31.28C Vancouver 31.28C VancouverMar 16, 2020 5:18 PM -
ਕੈਨੇਡਾ ਬਾਰਡਰ ਸਰਵਿਸਜ਼ ਏਜੇਂਸੀ ਮੁਤਾਬਕ ਕੈਨੇਡਾ ਪਹੁੰਚਣ ਵਾਲੇ ਮੁਸਾਫ਼ਰਾਂ ਨੂੰ ਕੋਵਿੱਡ-19 ਵਾਸਤੇ ਸਕਰੀਨ ਕਰਨ ਦੀ ਪਰਿਕਰਿਆ ਵਿੱਚ ਸੁਧਾਰ ਕੀਤਾ ਜਾ ਰਿਹਾ ਹੈ।
ਬੀਤੇ ਕੁਝ ਦਿਨਾਂ ਤੋਂ ਸੀ.ਬੀ.ਐੱਸ.ਏ. ਨੂੰ ਇਸ ਸਬੰਧ ਵਿੱਚ ਕਾਫੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਕਿ ਉਨ੍ਹਾਂ ਵੱਲੋਂ ਬਾਹਰੋਂ ਆ ਰਹੇ ਮੁਸਾਫਿਰਾਂ ਦੀ ਸਕਰੀਨਿੰਗ ਵਿੱਚ ਸਖ਼ਤੀ ਨਹੀਂ ਸੀ ਵਰਤੀ ਜਾ ਰਹੀ।
ਜਿੱਥੇ ਫੈਡਰਲ ਸਰਕਾਰ ਨੇ ਬਾਹਰਲੇ ਮੁਲਕਾਂ ਤੋਂ ਕੈਨੇਡਾ ਵਾਪਸ ਆਉਣ ਵਾਲੇ ਮੁਸਾਫ਼ਰਾਂ ਨੂੰ 14 ਦਿਨਾਂ ਵਾਸਤੇ ਇਕਲਤਾ ਵਿੱਚ ਰਹਿਣ ਦੀ ਹਦਾਇਤ ਦਿੱਤੀ ਹੈ, ਓਥੇ ਹੀ ਕੁਝ ਯਾਤਰੀਆਂ ਦਾ ਕਹਿਣਾ ਸੀ ਕਿ ਉਨ੍ਹਾਂ ਨੂੰ ਕਸਟਮ ਅਧਿਕਾਰੀਆਂ ਨੇ ਪਹੁੰਚਣ ਤੇ ਵਿਸਤਾਰਪੂਰਵਕ ਨਿਰਦੇਸ਼ ਨਹੀਂ ਦਿੱਤੇ।
ਏਜੇਂਸੀ ਦਾ ਕਹਿਣਾ ਹੈ ਕਿ ਐਂਟਰੀ ਪੋਇੰਟਸ ਤੇ ਟੱਚਸਕ੍ਰੀਨ ਰਾਹੀਂ ਪ੍ਰਦਾਨ ਕੀਤੇ ਜਾਂਦੇ ਸਵਾਲਾਂ ਵਿੱਚ ਵਾਇਰਸ ਦੀਆਂ ਨਿਸ਼ਾਨੀਆਂ ਸੰਬੰਧੀ ਹੋਰ ਸਵਾਲ ਸ਼ਾਮਲ ਕਰ ਦਿੱਤੇ ਗਏ ਹਨ।
