18.51C Vancouver 18.51C VancouverMay 21, 2020 7:31 PM -
ਬੀ.ਸੀ. ਲਿਬਰਲਜ਼ ਦਾ ਕਹਿਣਾ ਹੈ ਕਿ ਸੂਬਾ ਸਰਕਾਰ ਤੋਂ ਮੰਗ ਕੀਤੀ ਜਾ ਰਹੀ ਹੈ ਕਿ ਛੋਟੇ ਵਪਾਰਾਂ ਨੂੰ ਸੁਰੱਖਿਅਤ ਤਰੀਕੇ ਨਾਲ ਖੋਲ੍ਹਣ ਲਈ ਉਨ੍ਹਾਂ ਨੂੰ ਫੰਡਿੰਗ ਪ੍ਰਦਾਨ ਕੀਤੀ ਜਾਵੇ, ਤਾਂ ਜੋ ਇਹ ਵਪਾਰ ਜ਼ਰੂਰੀ ਨਿੱਜੀ ਸੁਰੱਖਿਆ ਸਮਗਰੀ (Personal Protective Equipment) ਹਾਸਿਲ ਕਰ ਸਕਣ।
ਅਧਿਕਾਰਿਤ ਵੋਰੋਧੀ ਧਿਰ ਦੇ ਲੀਡਰ ਐਂਡਰਿਊ ਵਿਲਕਿਨਸਨ ਨੇ ਇਸ ਸੰਬੰਧੀ ਮੰਗ ਪੇਸ਼ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਬੀਤੇ ਮੰਗਲਵਾਰ ਵੀ ਉਨ੍ਹਾਂ ਸੂਬੇ ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੂੰ ਇਸ ਸੰਬੰਧੀ ਚਿੱਠੀ ਲਿਖੀ ਸੀ, ਅਤੇ ਛੋਟੇ ਵਪਾਰਾਂ ਤੇ ਗ਼ੈਰ-ਮੁਨਾਫ਼ਾ ਸੰਗਠਨਾਂ ਨੂੰ ਨਿੱਜੀ ਸੁਰੱਖਿਆ ਸਮਗਰੀ ਹਾਸਿਲ ਕਰਨ ਲਈ ਫੰਡਿੰਗ ਦੇਣ ਦੀ ਮੰਗ ਕੀਤੀ ਸੀ।
ਵਿਲਕਿਨਸਨ ਨੇ ਕਿਹਾ ਕਿ ਜੇਕਰ ਨਿੱਜੀ ਸੁਰੱਖਿਆ ਸਮਗਰੀ (PPE) ਖਰੀਦਣ ਲਈ ਮਦਦ ਪ੍ਰਦਾਨ ਨਹੀਂ ਕੀਤੀ ਗਈ ਤਾਂ ਲੋਕਲ ਵਪਾਰ ਅਤੇ ਸੰਗਠਨ ਇਸ ਨੂੰ ਹਾਸਿਲ ਕਰਨ, ਅਤੇ ਸੁਰੱਖਿਅਤ ਤਰੀਕੇ ਨਾਲ ਖੁੱਲ੍ਹਣ 'ਚ ਕਾਮਯਾਬ ਨਹੀਂ ਹੋ ਸਕਣਗੇ।
ਐਂਡਰਿਊ ਵਿਲਕਿਨਸਨ ਨੇ ਕਿਹਾ ਕਿ ਅਜਿਹੀ ਹਾਲਤ 'ਚ ਬਹੁਤ ਸਾਰੇ ਬ੍ਰਿਟਿਸ਼ ਕੋਲੰਬੀਅਨਜ਼ ਨੌਕਰੀ 'ਤੇ ਨਹੀਂ ਪਰਤ ਸਕਣਗੇ ਜਾਂ ਕੰਮ ਹਾਸਿਲ ਨਹੀਂ ਕਰ ਪਾਉਣਗੇ।
ਬੀ.ਸੀ. ਲਿਬਰਲ ਲੇਬਰ ਕ੍ਰਿਟਿਕ, ਐਮ.ਐਲ.ਏ. ਜੌਨ ਮਾਰਟਿਨ ਨੇ ਕਿਹਾ, "ਅਸੀਂ ਬੀਤੇ ਹਫ਼ਤੇ ਵਰਕਸੇਫ ਬੀ.ਸੀ. ਦੇ $2 ਬਿਲੀਅਨ ਸਰਪਲਸ (surplus) ਵੱਲ ਧਿਆਨ ਖਿੱਚਣ ਦੀ ਕੋਸ਼ਿਸ਼ ਕੀਤੀ ਸੀ, ਜਿਸ ਦੇ ਲਈ ਸੂਬੇ ਦੇ ਬਹੁਤ ਸਾਰੇ ਵਪਾਰਾਂ ਨੇ ਕਈ ਸਾਲਾਂ ਤੋਂ ਯੋਗਦਾਨ ਪਾਇਆ ਹੈ ਅਤੇ ਹੁਣ ਇਸ ਦੀ ਵਰਤੋਂ ਵਪਾਰੀਆਂ ਨੂੰ ਨਿੱਜੀ ਸੁਰੱਖਿਆ ਸਮਗਰੀ ਹਾਸਿਲ ਕਰਨ ਲਈ ਫੰਡਿੰਗ ਪ੍ਰਦਾਨ ਕਰਨ 'ਚ ਕੀਤੀ ਜਾ ਸਕਦੀ ਹੈ।"
