14.47C Vancouver 14.47C VancouverDec 13, 2021 11:29 PM - Connect News
ਬੀ.ਸੀ. 'ਚ ਜਾਰੀ ਸਟੇਟ ਆਫ ਐਮਰਜੈਂਸੀ ਨੂੰ 28 ਦਿਸੰਬਰ ਤਕ ਵਧਾ ਦਿੱਤਾ ਗਿਆ ਹੈ।
ਸੂਬੇ ਦੇ ਪਬਲਿਕ ਸੇਫਟੀ ਮੰਤਰੀ ਅਤੇ ਸੌਲੀਸਿਟਰ ਜਨਰਲ, ਮਾਈਕ ਫਾਰਨਵਰਥ ਨੇ ਇਸ ਸੰਬੰਧੀ ਜਾਣਕਾਰੀ ਦਿੱਤੀ ਹੈ।
ਇਸ ਤੋਂ ਪਹਿਲਾਂ 29 ਨਵੰਬਰ ਨੂੰ ਉਨ੍ਹਾਂ ਐਲਾਨ ਕੀਤਾ ਸੀ ਕਿ ਸਟੇਟ ਆਫ ਐਮਰਜੈਂਸੀ ਨੂੰ 14 ਦਿਸੰਬਰ ਤਕ ਜਾਰੀ ਰੱਖਿਆ ਜਾਵੇਗਾ।
ਬੀਤੇ ਮਹੀਨੇ ਸੂਬੇ 'ਚ ਕਈ ਇਲਾਕਿਆਂ 'ਚ ਹੜ੍ਹਾਂ ਦੀ ਦਸਤਕ ਅਤਰ ਕਈ ਅਹਿਮ ਰਸਤਿਆਂ 'ਤੇ ਮਡਸਲਾਈਡਸ ਵਿਚਾਲੇ ਹੋਏ ਭਾਰੀ ਨੁਕਸਾਨ ਕਾਰਨ ਸਟੇਟ ਆਫ ਐਮਰਜੈਂਸੀ ਐਲਾਨੀ ਗਈ ਸੀ।
ਉਨ੍ਹਾਂ ਦੱਸਿਆ ਕਿ ਸੂਬੇ ਦੇ ਕਈ ਰਸਤਿਆਂ ਦੀ ਮਰੱਮਤ ਲਈ ਟੀਮਾਂ ਨੇ ਕਾਮਯਾਬੀ ਹਾਸਿਲ ਕੀਤੀ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਟੈਂਪਰੇਰੀ ਮਰੱਮਤ ਦੇ ਬਾਵਜੂਦ ਪੂਰੀ ਤਰ੍ਹਾਂ ਰਸਤਿਆਂ ਨੂੰ ਠੀਕ ਕਰਨ 'ਚ ਕਾਫੀ ਸਮਾਂ ਲਗ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਅੱਜ ਫੈਡਰਲ ਅਤੇ ਪ੍ਰੋਵਿੰਸ਼ੀਅਲ ਕੈਬਿਨੇਟ ਮੰਤਰੀਆਂ ਦੀ ਇੱਕ ਕਮੇਟੀ ਨਾਲ ਬੈਠਕ 'ਚ ਸੂਬੇ ਦੀ ਰਿਕਵਰੀ ਦੇ ਮਸਲੇ 'ਤੇ ਚਰਚਾ ਹੋਵੇਗੀ।
ਮਾਈਕ ਫਾਰਨਵਰਥ ਨੇ ਕਿਹਾ ਕਿ ਪਹਿਲਾਂ ਕੋਵਿਡ-19 ਪੈਂਡੈਮਿਕ ਅਤੇ ਫਿਰ ਵਾਈਲਡਫਾਇਰਸ ਤੋਂ ਬਾਅਦ ਇਹ ਤੀਜਾ ਮੌਕਾ ਹੈ ਜਦ ਐਮਰਜੈਂਸੀ ਐਲਾਨੀ ਗਈ ਹੈ।
ਉਨ੍ਹਾਂ ਕਿਹਾ ਕਿ ਹੁਣ ਤਕ ਹੜ੍ਹਾਂ ਕਾਰਨ ਘਰ ਛੱਡਣ 'ਤੇ ਮਜਬੂਰ ਹੋਏ ਪੀੜਤਾਂ 'ਚ ਵੱਖੋ-ਵੱਖਰੇ ਢੰਗ ਨਾਲ $12 ਮਿਲੀਅਨ ਦੀ ਵੰਢ ਹੋ ਚੁੱਕੀ ਹੈ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਸੂਵੇ 'ਚ ਜਾਰੀ ਗੈਸ ਰੈਸ਼ਨਿੰਗ ਦੇ ਆਰਡਰ ਹਟਾਏ ਜਾ ਰਹੇ ਹਨ।
