23.07C Vancouver 23.07C VancouverSep 15, 2025 4:23 PM - The Canadian Press
ਬੀ. ਸੀ. ਸਰਕਾਰ ਵਲੋਂ ਅੱਜ 2025-26 ਦੇ ਵਿੱਤੀ ਸਾਲ ਦੇ ਪਹਿਲੇ ਪੂਰੀ ਤਿਮਾਹੀ ਦੀ ਵਿੱਤੀ ਤਸਵੀਰ ਜਾਰੀ ਕੀਤੀ ਜਾਵੇਗੀ। ਵਿੱਤ ਮੰਤਰੀ ਬ੍ਰੈਂਡਾ ਬੈਲੀ ਵਿਕਟੋਰੀਆ ਸਥਿਤ ਸੂਬੇ ਦੀ ਵਿਧਾਨ ਸਭਾ ਵਿਚ ਆਪਣੀ ਅਪਡੇਟ ਪੇਸ਼ ਕਰਨਗੇ। ਪਿਛਲੇ ਫਿਸਕਲ ਸਾਲ ਦੀ ਅੰਤਿਮ ਅਪਡੇਟ ਵਿਚ ਬੀ.ਸੀ. ਦਾ ਘਾਟਾ $7.3 ਬਿਲੀਅਨ ਦੱਸਿਆ ਗਿਆ ਸੀ।
ਨਵੀਂ ਅਪਡੇਟ ਇਸ ਲਈ ਮਹੱਤਵਪੂਰਨ ਹੈ ਕਿਉਂਕਿ ਇਹ ਟੈਰਿਫ ਵਿਵਾਦ ਅਤੇ ਬੀਸੀ ਜਨਰਲ ਇੰਪਲਾਈਜ਼ ਯੂਨੀਅਨ ਵਲੋਂ ਹੜਤਾਲ ਦੀਆਂ ਕਾਰਵਾਈਆਂ ਵਿਚਕਾਰ ਵਿਚਕਾਰ ਆ ਰਹੀ ਹੈ। ਸਟੈਟਿਸਟਿਕਸ ਕੈਨੇਡਾ ਵਲੋਂ ਪਿਛਲੇ ਮਹੀਨੇ ਜਾਰੀ ਕੀਤੇ ਗਏ ਅੰਕੜੇ ਦੱਸਦੇ ਹਨ ਕਿ ਅਗਸਤ ਵਿਚ ਸੂਬੇ ਦੀ ਬੇਰੁਜ਼ਗਾਰੀ 0.3 ਫੀਸਦੀ ਵਧ ਕੇ 6.2 ਫੀਸਦੀ ਹੋ ਗਈ ਹੈ।
ਇਸ ਪਿੱਛੇ ਬੈਲੀ ਅਤੇ ਪ੍ਰੀਮੀਅਰ ਡੇਵਿਡ ਈਬੀ ਦੋਵਾਂ ਨੇ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਵਲੋਂ ਲਗਾਏ ਗਏ ਟੈਰਿਫਸ ਕਾਰਨ ਪੈਦਾ ਹੋਈਆਂ ਆਰਥਿਕ ਰੁਕਾਵਟਾਂ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ।
