16.72C Vancouver 16.72C VancouverNov 4, 2020 11:39 PM -
ਡੈਮੋਕ੍ਰੈਟ ਰਾਸ਼ਟਰਪਤੀ ਉਮੀਦਵਾਰ ਜੋ ਬਾਈਡਨ ਨੂੰ ਮਿਸ਼ੀਗਨ 'ਚ ਜੇਤੂ ਪ੍ਰੋਜੈਕਟ ਕਰ ਦਿੱਤਾ ਗਿਆ ਹੈ।
ਇਸ ਦੇ ਨਾਲ ਹੀ ਮਿਸ਼ੀਗਨ ਦੇ 16 ਇਲੈਕਟੋਰਲ ਵੋਟਸ ਬਾਈਡਨ ਦੇ ਖਾਤੇ 'ਚ ਆ ਗਏ ਹਨ।
ਡੌਨਲਡ ਟ੍ਰੰਪ ਦੇ ਮੁੜ ਤੋਂ ਰਾਸ਼ਟਰਪਤੀ ਬਣਨ ਦਾ ਰਸਤਾ ਹੋਰ ਮੁਸ਼ਕਿਲ ਹੋ ਗਿਆ ਹੈ।
ਸਾਲ 2016 'ਚ ਟ੍ਰੰਪ ਨੂੰ ਮਿਸ਼ੀਗਨ, ਵਿਸਕਾਂਸਿਨ ਅਤੇ ਪੈਨਸਿਲਵੇਨੀਆ 'ਚ ਜਿੱਤ ਹਾਸਿਲ ਹੋਈ ਸੀ, ਜਿਸ ਨਾਲ ਵਾਈਟ ਹਾਊਸ 'ਚ ਜਾਣ 'ਚ ਮਦਦ ਹਾਸਿਲ ਹੋਈ ਸੀ।
ਇਸ ਵਾਰ ਇਹ ਸੂਬੇ ਬਾਈਡਨ ਨੂੰ ਚੁਣਦੇ ਜਾਪ ਰਹੇ ਹਨ।
ਬਾਈਡਨ ਨੂੰ ਵਿਸਕਾਂਸਿਨ 'ਚ ਵੀ ਜੇਤੂ ਪ੍ਰੋਜੈਕਟ ਕੀਤਾ ਗਿਆ ਹੈ, ਜਦਕਿ ਪੈਨਸਿਲਵੇਨੀਆ 'ਚ ਫ਼ਿਲਹਾਲ ਨਤੀਜੇ ਸਾਹਮਣੇ ਨਹੀਂ ਆਏ ਹਨ।
ਮਿਸ਼ੀਗਨ ਦੀ ਵੋਟ ਪ੍ਰੋਜੈਕਸ਼ਨ ਨਾਲ ਬਾਈਡਨ ਦਾ ਇਲੈਕਟੋਰਲ ਕਾਲਿਜ ਵੋਟਸ ਦਾ ਅੰਕੜਾ 264 ਤੱਕ ਪਹੁੰਚ ਗਿਆ ਹੈ।
ਦੂਜੇ ਪਾਸੇ ਟ੍ਰੰਪ ਦੇ ਖਾਤੇ 'ਚ 214 ਇਲੈਕਟੋਰਲ ਵੋਟਸ ਹਨ।
