15.81C Vancouver 15.81C VancouverMar 9, 2020 10:33 PM -
ਵਿੱਤ ਮੰਤਰੀ ਬਿਲ ਮੌਰਨੇਊ ਦਾ ਕਹਿਣਾ ਹੈ ਕਿ ਕਨੇਡੀਅਨ ਇਕਾਨਮੀ ਇੰਨੀ ਕੁ ਮਜਬੂਤ ਹੈ ਕਿ, ਕੋਰੋਨਾ ਵਾਇਰਸ ਦੇ ਪ੍ਰਭਾਵ ਨੂੰ ਝੱਲ ਸਕੇ।
ਉਨ੍ਹਾਂ ਕਿਹਾ ਕਿ ਫੈਡਰਲ ਸਰਕਾਰ ਕੋਲ ਇੰਨੇ ਕੁ ਫਾਇਨੈਂਸ ਸੰਬੰਧੀ ਹੱਲ ਹਨ, ਜਿਸਦੇ ਆਸਰੇ ਨਿਜੀ ਪੱਧਰ ਅਤੇ ਵਪਾਰਿਕ ਪੱਧਰ 'ਤੇ ਲੋਕਾਂ ਨੂੰ ਇਸ ਨਾਲ ਨਜਿੱਠਣ 'ਚ ਮਦਦ ਮੁਹਈਆ ਕਰਵਾਈ ਜਾ ਸਕੇ।
ਹਾਲਾਂਕਿ ਉਨ੍ਹਾਂ ਇਹ ਸਪਸ਼ਟ ਨਹੀਂ ਕੀਤਾ ਕਿ ਪਲੈਨਸ 'ਚ ਆਖਿਰ ਕਿ ਕੁਝ ਕੀਤਾ ਜਾਵੇਗਾ, ਜਾਂ ਫੈਡਰਲ ਬਜਟ ਕਦ ਰਿਲੀਜ ਕੀਤਾ ਜਾਵੇਗਾ।
ਬਾਜਾਰ 'ਚ ਆਈ ਗਿਰਾਵਟ ਅਤੇ ਤੇਲ ਕੀਮਤਾਂ 'ਚ ਆਈ ਗਿਰਾਵਟ ਦੇ ਨਾਲ ਜੁੜੇ, ਪਹਿਲਾਂ ਨਾਲੋਂ ਵਧੇਰੇ ਡੈਫੀਸਿਟ ਦੇ ਖਤਰੇ 'ਤੇ ਵੀ ਉਨ੍ਹਾਂ ਗੱਲਬਾਤ ਨਹੀਂ ਕੀਤੀ।
ਬਿਲ ਮੌਰਨੇਊ ਨੇ ਕਿਹਾ ਕਿ ਫੈਡਰਲ ਸਰਕਾਰ ਅਜੇਹੀ ਸਥਿਤੀ ਵਿੱਚ ਹੈ, ਜਿਥੇ ਕੋਵਿਡ-19 ਜਿਹੀ ਚੁਣੌਤੀ ਨਾਲ ਨਜਿੱਠਿਆ ਜਾ ਸਕਦਾ ਹੈ।
ਟਰੂਡੋ ਸਰਕਾਰ ਤੋਂ ਮੰਗ ਕੀਤੀ ਜਾ ਰਹੀ ਹੈ ਕਿ ਫੈਡਰਲ ਬਿਮਾਰੀ ਦੀਆਂ ਛੁੱਟੀਆਂ ਸੰਬੰਧੀ ਲੋਕਾਂ ਨੂੰ ਸਹਾਇਤਾ ਪ੍ਰਦਾਨ ਕੀਤੀ ਜਾਵੇ।
ਹੋਰ ਅਜੇਹੀਆਂ ਸਹੂਲਤਾਂ ਲਈ ਵੀ ਮੰਗ ਕੀਤੀ ਜਾ ਰਹੀ ਹੈ।
