17.98C Vancouver 17.98C VancouverMay 6, 2020 12:29 AM -
ਬੀ.ਸੀ. 'ਚ ਕੋਰੋਨਾ ਵਾਇਰਸ ਸੰਬੰਧੀ ਉਤਸ਼ਾਹਿਤ ਕਰਨ ਵਾਲੇ ਅੰਕੜੇ ਸਾਹਮਣੇ ਆਏ ਹਨ।
ਸੂਬੇ ਦੀ ਸਿਹਤ ਅਫਸਰ, ਡਾ. ਬੌਨੀ ਹੈਨਰੀ ਨੇ ਅੱਜ ਦੀ ਮੀਡੀਆ ਬ੍ਰੀਫਿੰਗ ਦੌਰਾਨ ਦੱਸਿਆ ਕਿ ਸੂਬੇ 'ਚ 8 ਹੋਰ ਕੋਰੋਨਾ ਵਾਇਰਸ ਸੰਬੰਧੀ ਨਵੇਂ ਮਾਮਲੇ ਉਜਾਗਰ ਹੋਏ ਹਨ।
ਇਹ ਬੀਤੇ ਕਈ ਹਫਤਿਆਂ 'ਚ ਸੂਬੇ ਦਾ ਵਾਇਰਸ ਪੀੜਤਾਂ ਦੀ ਗਿਣਤੀ 'ਚ ਸਭ ਤੋਂ ਛੋਟਾ ਵਾਧਾ ਹੈ।
ਇਸਦੇ ਨਾਲ ਹੁਣ ਸੂਬੇ 'ਚ ਵਾਇਰਸ ਸੰਬੰਧੀ ਪੀੜਤਾਂ ਦੀ ਗਿਣਤੀ 2,232 ਹੋ ਗਈ ਹੈ।
ਸੂਬੇ 'ਚ 4 ਹੋਰ ਪੀੜਤਾਂ ਦੇ ਜਾਨ ਗਵਾਉਣ ਬਾਰੇ ਵੀ ਦੱਸਿਆ ਗਿਆ ਹੈ।
ਇਸਦੇ ਨਾਲ ਬੀ.ਸੀ. 'ਚ ਹੁਣ ਤਕ 121 ਵਾਇਰਸ ਪੀੜਤਾਂ ਦੀ ਜਾਨ ਜਾ ਚੁੱਕੀ ਹੈ।
ਡਾ. ਬੌਨੀ ਹੈਨਰੀ ਦੇ ਨਾਲ ਜਾਣਕਾਰੀਆਂ ਸਾਂਝੀਆਂ ਕਰਨ ਮੌਕੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਵੀ ਮੌਜੂਦ ਸਨ।
ਡਾ. ਬੌਨੀ ਹੈਨਰੀ ਨੇ ਦੱਸਿਆ ਕਿ ਹੁਣ ਬੀ.ਸੀ. ਦੇ 22 ਲੌਂਗ ਟਰਮ ਕੇਅਰ ਸੈਂਟਰਾਂ 'ਚ ਆਊਟਬ੍ਰੇਕ ਜਾਰੀ ਹਨ, ਪਰ ਸਭ ਤੋਂ ਪਹਿਲਾਂ ਆਉਤਬਰੇਕ ਦਾ ਸਾਹਮਣਾ ਕਰਨ ਵਾਲੇ ਲਿਨ ਵੈਲੀ ਕੇਅਰ ਸੈਂਟਰ 'ਚ ਆਊਟਬ੍ਰੇਕ ਖਤਮ ਹੋ ਗਿਆ ਦੱਸਿਆ ਗਿਆ ਹੈ।
ਡਾ. ਹੈਨਰੀ ਨੇ ਖਾਸ ਤੌਰ 'ਤੇ ਕਿਹਾ ਕਿ ਸੂਬੇ ਵਿੱਚ ਵਾਇਰਸ ਦੇ ਫੈਲਾਅ ਨੂੰ ਰੋਕਣ 'ਚ ਕਾਮਯਾਬੀ ਮਿਲਦੀ ਵਿਖਾਈ ਦੇ ਰਹੀ ਹੈ ਪਰ ਅਜੇ ਲੋਕਾਂ ਨੂੰ ਸਾਵਧਾਨ ਰਹਿਣ ਦੀ ਲੋੜ ਹੈ ਅਤੇ ਅਜੇ ਪਲੇਅ ਡੇਟਸ ਜਾਂ ਸੋਸ਼ਲ ਕਨੈਕਸ਼ਨ ਸਥਾਪਿਤ ਕਰਨ ਤੋਂ ਬਚਾਅ ਕੀਤਾ ਜਾਵੇ।
