14.16C Vancouver 14.16C VancouverOct 2, 2020 11:18 PM -
ਅਮਰੀਕਾ ਦੇ ਕੈਂਟੁਕੀ 'ਚ ਬ੍ਰੀਓਨਾ ਟੇਲਰ ਦੀ ਪੁਲਿਸ ਦੀ ਗੋਲੀ ਨਾਲ ਹੋਈ ਮੌਤ ਦੇ ਮਾਮਲੇ 'ਚ ਗ੍ਰੈਂਡ ਜਿਊਰੀ ਦੀਆਂ ਪ੍ਰੋਸੀਡਿੰਗਸ ਨੂੰ ਜਾਰੀ ਕੀਤਾ ਗਿਆ ਹੈ।
ਹਾਲਾਂਕਿ ਇਸ ਦੇ ਵਿੱਚ ਪ੍ਰਾਸੀਕਿਊਟਰਸ ਦੀਆਂ ਕਿਸੇ ਵੀ ਸਿਫਾਰਿਸ਼ਾਂ ਦਾ ਜ਼ਿਕਰ ਨਹੀਂ ਹੈ, ਜਿਸ 'ਚ ਦੱਸਿਆ ਗਿਆ ਹੋਵੇ ਕਿ ਜਿਊਰੀ ਨੂੰ ਉਨ੍ਹਾਂ ਅਫ਼ਸਰਾਂ ਖਿਲਾਫ਼ ਕੋਈ ਦੋਸ਼ ਤੈਅ ਕਰਨੇ ਚਾਹੀਦੇ ਹਨ, ਜਿੰਨਾ ਨੇ ਬ੍ਰੀਓਨਾ ਟੇਲਰ ਦੀ ਮੌਤ ਦਾ ਕਾਰਨ ਬਣੀ ਡਰੱਗ ਰੇਡ ਨੂੰ ਅੰਜਾਮ ਦਿੱਤਾ ਸੀ।
ਅਟੌਰਨੀ ਜਨਰਲ ਡੇਵਿਡ ਕੈਮਰੋਨ ਨੇ ਅੱਜ ਕਿਹਾ ਕਿ ਪ੍ਰਾਸੀਕਿਊਟਰਸ ਦੀਆਂ ਸਿਫਾਰਿਸ਼ਾਂ ਜਾਂ ਜਿਊਰੀ ਦੀਆਂ ਡੈਲੀਬ੍ਰੇਸ਼ਨਸ ਨੂੰ ਰਿਕਾਰਡ ਨਹੀਂ ਕੀਤਾ ਗਿਆ ਸੀ।
ਉਨ੍ਹਾਂ ਦੱਸਿਆ ਕਿ ਰਿਕਾਰਡਿੰਗ ਇਸਲਈ ਨਹੀਂ ਹੋਈ ਸੀ ਕਿ, ਇਹ ਸਬੂਤਾਂ ਦਾ ਹਿੱਸਾ ਨਹੀਂ ਸਨ।
ਅਫ਼ਸਰ ਨੂੰ ਲੱਗਿਆ ਟੇਲਰ ਦੇ ਬੁਆਏਫ੍ਰੈਂਡ ਨੇ ਏ.ਆਰ.-15 ਰਾਈਫਲ ਤੋਂ ਕੀਤਾ ਫਾਇਰ
ਅਮਰੀਕਾ ਦੇ ਕੈਂਟੁਕੀ 'ਚ ਬ੍ਰੀਓਨਾ ਟੇਲਰ ਦੀ ਪੁਲਿਸ ਦੀ ਗੋਲੀ ਨਾਲ ਹੋਈ ਮੌਤ ਦੇ ਮਾਮਲੇ 'ਚ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਅਫ਼ਸਰ ਦਾ ਗ੍ਰੈਂਡ ਜਿਊਰੀ ਸਾਹਮਣੇ ਕਹਿਣਾ ਸੀ ਕਿ ਉਨ੍ਹਾਂ ਨੂੰ ਲੱਗਾ ਸੀ ਕਿ ਬ੍ਰੀਓਨਾ ਟੇਲਰ ਦੇ ਬੁਆਏਫ੍ਰੈਂਡ ਨੇ ਜੋ ਬੰਦੂਕ ਚਲਾਈ ਸੀ, ਉਹ ਏ.ਆਰ.-15 ਰਾਈਫਲ ਸੀ।
ਇਹ ਗੋਲੀ ਪੁਲਿਸ ਦੇ ਅਪਾਰਟਮੈਂਟ 'ਚ ਦਾਖਿਲ ਹੋਣ 'ਤੇ ਚਲਾਈ ਗਈ ਸੀ।
ਪੁਲਿਸ ਨੂੰ ਬਾਅਦ 'ਚ ਪਤਾ ਲੱਗਾ ਕਿ, ਗੋਲੀ 9 ਐਮ.ਐਮ. ਦੀ ਹੈਂਡਗਨ 'ਚੋਂ ਚਲਾਈ ਗਈ ਸੀ।
ਇਹ ਬਿਆਨ ਦੇਣ ਵਾਲੇ ਅਫ਼ਸਰ ਦਾ ਨਾਮ ਬ੍ਰੈਟ ਹੈਨਕਿੰਸਨ ਹੈ। ਜਿਊਰੀ ਨੂੰ ਦਿੱਤੀ ਇੰਟਰਵਿਊ 'ਚ ਉਨ੍ਹਾਂ ਕਿਹਾ ਕਿ ਉਨ੍ਹਾਂ 'ਇੰਟੈਂਸ ਫਾਇਰ' ਵੇਖਿਆ ਸੀ, ਅਤੇ ਕਮਰੇ 'ਚ ਚਾਨਣ ਹੋ ਗਿਆ ਸੀ।
ਉਨ੍ਹਾਂ ਕਿਹਾ ਕਿ ਚਾਹੇ ਉਨ੍ਹਾਂ ਪ੍ਰੋਟੈਕਟਿਵ ਵੈਸਟ ਪਹਿਨੀ ਹੋਈ ਸੀ, ਪਰ ਉਨ੍ਹਾਂ ਨੂੰ ਲੱਗਿਆ ਕਿ ਇਸ ਵਿਅਕਤੀ ਨੂੰ ਅਸਾਲਟ ਰਾਈਫਲ ਨਾਲ ਕਾਬੂ ਨਹੀਂ ਕੀਤਾ ਜਾ ਸਕਦਾ।
