ਪੁਲ ਬਦਲਣ ਨਾਲ ਫਰੇਜ਼ਰ ਕੈਨਿਯਨ ਰਾਹੀਂ ਹਾਈਵੇਅ 1 ਵਿੱਚ ਹੋਵੇਗਾ ਸੁਧਾਰ

ਬੀ.ਸੀ. ਸਰਕਾਰ ਨੇ ਅੱਜ ਐਲਾਨ ਕੀਤਾ ਹੈ ਕਿ ਫਰੇਜ਼ਰ ਕੈਨਿਯਨ ਤੋਂ ਹੋ ਕੇ ਲੰਘਣ ਵਾਲੇ ਟਰਾਂਸ ਕੈਨੇਡਾ ਹਾਈਵੇਅ ਲਈ ਪੁਰਾਣੇ ਸੈਕਮ ਓਵਰਹੈੱਡ ਬ੍ਰਿਜ ਨੂੰ ਬਦਲਣ ਵਾਸਤੇ ਪ੍ਰੋਜੈਕਟ ਇਸ ਫਾਲ ਵਿਚ ਸ਼ੁਰੂ ਹੋ ਜਾਵੇਗਾ।

ਸਰਕਾਰ ਵਲੋਂ ਲਿਟਨ ਦੇ ਈਸਟ ਵਿਚ ਪੈਂਦੇ ਹਾਈਵੇ-1 ਦੇ ਬ੍ਰਿਜ ਬਦਲਣ ਲਈ $22.6-ਮਿਲੀਅਨ ਦਾ ਠੇਕਾ ਦਿੱਤਾ ਗਿਆ ਹੈ। ਸੂਬਾ ਸਰਕਾਰ ਨੇ ਇਸ ਪ੍ਰੋਜੈਕਟ ਦੇ 2027 ਦੀਆਂ ਗਰਮੀਆਂ ਤੱਕ ਪੂਰਾ ਹੋਣ ਦੀ ਉਮੀਦ ਜਤਾਈ ਹੈ।

ਇਸ ਪ੍ਰੋਜੈਕਟ ਵਿਚ ਕੈਨੇਡੀਅਨ ਪੈਸੀਫਿਕ ਕੈਨਸਸ ਸਿਟੀ ਰੇਲ ਲਾਈਨ 'ਤੇ ਇੱਕ ਆਧੁਨਿਕ ਦੋ-ਲੇਨ ਪੁਲ ਦਾ ਡਿਜ਼ਾਈਨ ਅਤੇ ਨਿਰਮਾਣ ਸ਼ਾਮਲ ਹੈ। ਇਸ ਅਪਗ੍ਰੇਡ ਵਿਚ ਪੁਰਾਣੀ ਤੰਗ ਪਾਸਿੰਗ ਲੇਨ ਨੂੰ ਹਟਾ ਦਿੱਤਾ ਜਾਵੇਗਾ।

ਸੈਕਮ ਓਵਰਹੈੱਡ ਬ੍ਰਿਜ ਹਾਈਵੇ 1 'ਤੇ ਲਿਟਨ ਤੋਂ ਲਗਭਗ 22 ਕਿਲੋਮੀਟਰ ਈਸਟ ਵਿਚ ਹੈ, ਜੋ ਲੋਅਰ ਮੇਨਲੈਂਡ ਅਤੇ ਅੰਦਰੂਨੀ ਹਿੱਸੇ ਵਿਚਕਾਰ ਇੱਕ ਮਹੱਤਵਪੂਰਨ ਕੜੀ ਦੇ ਰੂਪ ਵਿਚ ਕੰਮ ਕਰਦਾ ਹੈ।