16.71C Vancouver 16.71C VancouverJun 19, 2020 9:19 PM -
ਬੀ.ਸੀ. ਲਿਬਰਲ ਲੀਡਰ ਐਂਡਰਿਊ ਵਿਲਕਿੰਸਨ ਨੇ ਐਨ.ਡੀ.ਪੀ. ਸਰਕਾਰ ਤੋਂ ਜਲਦੀ ਤੋਂ ਜਲਦੀ ਬਜਟ ਅਪਡੇਟ ਦੇਣ ਦੀ ਮੰਗ ਕੀਤੀ ਹੈ।
ਵਿਲਕਿੰਸਨ ਦਾ ਕਹਿਣਾ ਹੈ ਕਿ, ਇਸ ਦੇ ਨਾਲ ਬੀ.ਸੀ. ਦੇ ਲੋਕਾਂ ਨੂੰ ਸੂਬੇ ਦੀ ਵਿੱਤੀ ਹਾਲਤ ਦੀ ਸਹੀ ਤਸਵੀਰ ਵਿਖਾਈ ਦੇਵੇਗੀ।
ਵਿਲਕਿੰਸਨ ਨੇ ਕਿਹਾ ਕਿ ਐਨ.ਡੀ.ਪੀ. ਦਾ ਇਸ ਸਾਲ ਦਾ ਬਜਟ ਹੁਣ ਸਹੀ ਨਹੀਂ ਮੰਨਿਆ ਜਾ ਸਕਦਾ ਅਤੇ ਲੋਕਾਂ ਨੂੰ ਸੱਚਾਈ ਦਸਸੀਨੀ ਚਾਹੀਦੀ ਹੈ।
ਉਨ੍ਹਾਂ ਕਿਹਾ ਕਿ ਐਨ.ਡੀ.ਪੀ. ਨੇ ਪੈਂਡੇਮਿਕ ਨਾਲ ਨਜਿੱਠਣ ਲਈ ਅਪ੍ਰੈਲ ਮਹੀਨੇ 'ਚ $5 ਬਿਲੀਅਨ ਦਾ ਵਧੇਰੇ ਖਰਚਾ ਕਰਨ ਦੀ ਗੱਲ ਆਖੀ ਹੈ।
ਉਨ੍ਹਾਂ ਸਵਾਲ ਕੀਤਾ ਕਿ ਉਹ ਪੈਸਾ ਕਿੱਥੇ ਗਿਆ?
ਵਿਲਕਿੰਸਨ ਨੇ ਕਿਹਾ, ਲੋਕਾਂ ਨੂੰ ਜਾਨਣ ਦਾ ਹੱਕ ਹੈ ਕਿ ਰਕਮ ਦੀ ਵਰਤੋਂ ਕਿੱਥੇ ਤੇ ਕਿਵੇਂ ਹੋ ਰਹੀ ਹੈ।
ਲੋਕਾਂ ਨੂੰ ਹੋਰ ਸਰਵੇਖਣਾਂ ਦੀ ਨਹੀਂ, ਸਗੋਂ ਜਵਾਬਾਂ ਦੀ ਲੋੜ ਹੈ।
ਉਨ੍ਹਾਂ ਕਿਹਾ ਕਿ ਸਰਕਾਰ ਨੂੰ ਜੇਕਰ ਰੋਜ਼ਾਨਾ ਨਹੀਂ, ਤਾਂ ਯਕੀਨੀ ਤੌਰ 'ਤੇ ਹਫਤੇ ਦੀ ਵਿੱਤੀ ਅਪਡੇਟ ਜ਼ਰੂਰ ਮਿਲ ਰਹੀ ਹੋਵੇਗੀ।
ਵਿਲਕਿੰਸਨ ਨੇ ਕਿਹਾ ਕਿ ਇਨ੍ਹਾਂ ਅਪਡੇਟਸ ਨੂੰ ਜਾਨਣ ਦਾ ਹੱਕ ਸਾਰੇ ਬੀ.ਸੀ. ਵਾਸੀਆਂ ਦਾ ਹੈ।
