14.16C Vancouver 14.16C VancouverSep 30, 2020 9:29 PM -
ਕੈਂਟੁਕੀ ਦੇ ਅਟੌਰਨੀ ਜਨਰਲ ਨੇ ਕੋਰਟ ਨੂੰ ਕਿਹਾ ਹੈ ਕਿ ਬ੍ਰੀਓਨਾ ਟੇਲਰ ਦੀ ਮੌਤ ਦੇ ਮਾਮਲੇ 'ਚ ਸੀਕ੍ਰੇਟ ਗ੍ਰੈਂਡ ਜਿਊਰੀ ਦੀਆਂ ਪ੍ਰੋਸੀਡਿੰਗਸ ਨੂੰ ਜਾਰੀ ਕਰਨ 'ਚ ਡਿਲੇਅ ਕੀਤਾ ਜਾਵੇ।
ਪੁਲਿਸ ਵੱਲੋਂ ਚਲਾਈਆਂ ਗੋਲੀਆਂ ਕਾਰਨ ਹੋਈ ਬ੍ਰੀਓਨਾ ਟੇਲਰ ਦੀ ਮੌਤ ਦੇ ਮਾਮਲੇ ਸੰਬੰਧੀ ਹੋਈਆਂ ਰਿਕਾਰਡਿੰਗਸ ਨੂੰ ਜਨਤਕ ਕਰਨ ਦੀ ਹਾਮੀ ਭਰੀ ਗਈ ਸੀ।
ਅਟੌਰਨੀ ਜਨਰਲ ਡੈਨੀਅਲ ਕੈਮਰੋਨ ਦੇ ਦਫ਼ਤਰ ਨੇ ਬੁੱਧਵਾਰ ਨੂੰ ਇੱਕ ਮਤਾ ਪੇਸ਼ ਕੀਤਾ ਕਿ ਇਨ੍ਹਾਂ ਰਿਕਾਰਡਿੰਗਸ ਨੂੰ ਜਨਤਕ ਕਰਨ 'ਚ ਇੱਕ ਹਫ਼ਤੇ ਦਾ ਸਮਾਂ ਹੋਰ ਦਿੱਤਾ ਜਾਵੇ, ਤਾਂ ਜੋ ਇਸ 'ਚ ਕੁਝ ਨਾਮ ਕੱਢੇ ਜਾ ਸਕਣ ਅਤੇ ਕੁਝ ਨਿੱਜੀ ਜਾਣਕਾਰੀ ਹਟਾਈ ਜਾ ਸਕੇ।
ਲੂਈਵਿਲ ਦੇ ਇੱਕ ਕੋਰਟ ਵੱਲੋਂ ਅੱਜ ਇਨ੍ਹਾਂ ਰਿਕਾਰਡਿੰਗਸ ਨੂੰ ਜਾਰੀ ਕੀਤਾ ਜਾ ਸਕਦਾ ਸੀ।
ਲੂਈਵਿਲ 'ਚ ਬ੍ਰੀਓਨਾ ਟੇਲਰ ਦੀ ਮੌਤ ਦੇ ਮਾਮਲੇ ਸੰਬੰਧੀ ਹੋ ਰਹੇ ਪ੍ਰਦਰਸ਼ਨਾਂ ਦੌਰਾਨ, ਗੋਲੀ ਚੱਲੀ ਸੀ ਜਿਸ 'ਚ ਦੋ ਪੁਲਿਸ ਅਫ਼ਸਰ ਜ਼ਖਮੀ ਹੋ ਗਏ ਸਨ।
ਬੀਤੇ ਹਫ਼ਤੇ ਦੀ ਇਸ ਘਟਨਾ 'ਚ ਜ਼ਖਮੀ ਹੋਏ ਪੁਲਿਸ ਅਫ਼ਸਰ ਔਬਰੇ ਗ੍ਰੇਗਰੀ ਨੇ ਇੱਕ ਪ੍ਰੈਸ ਕਾਨਫਰੰਸ ਕੀਤੀ।
ਪੁਲਿਸ ਅਫ਼ਸਰ ਨੇ ਲਾਅ ਐਂਡਫੋਰਸਮੈਂਟ, ਪ੍ਰਦਰਸ਼ਨਕਾਰੀਆਂ ਅਤੇ ਨਿਵਾਸੀਆਂ ਵਿਚਾਲੇ ਏਕੇ ਅਤੇ ਸ਼ਾਂਤੀ ਦੀ ਅਪੀਲ ਕੀਤੀ।
ਅਫ਼ਸਰ ਨੇ ਅੱਜ ਕੰਮ 'ਤੇ ਵਾਪਸੀ ਕੀਤੀ ਹੈ ਹਾਲਾਂਕਿ ਉਹ ਫ਼ਿਲਹਾਲ ਹਲਕੀ ਡਿਊਟੀ 'ਤੇ ਰਹਿਣਗੇ।
