BC Transit services expand in Kamloops

ਕਮਲੂਪਸ ਵਿੱਚ ਬੀਸੀ ਟ੍ਰਾਂਜ਼ਿਟ ਸੇਵਾਵਾਂ ਦਾ ਕੀਤਾ ਜਾ ਰਿਹੈ ਵਿਸਥਾਰ

Share On

“This expansion supports a more inclusive, connected community and ensures that transit keeps pace with the needs of our growing province.”(Image: This image was shared by BC Transit on X)

ਬੀ. ਸੀ. ਸਰਕਾਰ ਵਲੋਂ ਕਮਲੂਪਸ, ਕੋਮੌਕਸ ਵੈਲੀ ਅਤੇ ਫੋਰਟ ਸੇਂਟ ਜੌਨ ਵਿਚ ਟਰਾਂਜ਼ਿਟ ਸਰਵਿਸ ਦਾ ਵਿਸਥਾਰ ਕੀਤਾ ਜਾ ਰਿਹਾ ਹੈ। ਇਸ ਤਹਿਤ 1 ਸਤੰਬਰ ਤੋਂ ਕਾਨੂੰਨੀ ਛੁੱਟੀਆਂ 'ਤੇ ਵੀ ਹੈਂਡੀਡਾਰਟ ਸਰਵਿਸ ਉਪਲਬਧ ਹੋਵੇਗੀ। ਕਮਲੂਪਸ ਵਿਚ ਕਈ ਰੂਟ 'ਤੇ ਹੈਂਡੀਡਾਰਟ ਸਰਵਿਸ ਨੂੰ ਰੈਗੂਲਰ ਪਬਲਿਕ ਟਰਾਂਜ਼ਿਟ ਸਰਵਿਸ ਦੇ ਬਰਾਬਰ ਵੀ ਕੀਤਾ ਜਾ ਰਿਹਾ ਹੈ।

ਸੂਬਾ ਸਰਕਾਰ ਵਿਚ ਟਰਾਂਜ਼ਿਟ ਲਈ ਪਾਰਲੀਮੈਂਟਰੀ ਸਕੱਤਰ ਜਾਰਜ ਐਂਡਰਸਨ ਨੇ ਕਿਹਾ ਕਿ ਕਾਨੂੰਨੀ ਛੁੱਟੀਆਂ 'ਤੇ ਹੈਂਡੀਡਾਰਟ ਸੇਵਾਵਾਂ ਦੇ ਵਿਸਥਾਰ ਦਾ ਮਤਲਬ ਹੈ ਕਿ ਕੋਮੌਕਸ ਵੈਲੀ ਅਤੇ ਫੋਰਟ ਸੇਂਟ ਜੌਨ ਵਿਚ ਵੱਧ ਤੋਂ ਵੱਧ ਲੋਕਾਂ ਦੀ ਸੇਫ ਅਤੇ ਭਰੋਸੇਮੰਦ ਆਵਾਜਾਈ ਤੱਕ ਪਹੁੰਚ ਹੋਵੇਗੀ। ਐਂਡਰਸਨ ਨੇ ਕਿਹਾ ਕਿ ਸੂਬੇ ਭਰ ਵਿਚ ਰਾਈਡਰਸ਼ਿਪ ਦੀ ਵਧਦੀ ਮੰਗ ਨੂੰ ਪੂਰਾ ਕਰਨ ਲਈ ਬੀ.ਸੀ. ਟ੍ਰਾਂਜ਼ਿਟ ਅਤੇ ਬੀ.ਸੀ. ਸਰਕਾਰ ਸਥਾਨਕ ਸਰਕਾਰਾਂ ਨਾਲ ਸਾਂਝੇਦਾਰੀ ਕਰ ਰਹੇ ਹਨ।

