13.75C Vancouver 13.75C VancouverNov 5, 2020 5:34 PM -
ਅੱਜ ਜੋ ਬਾਈਡਨ ਕੈਂਪੇਨ ਨੇ ਭਰੋਸਾ ਜਤਾਇਆ ਹੈ ਕਿ ਜੌਰਜੀਆ 'ਚ ਫਸਵੀਂ ਟੱਕਰ 'ਚ ਬਾਈਡਨ ਨੂੰ ਜਿੱਤ ਹਾਸਿਲ ਹੋਵੇਗੀ।
ਕੈਂਪੇਨ ਦਾ ਕਹਿਣਾ ਹੈ ਕਿ ਵੋਟ ਕਾਉਂਟਿੰਗ ਜਾਰੀ ਹੈ ਤੇ ਉਹ ਸੱਪੋਰਟ ਕਰ ਰਹੇ ਲੋਕਾਂ ਨੂੰ ਸਬਰ ਅਤੇ ਸ਼ਾਂਤੀ ਬਣਾ ਕੇ ਰੱਖਣ ਨੂੰ ਕਹਿ ਰਹੇ ਹਨ।
ਬਾਈਡਨ ਦੀ ਕੈਂਪੇਨ ਮੈਨੇਜਰ ਜੈਨ ਓ'ਮੈਲੇ ਡਿਲਨ ਨੇ ਵੀਰਵਾਰ ਸਵੇਰੇ ਕਿਹਾ ਕਿ ਅੱਜ ਦੀ ਕਹਾਣੀ ਬੇਹੱਦ ਪਾਜ਼ਿਟਿਵ ਰਹਿਣ ਵਾਲੀ ਹੈ।
ਉਨ੍ਹਾਂ ਨੇ ਲੋਕਾਂ ਨੂੰ ਸਾਵਧਾਨ ਕੀਤਾ ਕਿ ਕਾਉਂਟਿੰਗ ਅਜੇ ਜਾਰੀ ਹੈ, ਅਤੇ ਇਸ ਨੂੰ ਜਾਰੀ ਰਹਿਣ ਦੇਣ ਅਤੇ ਸਹੀ ਤਰੀਕੇ ਨਾਲ ਪੂਰਾ ਹੋਣ ਦੇਣ ਦੀ ਲੋੜ ਹੈ।
ਉਨ੍ਹਾਂ ਇਹ ਵੀ ਕਿਹਾ ਕਿ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਦੀ ਕੈਂਪੇਨ ਕੁਝ ਸੂਬਿਆਂ 'ਚ ਕਾਉਂਟਿੰਗ 'ਚ ਵਿਘਨ ਪਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਅਤੇ ਵਿਸਕਾਂਸਿਨ 'ਚ ਮੁੜ ਤੋਂ ਕਾਉਂਟਿੰਗ ਦੀ ਮੰਗ ਕੀਤੀ ਗਈ ਹੈ, ਪਰ ਇਹ ਸਭ ਫੇਲ ਹੋਣ ਵਾਲੀਆਂ ਨੀਤੀਆਂ ਹਨ।
ਉਨ੍ਹਾਂ ਕਿਹਾ ਕਿ ਚੋਣ ਨਤੀਜਿਆਂ 'ਚ ਅੜਿੱਕੇ ਅਤੇ ਇਸ ਤੋਂ ਧਿਆਨ ਭਟਕਾਉਣ ਦੀ ਕੋਸ਼ਿਸ਼ ਹੋ ਰਹੀ ਹੈ।
ਅਮਰੀਕਾ 'ਚ ਮੰਗਲਵਾਰ ਨੂੰ ਹੋਈਆਂ ਰਾਸ਼ਟਰਪਤੀ ਚੋਣਾਂ ਤੋਂ ਬਾਅਦ, ਹੁਣ ਤੱਕ ਜੇਤੂ ਦਾ ਪਤਾ ਨਹੀਂ ਲਗ ਸਕਿਆ ਹੈ।
ਰਿਪਬਲਿਕਨ ਡੌਨਲਡ ਟ੍ਰੰਪ ਅਤੇ ਡੈਮੋਕ੍ਰੈਟ ਜੋ ਬਾਈਡਨ, ਫ਼ਿਲਹਾਲ 270 ਦੇ ਜੇਤੂ ਅੰਕੜੇ ਤੱਕ ਪਹੁੰਚਣ ਵਿੱਚ ਕਾਮਯਾਬ ਨਹੀਂ ਹੋ ਸਕੇ ਹਨ।
ਹਾਲਾਂਕਿ ਕੱਲ ਮਿਸ਼ੀਗਨ ਅਤੇ ਵਿਸਕਾਂਸਿਨ 'ਚ ਜੇਤੂ ਪ੍ਰੋਜੈਕਟ ਹੋ ਚੁੱਕੇ ਜੋ ਬਾਈਡਨ, 264 ਇਲੈਕਟੋਰਲ ਕਾਲਿਜ ਵੋਟਸ ਤੱਕ ਪਹੁੰਚ ਗਏ ਹਨ।
ਟ੍ਰੰਪ ਦੇ ਖਾਤੇ 'ਚ 214 ਇਲੈਕਟੋਰਲ ਵੋਟਸ ਹਨ।
