿਸਤਾਨ 'ਚ ਸੈਂਟਾ ਫੇ ਦੇ ਇਲਾਕੇ 'ਚ ਵਾਪਰੀ।
ਬਾਲਡਵਿਨ ਦੇ ਇੱਕ ਬੁਲਾਰੇ ਨੇ ਦੱਸਿਆ ਕਿ ਬਲੈਂਕਸ ਵਾਲੀ ਇੱਕ ਪਰੌਪ ਬੰਦੂਕ ਮਿਸਫਾਇਰ ਕਰ ਗਈ।
ਸੈਂਟਾ ਫੇ ਕਾਉਂਟੀ ਸ਼ੈਰਿਫ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਇਹ ਸਪਸ਼ਟ ਨਹੀਂ ਹੈ ਕਿ ਜਦ ਘਟਨਾ ਵਾਪਰੀ ਤਾਂ ਬਾਲਡਵਿਨ ਪ੍ਰਫਾਰਮ ਕਰ ਰਹੇ ਸੀ ਜਾਂ ਨਹੀਂ।
ਦੱਸਿਆ ਗਿਆ ਕਿ ਹਚਿਨਸ ਨੂੰ ਹੈਲੀਕਾਪਟਰ ਜਰੀਏ ਹਸਪਤਾਲ ਪਹੁੰਚਾਇਆ ਗਿਆ ਸੀ ਪਰ ਉਨ੍ਹਾਂ ਨੇ ਦਮ ਤੋੜ ਦਿੱਤਾ।
