ਟੋਰਾਂਟੋ ਵਿੱਚ ਬਲੂ ਜੇਜ਼ ਦੀ ਵਰਲਡ ਸੀਰੀਜ਼ ਦੌਰਾਨ ਸ਼ਹਿਰ ਨੂੰ ਆਰਥਿਕ ਤੌਰ 'ਤੇ ਮਿਲਿਆ ਵੱਡਾ ਹੁਲਾਰਾ

ਟੋਰਾਂਟੋ ਵਿੱਚ ਬਲੂ ਜੇਜ਼ ਦੀ ਵਰਲਡ ਸੀਰੀਜ਼ ਦੌਰਾਨ ਸ਼ਹਿਰ ਨੂੰ ਆਰਥਿਕ ਤੌਰ ‘ਤੇ ਵੱਡਾ ਹੁਲਾਰਾ ਮਿਲਿਆ। ਡੈਸਟੀਨੇਸ਼ਨ ਟੋਰਾਂਟੋ ਦੀ ਰਿਪੋਰਟ ਅਨੁਸਾਰ ਸੀਰੀਜ ਦੌਰਾਨ ਹੋਟਲਾਂ, ਰੈਸਟੋਰੈਂਟਾਂ ਅਤੇ ਸਥਾਨਕ ਦੁਕਾਨਾਂ ਦੀ ਕਮਾਈ ਵਿੱਚ ਮਹੱਤਵਪੂਰਣ ਵਾਧਾ ਹੋਇਆ।

ਵਰਲਡ ਸੀਰੀਜ਼ ਦੇ ਚਾਰ ਘਰੇਲੂ ਮੈਚਾਂ ਦੌਰਾਨ ਹੋਟਲਾਂ ਦੀ ਮੰਗ ਵਿੱਚ ਔਸਤਨ 15 ਫੀਸਦੀ ਵਾਧਾ ਹੋਇਆ, ਜਿਸ ਨਾਲ 11,000 ਤੋਂ ਵੱਧ ਕਮਰੇ ਬੁੱਕ ਹੋਏ। ਡੈਸਟੀਨੇਸ਼ਨ ਟੋਰਾਂਟੋ ਦੇ ਪ੍ਰਧਾਨ ਐਂਡਰੂ ਵੀਅਰ ਨੇ ਕਿਹਾ ਕਿ ਫੈਨਜ਼ ਨੇ ਹੋਟਲਾਂ, ਰੈਸਟੋਰੈਂਟਾਂ ਅਤੇ ਦੁਕਾਨਾਂ ਨੂੰ ਭਰ ਦਿੱਤਾ, ਜਿਸ ਨਾਲ ਹਜ਼ਾਰਾਂ ਕਾਰੋਬਾਰਾਂ ਅਤੇ ਕਰਮਚਾਰੀਆਂ ਨੂੰ ਚੰਗੀ ਆਮਦਨ ਹੋਈ।

ਪੇਮੈਂਟ ਸੈਸਿੰਗ ਕੰਪਨੀ ਮੋਨੇਰਿਸ ਦਾ ਕਹਿਣਾ ਹੈ ਕਿ ਰੌਜਰਜ਼ ਸੈਂਟਰ ਨੇੜੇ ਰੈਸਟੋਰੈਂਟਾਂ ਵਿੱਚ ਗੇਮ 6 ਦੌਰਾਨ ਕਮਾਈ ਪਿਛਲੇ ਹਫ਼ਤੇ ਨਾਲੋਂ 20 ਫੀਸਦੀ ਵੱਧ ਦੇਖਣ ਨੂੰ ਮਿਲੀ, ਜਦਕਿ ਗੇਮ 7 ਦੌਰਾਨ ਇਹ ਵਾਧਾ 26 ਫੀਸਦੀ ਤੱਕ ਪਹੁੰਚ ਗਿਆ।