16.3C Vancouver 16.3C VancouverFeb 20, 2020 7:16 PM -
ਪਬਲਿਕ ਸੇਫਟੀ ਮਨਿਸਟਰ ਬਿੱਲ ਬਲੇਅਰ ਨੇ ਕਿਹਾ ਹੈ ਕਿ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਆਰ.ਸੀ.ਐੱਮ.ਪੀ ਨੇ ਵੈਟ’ਸੁ’ਵੈਟ’ਇਨ ਹੇਰਾਡਿਟਰੀ ਚੀਫਜ਼ ਦੀ ਗੱਲ ਮੰਨਦਿਆਂ ਉਨ੍ਹਾਂ ਦੀ ਜ਼ਮੀਨ ਤੋਂ ਹਟਣ ਦਾ ਫੈਸਲਾ ਕਰ ਲਿਆ ਹੈ।
ਬੀ.ਸੀ. ਵਿੱਚ ਨੈਚੁਰਲ ਗੈਸ ਪਾਈਪਲਾਈਨ ਦੇ ਵਿਵਾਦ ਦੇ ਚੱਲਦਿਆਂ ਵੈਟ’ਸੁ’ਵੈਟ’ਇਨ ਹੇਰਾਡਿਟਰੀ ਚੀਫਜ਼ ਨੇ ਕਿਹਾ ਸੀ ਕਿ ਉਹ ਉਦੋਂ ਤੱਕ ਇੰਡੀਜੀਨਸ ਰਿਲੇਸ਼ਨਜ਼ ਮਨਿਸਟਰਾਂ ਨੂੰ ਨਹੀਂ ਮਿਲਣਗੇ ਜਦ ਤੱਕ ਉਨ੍ਹਾਂ ਦੀ ਜ਼ਮੀਨ ਤੇ ਸਥਿਤ ਇੱਕ ਛੋਟੀ ਆਰ.ਸੀ.ਐੱਮ.ਪੀ. ਡਿਟੈਚਮੈਂਟ ਨੂੰ ਨਹੀਂ ਹਟਾਇਆ ਜਾਂਦਾ।
ਬਲੇਅਰ ਨੇ ਕਿਹਾ ਕਿ ਹੁਣ ਆਰ.ਸੀ.ਐੱਮ.ਪੀ. ਉਨ੍ਹਾਂ ਦੀ ਜ਼ਮੀਨ ਤੋਂ ਡਿਟੈਚਮੈਂਟ ਨੂੰ ਹਟਾਕੇ ਨਾਲ ਲੱਗਦੇ ਸ਼ਹਿਰ ਲੈ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਪੁਲਿਸ ਨੇ ਹੇਰਾਡਿਟਰੀ ਚੀਫਜ਼ ਦੀ ਇਹ ਮੰਗ ਜੇ ਪੂਰੀ ਕੀਤੀ ਹੈ ਤਾਂ ਥਾਂ-ਥਾਂ ਤੇ ਲਾਏ ਗਏ ਨਾਕੇ ਵੀ ਹੁਣ ਹਟਾ ਦੇਣੇ ਚਾਹੀਦੇ ਹਨ।
ਬਲੇਅਰ ਨੇ ਆਰ.ਸੀ.ਐੱਮ.ਪੀ. ਦੇ ਇਸ ਫੈਸਲੇ ਦੀ ਸਰਾਹਨਾ ਕਰਦੇ ਕਿਹਾ ਕਿ ਇਹ ਸਹੀ ਕਦਮ ਹੈ ਅਤੇ ਉਨ੍ਹਾਂ ਨੂੰ ਆਸ ਹੈ ਕਿ ਅਜਿਹਾ ਕਰਨ ਨਾਲ ਪਾਈਪਲਾਈਨ ਨੂੰ ਲੈਕੇ ਚੱਲ ਰਹੇ ਝਗੜੇ ਨੂੰ ਸੁਲਝਾਉਣ ਵਿੱਚ ਮਦਦ ਮਿਲੇਗੀ।
