17.29C Vancouver 17.29C VancouverJul 31, 2020 5:53 PM -
ਬ੍ਰਿਟਿਸ਼ ਕੋਲੰਬੀਆ ਦੇ ਵਿਸ਼ਾਲ ਸਾਈਟ ਸੀ ਪਣ-ਬਿਜਲੀ ਡੈਮ ਪ੍ਰੋਜੈਕਟ ਨੂੰ ਕੋਵਿਡ-19 ਮਹਾਂਮਾਰੀ ਨੇ ਬਹੁਤ ਪ੍ਰਭਾਵਿਤ ਕੀਤਾ ਹੈ ਅਤੇ ਹੁਣ ਉਸਾਰੀ ਵਿੱਚ ਦੇਰੀਆਂ ਅਤੇ ਵਧਦੀਆਂ ਲਾਗਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਬੀ.ਸੀ. ਹਾਈਡਰੋ ਦੇ ਪ੍ਰਧਾਨ ਕ੍ਰਿਸ ਓ ਰਾਇਲੀ ਨੇ ਬੀ.ਸੀ. ਯੂਟੀਲਿਟੀਜ਼ ਕਮਿਸ਼ਨ ਨੂੰ ਸੌਂਪੀ ਤਿਮਾਹੀ ਅੱਪਡੇਟ ਵਿੱਚ ਕਿਹਾ ਹੈ ਕਿ ਕੋਵਿਡ-19 ਮਹਾਂਮਾਰੀ ਦਾ ਇਸ ਪ੍ਰੋਜੈਕਟ ਦੀ ਸੁਰੱਖਿਆ, ਲਾਗਤ ਅਤੇ ਸਮਾਂ-ਸਾਰਣੀ 'ਤੇ ਕਾਫ਼ੀ ਪ੍ਰਭਾਵ ਪਿਆ ਹੈ।
ਅਪਰੈਲ 2018 ਵਿੱਚ ਸਾਈਟ ਸੀ ਦਾ ਬਜਟ $10.7 ਬਿਲੀਅਨ ਹੋਣ ਦਾ ਅੰਦਾਜ਼ਾ ਲਗਾਇਆ ਗਿਆ ਸੀ, ਜਿਸ ਵਿੱਚ ਰਾਖਵੇਂ ਅਤੇ ਕੰਟੀਜੈਂਸੀ ਫੰਡ ਵੀ ਸ਼ਾਮਲ ਹਨ ਜਿਨ੍ਹਾਂ ਦੀ ਕੁੱਲ ਲਾਗਤ $1.5 ਬਿਲੀਅਨ ਦੇ ਬਰਾਬਰ ਹੈ।
ਊਰਜਾ ਮੰਤਰੀ ਬਰੂਸ ਰਾਲਸਟਨ ਨੇ ਇੱਕ ਬਿਆਨ ਵਿੱਚ ਕਿਹਾ ਹੈ ਕਿ ਉਹ ਇਸ ਖ਼ਬਰ ਬਾਰੇ ਚਿੰਤਤ ਹਨ ਅਤੇ ਉਹਨਾਂ ਨੇ ਸਾਬਕਾ ਉਪ ਵਿੱਤ ਮੰਤਰੀ ਪੀਟਰ ਮਿਲਬਰਨ ਨੂੰ ਇਸ ਪ੍ਰੋਜੈਕਟ ਲਈ ਵਿਸ਼ੇਸ਼ ਸਲਾਹਕਾਰ ਨਿਯੁਕਤ ਕੀਤਾ ਹੈ।
ਸਾਈਟ ਸੀ, ਪੀਸ ਰਿਵਰ 'ਤੇ ਤੀਜਾ ਡੈਮ ਅਤੇ ਪਣ-ਬਿਜਲੀ ਪੈਦਾ ਕਰਨ ਵਾਲਾ ਸਟੇਸ਼ਨ ਹੋਵੇਗਾ ਅਤੇ ਇਹ ਬੀ.ਸੀ. ਵਿੱਚ ਹਰ ਸਾਲ ਲਗਭਗ 4,50,000 ਘਰਾਂ ਲਈ ਬਿਜਲੀ ਪ੍ਰਦਾਨ ਕਰੇਗਾ।
