ਤੇਜ਼ ਹਵਾਵਾਂ ਵਿਚਾਲੇ ਬੀ.ਸੀ. ਫੈਰੀਸ ਨੇ ਦਰਜਨਾਂ ਯਾਤਰਾਵਾਂ ਕੀਤੀਆਂ ਰੱਦ

ਅੱਜ ਬੀ.ਸੀ. ਫੈਰੀਸ ਦੀਆਂ ਦਰਜਨਾਂ ਸੇਲਿੰਗਸ ਰੱਦ ਕਰ ਦਿੱਤੀਆਂ ਗਈਆਂ ਹਨ।

ਇਲਾਕੇ 'ਚ ਜਾਰੀ ਤੇਜ ਹਨੇਰੀਆਂ ਕਾਰਨ ਅਜਿਹਾ ਕੀਤਾ ਗਿਆ ਹੈ।

ਬੀ.ਸੀ. ਫੈਰੀਸ ਨੇ ਜਾਣਕਾਰੀ ਦਿੱਤੀ ਹੈ ਕਿ 2 ਦਰਜਨ ਦੇ ਕਰੀਬ ਯਾਤਰਾਵਾਂ ਰੋਕ ਦਿੱਤੀਆਂ ਗਈਆਂ ਹਨ।

ਅੱਜ ਦੀ ਪਹਿਲੀ ਫੈਰੀ ਯਾਤਰਾ ਟਵਾਸਨ ਅਤੇ ਡਿਊਕ ਪਾਇੰਟ ਵਿਚਾਲੇ ਰੱਦ ਕੀਤੀ ਗਈ ਸੀ।

ਇਹ ਯਾਤਰਾ ਸਵੇਰੇ 5.15 ਵਜੇ ਸ਼ੁਰੂ ਹੋਣੀ ਸੀ ਪਰ ਯਾਤਰੀਆਂ ਨੂੰ ਜਾਣਕਾਰੀ ਦਿੱਤੀ ਗਈ ਕਿ ਉਨ੍ਹਾਂ ਨੂੰ ਪੂਰਾ ਪੈਸੇ ਰੀਫੰਡ ਕੀਤਾ ਜਾਵੇਗਾ।

ਦੱਸਿਆ ਗਿਆ ਕਿ ਜਿਵੇਂ ਹੀ ਮੌਸਮ ਦੇ ਹਾਲਾਤ ਸੁਧਰਦੇ ਹਨ ਅਤੇ ਯਾਤਰਾ ਕਰਨੀ ਸੁਰੱਖਿਅਤ ਹੋ ਜਾਂਦੀ ਹੈ ਤਾਂ ਫੈਰੀ ਸੇਵਾ ਮੁੜ ਸ਼ੁਰੂ ਕਰ ਦਿੱਤੀ ਜਾਵੇਗੀ।

ਯਾਦ ਰਹੇ ਵੈਨਕੂਵਰ ਆਈਲੈਂਡ ਅਤੇ ਆਲੇ ਦੁਆਲੇ ਦੇ ਇਲਾਕਿਆਂ 'ਚ 100km ਪ੍ਰਤੀ ਘੰਟਾ ਤਕ ਦੀ ਰਫਤਾਰ 'ਤੇ ਹਨੇਰੀਆਂ ਝੁੱਲਣ ਦਾ ਅਨੁਮਾਨ ਹੈ।

ਬੀ.ਸੀ. ਫੈਰੀਸ ਦਾ ਟਵੀਟ:

Sailings across multiple routes have been cancelled due to strong winds. Impacted customers will be advised of cancellations & reservations will be fully refunded.