ਬਰਨਬੀ ਦੇ ਰਾਜੇਸ਼ ਵਰਮਾ ਬਾਰੇ ਹੁਣ ਤੱਕ ਕੁਝ ਪਤਾ ਨਹੀਂ ਲੱਗਿਆ, ਪੁਲਿਸ ਨੇ ਪੋਸਟਰ ਜਾਰੀ ਕਰ ਮੰਗੀ ਮਦਦ

ਬਰਨਬੀ ਆਰ.ਸੀ.ਐਮ.ਪੀ. ਵੱਲੋਂ ਰਾਜੇਸ਼ ਵਰਮਾ ਨਾਮ ਦੇ ਵਿਅਕਤੀ ਦੀ ਭਾਲ ਕੀਤੀ ਜਾ ਰਹੀ ਹੈ।

ਰਾਜੇਸ਼ ਵਰਮਾ ਦੀ ਉਮਰ 65 ਸਾਲ ਹੈ।

ਪੁਲਿਸ ਨੇ ਰਾਜੇਸ਼ ਵਰਮਾ ਦੀ ਤਸਵੀਰ ਜਾਰੀ ਕਰ ਲੋਕਾਂ ਤੋਂ ਭਾਲ 'ਚ ਮਦਦ ਦੀ ਅਪੀਲ ਪਹਿਲਾਂ ਬੀਤੇ ਹਫ਼ਤੇ ਕੀਤੀ ਸੀ।

ਇਸ ਤੋਂ ਬਾਅਦ ਰਾਜੇਸ਼ ਵਰਮਾ ਬਾਰੇ ਭਾਲ ਸੰਬੰਧੀ ਪੋਸਟਰ ਵੀ ਜਾਰੀ ਕੀਤੇ ਗਏ ਹਨ।

ਇਸ ਵਿਅਕਤੀ ਨੂੰ ਆਖਰੀ ਵਾਰ ਵੀਰਵਾਰ ਯਾਨੀ ਕਿ 15 ਸਿਤੰਬਰ ਨੂੰ ਦੁਪਹਿਰ ਕਰੀਬ 3.30 ਵਜੇ ਆਰਮਸਟਰੌਂਗ ਐਵੀਨਿਊ ਦੇ 8800 ਬਲੌਕ 'ਚ ਵੇਖਿਆ ਗਿਆ ਸੀ।

ਲਾਪਤਾ ਵਿਅਕਤੀ ਦੀ ਤਸਵੀਰ ਵੀ ਜਾਰੀ ਕੀਤੀ ਗਈ ਹੈ ਅਤੇ ਇਹ ਤਸਵੀਰ ਤੇ ਪੋਸਟਰ ਹੇਠਾਂ ਤਸਵੀਰਾਂ 'ਚ ਵੇਖੇ ਜਾ ਸਕਦੇ ਹਨ।

ਲਾਪਤਾ ਵਿਅਕਤੀ ਦਾ ਕੱਦ ਕਰੀਬ 5'6" ਅਤੇ ਅੱਖਾਂ ਭੂਰੀਆਂ ਦੱਸੀਆਂ ਗਈਆਂ ਹਨ।

ਲਾਪਤਾ ਵਿਅਕਤੀ ਨੂੰ ਆਖਰੀ ਵਾਰ ਵੇਖੇ ਜਾਣ 'ਤੇ ਉਸ ਨੇ ਚਿੱਟੇ ਰੰਗ ਦਾ ਸ਼ਰਟ, ਕਾਲੇ ਰੰਗ ਦੇ ਬੂਟ ਅਤੇ ਗੂੜੀ ਨੀਲੀ ਪੈਂਟ ਪਹਿਨੀ ਹੋਈ ਸੀ।

ਪਰਿਵਾਰ ਨਾਲ ਇਸ ਤਰ੍ਹਾਂ ਸੰਪਰਕ ਤੋਂ ਬਾਹਰ ਰਹਿਣਾ ਰਾਜੇਸ਼ ਵਰਮਾ ਦੇ ਸੁਭਾਅ ਦੇ ਵਿਪਰੀਤ ਦੱਸਿਆ ਗਿਆ ਅਤੇ ਉਨ੍ਹਾਂ ਦਾ ਪਰਿਵਾਰ ਚਿੰਤਤ ਹੈ।