15.45C Vancouver 15.45C VancouverFeb 28, 2022 10:32 PM - Connect News
ਮੈਟਰੋ ਵੈਨਕੂਵਰ ਦੇ ਇੱਕ ਮੌਲ 'ਚ ਇੱਕ ਔਰਤ ਦੀ ਚੇਂਜ ਰੂਮ 'ਚ ਵੀਡੀਓ ਬਣਾਉਣ ਦਾ ਕਥਿਤ ਮਾਮਲਾ ਸਾਹਮਣੇ ਆਇਆ ਹੈ।
ਬਰਨਬੀ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ ਇਸੇ ਮਹੀਨੇ ਮੈਟਰੋ ਟਾਊਨ ਮੌਲ 'ਚ ਵਾਪਰੀ ਸੀ।
ਇੱਕ ਔਰਤ ਨੇ ਪੁਲਿਸ ਨੂੰ ਦੱਸਿਆ ਕਿ 11 ਫਰਵਰੀ ਨੂੰ ਰਾਤ ਕਰੀਬ 8 ਵਜੇ ਉਹ ਇੱਕ ਚੇਂਜ ਰੂਮ 'ਚ ਸੀ ਜਦ ਉਸ ਨੇ ਨੋਟਿਸ ਕੀਤਾ ਕਿ ਅਗਲੀ ਸਟੌਲ 'ਚ ਖੜਾ ਵਿਅਕਤੀ ਉਸ ਦੀ ਵੀਡੀਓ ਬਣਾ ਰਿਹਾ ਹੈ।
ਪੁਲਿਸ ਨੇ ਦੱਸਿਆ ਕਿ ਪੀੜਤ ਔਰਤ ਨੇ ਸਟੋਰ 'ਚ ਮੌਜੂਦ ਹੋਰ ਲੋਕਾਂ ਨਾਲ ਆਦਮੀ ਨੂੰ ਘੇਰਿਆ ਪਰ ਆਦਮੀ ਪੁਲਿਸ ਦੇ ਪਹੁੰਚਣ ਤੋਂ ਪਹਿਲਾਂ ਦੌੜ ਨਿਕਲਿਆ।
ਅਫਸਰਾਂ ਨੇ ਕਿਹਾ ਕਿ ਉਹ ਇਲਾਕੇ 'ਚ ਅਜਿਹੀ ਕਿਸੇ ਹੋਰ ਰਿਪੋਰਟ ਬਾਰੇ ਨਹੀਂ ਜਾਣਦੇ ਪਰ ਲੋਕਾਂ ਨੂੰ ਸਾਵਧਾਨ ਕਰਨਾ ਜਰੂਰੀ ਸੀ।
ਸ਼ੱਕੀ ਦੀ ਉਮਰ 20 ਤੋਂ 30 ਸਾਲ ਦਰਮਿਆਨ ਅਤੇ ਉਸ ਦਾ ਕੱਦ ਕਰੀਬ 6" ਦੱਸਿਆ ਗਿਆ ਹੈ।
ਸ਼ੱਕੀ ਦੀ ਸਟੋਰ ਨਾਲ ਸੰਬੰਧਤ ਤਸਵੀਰ ਵੀ ਜਾਰੀ ਕੀਤੀ ਹੈ।
