10.35C Vancouver 10.35C VancouverMay 27, 2020 11:33 PM -
ਬੀ.ਸੀ. ਸਰਕਾਰ ਨੇ ਸੂਬੇ ਵਿੱਚ ਲਾਗੂ ਕੀਤੀ ਗਈ ਐਮਰਜੈਂਸੀ ਨੂੰ ਦੋ ਹਫ਼ਤਿਆਂ ਲਈ ਵਧਾ ਦਿੱਤਾ ਹੈ।
ਵਿਕਟੋਰੀਆ ਵਿੱਚ ਕੈਬਨਿਟ ਬੈਠਕ ਤੋਂ ਬਾਅਦ ਪ੍ਰੈਸ ਬ੍ਰੀਫਿੰਗ ਕਰਦਿਆਂ, ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਕਿਹਾ ਕਿ ਇਹ ਬੀ.ਸੀ. ਵਿੱਚ ਲਾਈ ਗਈ ਸਭ ਤੋਂ ਲੰਮੇ ਸਮੇਂ ਦੀ ਐਮਰਜੈਂਸੀ ਹੈ, ਅਤੇ ਅਜੇ ਇਸ ਦਾ ਜਲਦੀ ਖ਼ਤਮ ਹੋਣਾ ਮੁਸ਼ਕਿਲ ਜਾਪਦਾ ਹੈ।
ਬੀ.ਸੀ. ਵਿੱਚ ਕੋਵਿਡ-19 ਸਬੰਧੀ ਬਣੇ ਹਾਲਾਤਾਂ ਵਿਚਾਲੇ ਐਮਰਜੈਂਸੀ ਲਗਾਈ ਗਈ ਸੀ।
ਇਸ ਨੂੰ 10 ਹਫ਼ਤੇ ਪਹਿਲਾਂ 18 ਮਾਰਚ ਨੂੰ ਲਾਗੂ ਕੀਤਾ ਗਿਆ ਸੀ।
ਪ੍ਰੀਮਿਅਰ ਹੌਰਗਨ ਨੇ ਦੱਸਿਆ ਕਿ ਸਰੀ ਵਿੱਚ 6830 ਕਿੰਗ ਜਾਰਜ ਬੁਲੇਵਾਰਡ ਵਿਖੇ ਸ਼ਹਿਰ ਦੇ ਦੂਜੇ ਪ੍ਰਾਈਮਰੀ ਕੇਅਰ ਸੈਂਟਰ ਨੇ ਕੱਲ੍ਹ ਤੋਂ ਕੰਮ ਸ਼ੁਰੂ ਕਰ ਦਿੱਤਾ ਹੈ।
ਪ੍ਰੀਮਿਅਰ ਨੇ ਕਿਹਾ ਕੇ ਐਮ.ਐਲ.ਏ. 22 ਜੂਨ ਤੋਂ ਵਿਧਾਨ ਸਭਾ (legislature) ਵਿੱਚ ਪਰਤਣਗੇ ਅਤੇ ਕੁਝ ਸਿਰਫ ਵਰਚੂਅਲੀ ਸ਼ਾਮਿਲ ਹੋਣਗੇ।
ਜੌਨ ਹੌਰਗਨ ਨੇ ਇਹ ਵੀ ਕਿਹਾ ਕਿ ਔਂਟੈਰੀਓ ਅਤੇ ਕਿਊਬੈਕ ਦੇ ਲੌਂਗ ਟਰਮ ਕੇਅਰ ਹੋਮਜ਼ ਵਿੱਚ ਜੋ ਕੁਝ ਗਲਤ ਹੋਣ ਦੀ ਤਸਵੀਰ ਉਜਾਗਰ ਹੋਈ ਹੈ, ਉਹ ਬੀ.ਸੀ. ਦੇ ਕੇਅਰ ਹੋਮਜ਼ ਵਿੱਚ ਨਹੀਂ ਹੋ ਰਿਹਾ।
