24.95C Vancouver 24.95C VancouverAug 14, 2025 4:47 PM - Connect Newsroom
ਬੀ.ਸੀ.ਫੈਰੀਜ਼ 4 ਨਵੇਂ ਸਮੁੰਦਰੀ ਜਹਾਜ਼ਾਂ ਲਈ ਚਾਈਨਿਜ਼ ਕੰਪਨੀ ਨਾਲ ਕੀਤੇ ਗਏ ਠੇਕੇ ਨੂੰ ਲੈ ਕੇ ਲਗਾਤਾਰ ਨਿਸ਼ਾਨੇ 'ਤੇ ਹੈ। ਹੁਣ ਇਸ ਦੀ ਨਿੰਦਾ ਕੈਨੇਡਾ ਦੀ ਸਭ ਤੋਂ ਵੱਡੀ ਅਤੇ ਸਭ ਤੋਂ ਪੁਰਾਣੀ ਸ਼ਿਪਯਾਰਡ ਕੰਪਨੀ ਨੇ ਕੀਤੀ ਹੈ। ਡੇਵੀ ਸ਼ਿਪਯਾਰਡ ਦੇ ਸੀ. ਈ. ਓ. ਜੇਮਜ਼ ਡੇਵਿਸ ਨੇ ਕਿਹਾ ਕਿ ਇਹ ਬਹੁਤ ਮੰਦਭਾਗਾ ਹੈ ਕਿ ਬੀ.ਸੀ. ਫੈਰੀਜ਼ ਨੇ ਇੱਕ ਚਾਈਨਿਜ਼ ਕੰਪਨੀ ਨਾਲ ਠੇਕਾ ਕੀਤਾ।
ਡੇਵਿਸ ਨੇ ਕਿਹਾ ਕਿ ਬੀ.ਸੀ.ਫੈਰੀਜ਼ ਨੇ ਘੱਟ ਕੀਮਤਾਂ ਨੂੰ ਪਹਿਲ ਦਿੱਤੀ। ਉਨ੍ਹਾਂ ਕਿਹਾ ਕਿ ਚੀਨੀ ਸ਼ਿਪਯਾਰਡ ਨੂੰ ਭਾਰੀ ਸਬਸਿਡੀ ਮਿਲਦੀ ਹੈ, ਸਸਤੀ ਮਜ਼ਦੂਰੀ ਦੇਣੀ ਪੈਂਦੀ ਹੈ, ਜਿਸ ਕਾਰਨ ਕੋਈ ਵੀ ਕੈਨੇਡੀਅਨ ਜਾਂ ਪੱਛਮੀ ਸ਼ਿਪਯਾਰਡ ਇਸ ਦਾ ਵਾਜਬ ਤੌਰ 'ਤੇ ਮੁਕਾਬਲਾ ਨਹੀਂ ਕਰ ਸਕਦੀ।
ਕੈਨੇਡਾ ਦੀ ਡੇਵੀ ਸ਼ਿਪਯਾਰਡ ਸਮੇਤ ਕਿਸੇ ਵੀ ਕੰਪਨੀ ਨੂੰ ਠੇਕੇ ਲਈ ਬੋਲੀ ਲਾਉਣ ਦਾ ਮੌਕਾ ਨਹੀਂ ਮਿਲਿਆ, ਬੀ.ਸੀ. ਫੈਰੀਜ਼ ਦਾ ਕਹਿਣਾ ਹੈ ਕਿ ਯੂਰਪੀਅਨ ਜਹਾਜ਼ ਨਿਰਮਾਤਾ ਨਾਲ ਠੇਕਾ ਕਰਨ 'ਤੇ ਉਸ ਨੂੰ 1.2 ਬਿਲੀਅਨ ਡਾਲਰ ਵੱਧ ਖਰਚ ਪੈਣੇ ਸਨ।
