17.82C Vancouver 17.82C VancouverFeb 8, 2020 12:35 AM -
ਕੋਰੋਨਾਵਾਇਰਸ ਨੂੰ ਲੈਕੇ ਬੀ.ਸੀ. ਦੇ ਸਿਹਤ ਮੰਤਰੀ ਅਤੇ ਸੂਬਾਈ ਸਿਹਤ ਅਫਸਰ ਨੇ ਇੱਕ ਸਾਂਝਾ ਬਿਆਨ ਜਾਰੀ ਕੀਤਾ ਹੈ।
ਉਨ੍ਹਾਂ ਕਿਸੇ ਵੀ ਬਿਮਾਰ ਵਿਅਕਤੀ ਨੂੰ ਆਪਣੇ ਪੱਧਰ 'ਤੇ ਸਾਵਧਾਨੀ ਵਰਤਦੇ ਹੋਏ, ਖੁਦ ਨੂੰ ਇਕੱਲੇ 'ਚ ਰੱਖਣ ਦੀ ਸਲਾਹ ਦਿੱਤੀ ਹੈ।
ਬ੍ਰਿਟਿਸ਼ ਕੋਲੰਬੀਆ ਦੇ ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਵੁਹਾਨ ਤੋਂ ਵੈਨਕੂਵਰ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਪਹੁੰਚੇ ਹਵਾਈ ਜਹਾਜ ਦੇ, ਅੱਗੇ ਵਧਣ ਤੋਂ ਪਹਿਲਾਂ, ਇਥੇ ਰੁਕਣ ਦੇ ਸਮੇਂ ਦੌਰਾਨ ਕਿਸੇ ਦੀ ਵੀ ਸਿਹਤ ਨਹੀਂ ਵਿਗੜੀ, ਅਤੇ ਕੋਈ ਵੀ ਅਜਿਹਾ ਯਾਤਰੀ ਨਹੀਂ ਸੀ, ਜਿਸਨੂੰ ਕਿ ਇਥੇ ਸੂਬੇ 'ਚ ਠਿਹਰਾਇਆ ਗਿਆ ਹੋਵੇ।
ਕੋਰੋਨਾ ਵਾਇਰਸ ਪੀੜਤ ਯਾਤਰੀਆਂ ਨੂੰ ਲਿਜਾ ਰਹੀਆਂ 2 ਫਲਾਈਟਸ ਵੈਨਕੂਵਰ 'ਚ ਉੱਤਰੀਆਂ ਸਨ।
ਪਹਿਲੇ ਮਾਮਲੇ 'ਚ ਔਂਟੈਰੀਓ ਜਾ ਰਿਹਾ ਹਵਾਈ ਜਹਾਜ, ਤੇਲ ਭਰਵਾਉਣ ਲਈ ਵੈਨਕੂਵਰ ਉਤਰਿਆ ਸੀ, ਅਤੇ ਫੇਰ ਔਂਟੈਰੀਓ 'ਚ ਟ੍ਰੈਂਟਨ ਲਈ ਰਵਾਨਾ ਹੋਇਆ।
ਦੂਜੇ ਮਾਮਲੇ 'ਚ ਅਮਰੀਕੀ ਸਰਕਾਰ ਦਾ ਹਵਾਈ ਜਹਾਜ ਸ਼ੁੱਕਰਵਾਰ ਸਵੇਰੇ ਵੈਨਕੂਵਰ 'ਚ ਉੱਤਰਿਆ ਸੀ, ਜਿਸ ਵਿੱਚ 39 ਕਨੇਡੀਅਨ ਸਵਾਰ ਸਨ।
ਇਸ ਦੂਜੀ ਫਲਾਈਟ ਸੰਬੰਧੀ ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ, ਫ੍ਰਾਂਸੂਆ ਫਿਲਿਪ ਸ਼ੈਂਪੇਨ ਨੇ ਵੀ ਇੱਕ ਟਵੀਟ ਰਾਹੀਂ ਜਾਣਕਾਰੀ ਸਾਂਝੀ ਕੀਤੀ, ਅਤੇ ਕਿਹਾ ਕਿ ਅਮਰੀਕੀ ਹਵਾਈ ਜਹਾਜ ਤੇ ਸਵਾਰ, ਸਾਰੇ 39 ਕਨੇਡੀਅਨ ਟ੍ਰੈਂਟਨ ਪਹੁੰਚ ਗਏ ਹਨ।
ਕੋਰੋਨਾ ਵਾਇਰਸ ਸੰਬੰਧੀ ਵਰਤੀ ਜਾ ਰਹੀ ਸਾਵਧਾਨੀ ਨੂੰ ਲੈਕੇ, ਕੁਝ ਨਵੇਂ ਅੰਕੜੇ ਉਜਾਗਰ ਹੋਏ ਹਨ, ਜਿਸ ਅਨੁਸਾਰ, ਬੀ.ਸੀ. 'ਚ ਹੁਣ ਤਕ ਸੈਂਕੜੇ ਲੋਕਾਂ ਦੇ ਟੈਸਟ ਹੋ ਚੁੱਕੇ ਹਨ, ਪਰ ਸਿਰਫ 4 ਮਾਮਲੇ ਪਾਜੀਟਿਵ ਪਾਏ ਗਏ ਹਨ।
ਬੀ.ਸੀ. ਸੈਂਟਰ ਫਾਰ ਡਿਜ਼ੀਜ ਕੰਟਰੋਲ ਵੱਲੋਂ, ਸ਼ੁੱਕਰਵਾਰ ਨੂੰ ਜਾਣਕਾਰੀ ਸਾਂਝੀ ਕੀਤੀ ਗਈ ਕਿ, ਹੁਣ ਤਕ 210 ਲੋਕਾਂ ਦੇ 318 sample ਲਏ ਗਏ ਹਨ, ਜਿਸ ਵਿੱਚੋਂ 4 ਨੂੰ ਪਾਜੀਟਿਵ ਪਾਇਆ ਗਿਆ ਹੈ।
ਸਿਹਤ ਅਧਿਕਾਰੀਆਂ ਅਨੁਸਾਰ ਕੁਝ ਲੋਕਾਂ ਨੂੰ ਇੱਕ ਤੋਂ ਵੱਧ ਵਾਰ ਟੈਸਟ ਕਰਨ ਦੀ ਲੋੜ ਪਈ ਸੀ।