ਉਨ੍ਹਾਂ ਕਿਹਾ ਕਿ ਟਰਾਂਸਪੋਟਸ਼ਨ ਅਤੇ ਆਵਾਜਾਈ ਮੰਤਰਾਲੇ ਨੇ ਬੀ. ਸੀ. ਟ੍ਰਾਂਜ਼ਿਟ ਦੇ ਓਪਰੇਟਿੰਗ ਫੰਡ ਵਿਚ ਲਗਾਤਾਰ ਵਾਧਾ ਕੀਤਾ ਹੈ ਤਾਂ ਜੋ ਮੈਟਰੋ ਵੈਨਕੂਵਰ ਤੋਂ ਬਾਹਰ ਦੇ ਲੋਕਾਂ ਨੂੰ ਉਨ੍ਹਾਂ ਦੀਆਂ ਲੋੜ ਅਨੁਸਾਰ ਟਰਾਂਜ਼ਿਟ ਸੇਵਾਵਾਂ ਤੱਕ ਪਹੁੰਚ ਮਿਲਣਾ ਯਕੀਨੀ ਬਣਾਇਆ ਜਾ ਸਕੇ। ਐਂਡਰਸਨ ਨੇ ਕਿਹਾ ਕਿ ਸੂਬਾ ਸਰਕਾਰ 2017 ਤੋਂ ਬੀ.ਸੀ. ਟ੍ਰਾਂਜ਼ਿਟ ਲਈ ਓਪਰੇਟਿੰਗ ਬਜਟ ਵਿਚ ਲਗਭਗ 70 ਫੀਸਦੀ ਵਾਧਾ ਕਰ ਚੁੱਕੀ ਹੈ ਅਤੇ ਟ੍ਰਾਂਜ਼ਿਟ ਵਿਸਥਾਰ ਨੂੰ ਲਾਗੂ ਕਰਨਾ ਜਾਰੀ ਰੱਖਿਆ ਹੈ ਜਿਸ ਨਾਲ ਪੂਰੇ ਬੀ.ਸੀ. ਵਿਚ ਲੋਕਾਂ ਨੂੰ ਲਾਭ ਹੋਵੇਗਾ।

ਬੀ.ਸੀ. ਸਰਕਾਰ ਨੇ ਤਾਂਬਾ ਅਤੇ ਗੋਲਡ ਦੀ ਮਾਈਨਿੰਗ ਕਰਨ ਵਾਲੀ ਰੈਡ ਕ੍ਰਿਸ ਮਾਈਨ ਦੇ ਵਿਸਥਾਰ ਪ੍ਰੋਜੈਕਟ ਨੂੰ ਰਸਮੀ ਮਨਜ਼ੂਰੀ ਦੇ ਦਿੱਤੀ ਹੈ। ਇਹ ਖਾਨ ਉੱਤਰ-ਪੱਛਮੀ ਬੀ. ਸੀ. ਵਿਚ ਇਸਕੁਟ ਇਲਾਕੇ ਤੋਂ ਲਗਭਗ 18 ਕਿਲੋਮੀਟਰ ਦੀ ਦੂਰੀ 'ਤੇ ਹੈ।ਪ੍ਰੀਮੀਅਰ ਡੇਵਿਡ ਈਬੀ ਅਤੇ ਮਾਈਨਿੰਗ ਮੰਤਰੀ ਜਗਰੂਪ ਬਰਾੜ ਮੁਤਾਬਕ,ਰੈਡ ਕ੍ਰਿਸ ਮਾਈਨ ਦੇ ਵਿਸਥਾਰ ਪ੍ਰੋਜੈਕਟ ਦੇ ਨਿਰਮਾਣ ਕਾਰਜ ਦੌਰਾਨ ਲਗਭਗ 1,800 ਨਵੇਂ ਲੋਕਾਂ ਨੂੰ ਰੁਜ਼ਗਾਰ ਮਿਲੇਗਾ ਅਤੇ ਇਹ ਪ੍ਰੋਜੈਕਟ ਕੰਪਨੀ ਨਾਲ ਪਹਿਲਾਂ ਤੋਂ ਕੰਮ ਕਰ ਰਹੇ 1,500 ਪੱਕੇ ਮੁਲਾਜ਼ਮਾਂ ਦੀਆਂ ਨੌਕਰੀਆਂ ਨੂੰ ਵੀ ਸੁਰੱਖਿਅਤ ਰੱਖੇਗਾ।