13.75C Vancouver 13.75C VancouverNov 4, 2020 9:39 PM -
ਅਮਰੀਕਾ ਦੀ ਰਾਸ਼ਟਰਪਤੀ ਚੋਣ ਵਿੱਚ ਵਿਸਕਾਂਸਿਨ 'ਚ ਡੈਮੋਕ੍ਰੈਟਿਕ ਉਮੀਦਵਾਰ ਜੋ ਬਾਈਡਨ ਨੂੰ ਜਿੱਤ ਹਾਸਿਲ ਹੋਈ ਪ੍ਰੋਜੈਕਟ ਕੀਤੀ ਗਈ ਹੈ।
ਐਸੋਸੀਏਟਿਡ ਪ੍ਰੈਸ ਵੱਲੋਂ ਇਹ ਪ੍ਰੋਜੈਕਸ਼ਨ ਜਾਰੀ ਕੀਤਾ ਗਿਆ ਹੈ।
ਇਸ ਦੇ ਨਾਲ ਹੀ ਜੋ ਬਾਈਡਨ ਰਾਸ਼ਟਰਪਤੀ ਬਣਨ ਦੇ ਲਈ ਜ਼ਰੂਰੀ 270 ਇਲੈਕਟੋਰਲ ਵੋਟਸ ਦੇ ਇੱਕ ਕਦਮ ਹੋਰ ਨੇੜੇ ਪਹੁੰਚ ਗਏ ਹਨ।
ਹਾਲਾਂਕਿ ਦੂਜੇ ਪਾਸੇ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਦੇ ਕੈਂਪੇਨ ਮੈਨੇਜਰ, ਬਿਲ ਸਟੈਪੀਅਨ ਨੇ ਕਿਹਾ ਹੈ ਕਿ ਰਾਸ਼ਟਰਪਤੀ ਦਾ ਪਲੈਨ ਹੈ ਕਿ ਜਲਦੀ ਤੋਂ ਜਲਦੀ, ਵਿਸਕਾਂਸਿਨ ਦੇ ਸੂਬੇ 'ਚ ਰੀਕਾਉਂਟ ਦੀ ਬੇਨਤੀ ਕੀਤੀ ਜਾਵੇ।
ਜੇਕਰ ਵਿਸਕਾਂਸਿਨ 'ਚ ਜਿੱਤ-ਹਾਰ ਦਾ ਫਰਕ 1 ਪਰਸੈਂਟੇਜ ਪਾਇੰਟ ਦਾ ਹੋਵੇ, ਤਾਂ ਪਿੱਛੜਦੇ ਕੈਂਡੀਡੇਟ ਵੱਲੋਂ ਰੀਕਾਉਂਟ ਲਈ ਕਿਹਾ ਜਾ ਸਕਦਾ ਹੈ।
ਸਟੈਪੀਅਨ ਨੇ ਇੱਕ ਬਿਆਨ 'ਚ ਕਿਹਾ, "ਰਾਸ਼ਟਰਪਤੀ ਦੀ ਇਹ ਰੀਕਾਉਂਟ ਕਰਨ ਦੀ ਬੇਨਤੀ ਲਈ ਐਲੀਜੀਬਿਲਿਟੀ ਬਣਦੀ ਹੈ, ਅਤੇ ਇਸਲਈ ਤੁਰੰਤ ਅਜਿਹਾ ਕਰਨ ਦੀ ਤਿਆਰੀ ਹੈ।"
ਹਾਲਾਂਕਿ ਵਿਸਕਾਂਸਿਨ ਇਲੈਕਸ਼ਨ ਕਮਿਸ਼ਨ ਤੋਂ ਮੇਗਨ ਵੌਲਫ ਨੇ ਸਥਿਤੀ ਸਪਸ਼ਟ ਕਰਦਿਆਂ ਕਿਹਾ ਹੈ ਕਿ ਬੀਤੇ ਕੱਲ ਸੂਬੇ ਅਤੇ ਦੇਸ਼ 'ਚ ਚੋਣਾਂ ਸਹੀ ਤਰੀਕੇ ਨਾਲ ਸੰਪੰਨ ਹੋਈਆਂ ਹਨ।
ਉਨ੍ਹਾਂ ਕਿਹਾ ਕਿ ਵੋਟਿੰਗ ਪ੍ਰੀਕਿਰਿਆ 'ਤੇ ਸਵਾਲ ਨਹੀਂ ਚੁੱਕੇ ਜਾ ਸਕਦੇ।
ਉਨ੍ਹਾਂ ਜ਼ੋਰ ਦਿੱਤਾ ਕਿ ਚੋਣ ਪ੍ਰੀਕਿਰਿਆ ਦਾ ਹਰ ਕਦਮ ਲੋਕਾਂ ਦੇ ਸਾਹਮਣੇ ਹੈ।
ਉਨ੍ਹਾਂ ਕਿਹਾ ਕਿ ਹਰ ਵੈਲਿਡ ਬੈਲੇਟ ਦੀ ਸਹੀ ਗਿਣਤੀ ਲਈ ਟੀਮਾਂ ਲਗਾਤਾਰ ਕੰਮ ਕਰ ਰਹੀਆਂ ਹਨ।
ਯਾਦ ਰਹੇ ਵਿਸਕਾਂਸਿਨ ਤੋਂ ਇਲਾਵਾ ਮਿਸ਼ੀਗਨ ਅਤੇ ਪੈਨਸਿਲਵੇਨੀਆ 'ਚ ਵੋਟਾਂ ਦੀ ਸਥਿਤੀ ਸਪਸ਼ਟ ਨਹੀਂ ਹੋ ਪਾਈ ਹੈ।
ਫ਼ਿਲਹਾਲ 270 ਇਲੈਕਟੋਰਲ ਵੋਟਸ ਦੀ ਦੌੜ 'ਚ ਬਾਈਡਨ ਨੂੰ 247 ਅਤੇ ਟ੍ਰੰਪ ਨੂੰ 213 'ਤੇ ਟਿਕਿਆ ਦੱਸਿਆ ਗਿਆ ਹੈ।
