19.49C Vancouver 19.49C VancouverOct 30, 2023 6:01 PM - The Canadian Press
ਕੈਲਗਰੀ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸਿਟੀ ਵਿੱਚ ਬਾਹਰੀ ਪਾਣੀ ਦੀਆਂ ਪਾਬੰਦੀਆਂ ਹਟਾਈਆਂ ਜਾ ਰਹੀਆਂ ਹਨ ਪਰ ਵਸਨੀਕਾਂ ਨੂੰ ਸਮਝਦਾਰੀ ਨਾਲ ਪਾਣੀ ਵਰਤਣ ਦੀ ਸਲਾਹ ਦਿੱਤੀ ਗਈ ਹੈ।
ਅਧਿਕਾਰੀ ਨੇ ਕਿਹਾ ਕਿ ਦੋ ਮਹੀਨਿਆਂ ਤੋਂ ਜਾਰੀ ਪਾਬੰਦੀਆਂ ਮੰਗਲਵਾਰ ਤੋਂ ਹਟ ਜਾਣਗੀਆਂ।
ਗੌਰਤਲਬ ਹੈ ਕਿ ਬੋ ਅਤੇ ਐਲਬੋ ਰੀਵਰ ਦਾ ਫਲੋ ਰਿਕਾਰਡ ਪੱਧਰ 'ਤੇ ਘਟਣ ਕਾਰਨ ਅਗਸਤ ਦੇ ਮੱਧ ਵਿੱਚ ਪਾਬੰਦੀਆਂ ਲਗਾਈਆਂ ਗਈਆਂ ਸਨ।
ਇਨ੍ਹਾਂ ਨਦੀਆਂ ਦਾ ਪਾਣੀ ਸਿਟੀ ਅਤੇ ਪ੍ਰੈਰੀਜ਼ ਦੀਆਂ ਡਾਊਨਸਟ੍ਰੀਮ ਭਾਈਚਾਰੇ ਵਿੱਚ ਸਪਲਾਈ ਹੁੰਦਾ ਹੈ।
ਸਿਟੀ ਅਧਿਕਾਰੀਆਂ ਨੂੰ ਉਮੀਦ ਹੈ ਕਿ ਤਾਪਮਾਨ ਘੱਟਣ ਅਤੇ ਮੌਸਮੀ ਤਬਦੀਲੀਆਂ ਕਾਰਨ ਪਾਣੀ ਦੀ ਵਰਤੋਂ ਘਟੇਗੀ।
ਉਨ੍ਹਾਂ ਦੱਸਿਆ ਕਿ ਦੋ ਮਹੀਨਿਆਂ ਤੋਂ ਲੱਗੀਆਂ ਪਾਬੰਦੀਆਂ ਕਾਰਨ ਉਹ 1.5 ਅਰਬ ਲੀਟਰ ਪਾਣੀ ਬਚਾਅ ਸਕੇ ਜੋ ਕਿ 606 ਓਲੰਪਿਕ-ਆਕਾਰ ਦੇ ਸਵੀਮਿੰਗ ਪੂਲ ਦੇ ਬਰਾਬਰ ਹੈ।
ਇਹ ਪਹਿਲੀ ਵਾਰ ਸੀ ਜਦੋਂ ਕੈਲਗਰੀ ਨੇ ਆਪਣੇ ਵਸਨੀਕਾਂ ਨੂੰ ਸੋਕੇ ਕਾਰਨ ਆਪਣੇ ਬਾਹਰੀ ਪਾਣੀ ਦੀ ਵਰਤੋਂ ਨੂੰ ਘਟਾਉਣ ਲਈ ਕਿਹਾ ਸੀ ਪਰ ਸਿਟੀ ਅਧਿਕਾਰੀਆਂ ਮੁਤਾਬਕ ਭਵਿੱਖ ਵਿੱਚ ਕੈਲਗਰੀ ਨੂੰ ਗੰਭੀਰ ਮੌਸਮ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
