ਬੀ.ਸੀ. - ਸੂਬੇ ਨੇ ਕੀਤੀ ਦੋ ਹੋਰ ਸਕੂਲ ਸਾਈਟਸ ਐਕੁਆਇਰ ਕਰਨ ਦੀ ਪੁਸ਼ਟੀ

ਬੀ.ਸੀ. ਸਰਕਾਰ ਨੇ ਸਰੀ ਵਿੱਚ ਦੋ ਹੋਰ ਸਕੂਲਾਂ ਲਈ ਜ਼ਮੀਨ ਹਾਸਿਲ ਕਰ ਲਈ ਹੈ, ਜਿਨ੍ਹਾਂ ਵਿੱਚੋਂ ਇੱਕ ਰੈੱਡ ਵੁੱਡ ਹਾਈਟਸ ਨੇਬਰ ਹੁੱਡ (redwood heights neighbourhood) ਅਤੇ ਦੂਜੀ ਸਾਊਥ ਨਿਊਟਨ ਨੇਬਰਹੁੱਡ (south newton neighbourhood ) ਵਿੱਚ ਹੈ।

ਸਰੀ ਸਿਟੀ ਹਾਲ ਵਿਖੇ ਇਹ ਐਲਾਨ ਕਰਦਿਆਂ ਮਨਿਸਟਰ ਆਫ਼ ਐਜੂਕੇਸ਼ਨ, ਰਾਬ ਫਲੈਮਿੰਗ (minister of education, Rob Fleming) ਨੇ ਕਿਹਾ ਕਿ ਇਹ ਨਿਵੇਸ਼ ਭਵਿੱਖ ਨੂੰ ਧਿਆਨ 'ਚ ਰੱਖ ਕੇ ਕੀਤਾ ਜਾ ਰਿਹਾ ਹੈ, ਤਾਂ ਜੋ ਵਿਦਿਆਰਥੀਆਂ ਨੂੰ ਪੋਰਟੇਬਲਸ ਦੀ ਥਾਂ ਤੇ ਸਹੀ ਕਲਾਸ ਰੂਮਜ਼ ਦਿੱਤੇ ਜਾ ਸਕਣ।

ਇਸ ਮੌਕੇ ਗੱਲ ਕਰਦਿਆਂ ਸਰੀ ਦੇ ਮੇਅਰ ਡੱਗ ਮੈਕੁਲਮ (Doug McCallum) ਨੇ ਕਿਹਾ ਕਿ ਉਹ ਇੱਕ ਅਜਿਹਾ ਸਿਸਟਮ ਚਾਹੁੰਦੇ ਹਨ ਜਿਸ ਵਿੱਚ ਸਕੂਲਾਂ ਵਿੱਚ ਸਮਰੱਥਾ ਤੋਂ ਵੱਧ ਵਿਦਿਆਰਥੀ ਨਾ ਹੋਣ।

ਜ਼ਿਕਰਯੋਗ ਹੈ ਕਿ ਸਰੀ ਸਕੂਲ ਡਿਸਟ੍ਰਿਕਟ (surrey school district) ਬੀ.ਸੀ. ਦਾ ਸਭ ਤੋਂ ਵੱਡਾ ਅਤੇ ਤੇਜ਼ੀ ਨਾਲ ਵੱਧ ਰਿਹਾ ਡਿਸਟ੍ਰਿਕਟ ਹੈ, ਜਿਸ ਵਿੱਚ ਲੱਗਭੱਗ 74,000 ਵਿਦਿਆਰਥੀ ਹਨ ਅਤੇ ਇਸ ਗਿਣਤੀ ਵਿੱਚ ਅਗਲੇ ਸਕੂਲ ਈਅਰ (school year) ਵਿੱਚ ਇੱਕ ਹਜ਼ਾਰ ਦਾ ਵਾਧਾ ਹੋ ਜਾਏਗਾ।