12.81C Vancouver 12.81C VancouverJun 15, 2020 11:30 PM -
ਬੀ.ਸੀ. 'ਚ ਕਈ ਹਫਤਿਆਂ ਤੱਕ ਜਾਰੀ ਰਹੀਆਂ ਪਬੰਦੀਆਂ ਤੋਂ ਬਾਅਦ, ਹੁਣ ਇੱਕ ਵਾਰ ਫਿਰ ਤੋਂ ਆਮ ਜੀਵਨ ਵਾਪਿਸ ਦਸਤਕ ਦੇ ਰਿਹਾ ਹੈ, ਜਿਸ ਦੇ ਚਲਦਿਆਂ ਲੋਕਾਂ ਵੱਲੋਂ ਯਾਤਰਾਵਾਂ ਦੇ ਸਿਲਸਿਲੇ 'ਚ ਵੀ ਵਾਧਾ ਦਰਜ ਕੀਤਾ ਗਿਆ ਹੈ।
ਪਰ ਬੀ.ਸੀ. 'ਚ ਬੱਸ ਅਤੇ ਫੈਰੀ ਸੇਵਾਵਾਂ ਵੱਲੋਂ ਹੁਣ ਇਸ ਯਾਤਰਾ ਦੇ ਵਾਧੇ ਨੂੰ ਵੇਖਦਿਆਂ ਨਾਨ ਮੈਡਿਕਲ ਮਾਸਕ ਪਹਿਨਣ ਨੂੰ ਕਿਹਾ ਗਿਆ ਹੈ।
ਬੀ.ਸੀ. ਫੈਰੀਜ਼ ਅਤੇ ਟ੍ਰਾਂਸਲਿੰਕ ਵੱਲੋਂ ਲੋਕਾਂ ਨੂੰ ਮਾਸਕ ਪਹਿਨਣ 'ਤੇ ਜ਼ੋਰ ਦਿੱਤਾ ਜਾ ਰਿਹਾ ਹੈ।
ਬੀ.ਸੀ. ਫੈਰੀਜ਼ ਨੇ ਚਿਹਰੇ ਢਕਣਾ ਲਾਜ਼ਮੀ ਕਰ ਦਿੱਤਾ ਹੈ, ਜਦਕਿ ਟ੍ਰਾਂਸਲਿੰਕ ਨੇ ਅਜਿਹਾ ਲਾਜ਼ਮੀ ਨਹੀਂ ਕੀਤਾ ਹੈ, ਪਰ ਮਾਸਕ ਪਹਿਨਣ ਲਈ ਮਜ਼ਬੂਤ ਸਲਾਹ ਦਿੱਤੀ ਹੈ।
ਅੱਜ ਤੋਂ ਫੈਰੀ ਯਾਤਰਾ ਕਰਨ ਵਾਲੇ 2 ਸਾਲ ਤੋਂ ਵਧੇਰੀ ਉਮਰ ਦੇ ਸਾਰੇ ਯਾਤਰੀਆਂ ਨੂੰ ਮਾਸਕ ਪਹਿਨਣਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ।
ਇਹ ਉਨ੍ਹਾਂ ਯਾਤਰੀਆਂ ਲਈ ਹੈ, ਜਿੰਨਾ ਦਾ ਸਫਰ 30 ਮਿੰਟ ਤੋਂ ਵਧੇਰੇ ਦਾ ਰਹਿਣ ਵਾਲਾ ਹੈ।
ਅਜਿਹਾ ਨਾ ਕਰਨ ਵਾਲੇ ਯਾਤਰੀਆਂ ਨੂੰ ਫੈਰੀ ਦੇ ਸਫਰ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ।
ਟ੍ਰਾਂਸਲਿੰਕ ਵੱਲੋਂ ਇਸ ਸੰਬੰਧੀ 'ਵੀਅਰਿੰਗ ਇਜ਼ ਕੇਅਰਿੰਗ' ਮੁਹਿੰਮ ਚਲਾਈ ਜਾ ਰਹੀ ਹੈ।
ਇਸ 'ਚ ਕੰਪਨੀ ਵੱਲੋਂ 15,000 ਤੋਂ ਵਧੇਰੇ ਮਾਸਕ ਵੰਢੇ ਜਾਣਗੇ ਅਤੇ ਲੋਕਾਂ ਨੂੰ ਮਾਸਕ ਪਹਿਨਣ ਲਈ ਉਤਸ਼ਾਹਿਤ ਕੀਤਾ ਜਾਵੇਗਾ।
