19.47C Vancouver 19.47C VancouverFeb 13, 2020 6:16 PM -
ਬੋਮਬਾਰਡੀਅਰ ਵਲੋਂ ਕਮਰਸ਼ਲ ਏਵੀਏਸ਼ਨ ਤੋਂ ਪੂਰੀ ਤਰ੍ਹਾਂ ਬਾਹਰ ਹੋ ਜਾਣ ਦਾ ਐਲਾਨ ਕੀਤਾ ਗਿਆ ਹੈ।
ਕਯੂਬੈਕ ਸਰਕਾਰ ਅਤੇ ਏਅਰਬੱਸ ਨਾਲ ਇੱਕ ਸਮਝੌਤੇ ਤਹਿਤ ਬੋਮਬਾਰਡੀਅਰ ਵੱਲੋਂ ਏ-220 ਜੈੱਟ ਵਿੱਚ ਆਪਣਾ ਬਚਿਆ ਹਿੱਸਾ 600 ਮਿਲੀਅਨ ਡਾਲਰ ਵਿਚ ਵੇਚਿਆ ਜਾ ਰਿਹਾ ਹੈ।
ਮਾਂਟਰੀਅਲ ਵਿੱਚ ਸਥਿਤ ਕੰਪਨੀ 9 ਬਿਲੀਅਨ ਡਾਲਰ ਦੇ ਕਰਜ਼ ਕਾਰਨ ਆਪਣੇ ਸ਼ੇਅਰ ਏਅਰਬੱਸ ਅਤੇ ਸੂਬੇ ਨੂੰ ਵੇਚ ਰਹੀ ਹੈ।
ਕਿਊਬੈਕ ਦੇ ਇਕਾਨਮੀ ਮਨਿਸਟਰ ਪੀਅਰ ਫਿਟਜ਼ਗਿੱਬਨ (Economy Minister, Pierre Fitzgibbon) ਮੁਤਾਬਕ ਹਰ ਪੱਖ ਤੋਂ ਇਹ ਇੱਕ ਵਧੀਆ ਸਮਝੌਤਾ ਹੈ।
ਅੱਜ ਸਵੇਰ ਬੋਮਬਾਰਡੀਅਰ ਨੇ 2019 ਵਿੱਚ 1.61 ਬਿਲਿਅਨ ਡਾਲਰ ਦਾ ਨੁਕਸਾਨ ਵੀ ਰਿਪੋਰਟ ਕੀਤਾ ਹੈ।
ਇਹ ਵੀ ਕਿਆਸਰਾਈਆਂ ਸੁਣਨ ਨੂੰ ਮਿਲ ਰਹੀਆਂ ਹਨ ਕਿ ਕੰਪਨੀ ਦੀ ਸਾਲ ਦੇ ਅੰਤ ਤੱਕ ਆਪਣੀਆਂ ਦੋ ਬਚੀਆਂ ਡਿਵੀਜ਼ਨਾਂ ਵਿੱਚੋਂ ਇੱਕ ਨੂੰ ਵੇਚਣ ਦੀ ਯੋਜਨਾ ਹੈ।
