14.57C Vancouver 14.57C VancouverMar 13, 2026 6:05 PM - Connect Newsroom - Jasmine Singh
ਬਰਨਬੀ ਦੇ ਸੈਂਟਰਲ ਪਾਰਕ ਵਿਚ ਪਿਛਲੇ ਕੁਝ ਸਮੇਂ ਤੋਂ ਵਾਪਰ ਰਹੀਆਂ ਅਸ਼ਲੀਲ ਘਟਨਾਵਾਂ ਦੇ ਸਬੰਧ ਵਿਚ ਪੁਲਿਸ ਨੇ ਦੋ ਸ਼ੱਕੀ ਵਿਅਕਤੀਆਂ ਦੇ ਸਕੈਚ ਜਾਰੀ ਕੀਤੇ ਹਨ। ਇਨ੍ਹਾਂ ਮਾਮਲਿਆਂ ਦੀ ਜਾਂਚ ਕਰ ਰਹੀ ਬਰਨਬੀ ਆਰ.ਸੀ.ਐਮ.ਪੀ. ਦੀ ਹਾਈ ਰਿਸਕ ਔਫੈਂਡਰ ਯੂਨਿਟ ਮੁਤਾਬਕ, ਇਹ ਘਟਨਾਵਾਂ 15 ਜਨਵਰੀ ਤੋਂ 20 ਜਨਵਰੀ ਤੱਕ ਪੰਜ ਦਿਨਾਂ ਦੇ ਵਕਫ਼ੇ ਦੌਰਾਨ ਵਾਪਰੀਆਂ। ਕੁੱਲ ਪੰਜ ਰਿਪੋਰਟ ਕੀਤੀਆਂ ਘਟਨਾਵਾਂ ਵਿਚੋਂ ਚਾਰ ਸੈਂਟਰਲ ਪਾਰਕ ਖੇਤਰ ਵਿਚ ਹੋਈਆਂ, ਇੱਕ ਘਟਨਾ ਬੇਰੇਸਫੋਰਡ ਸਟ੍ਰੀਟ ਅਤੇ ਮੈਗਨੋਲੀਆ ਟੈਰੇਸੀਓਨ ਕੋਲ ਹਾਈਲੈਂਡ ਪਾਰਕ ਟੇਲ 'ਤੇ ਵਾਪਰੀ।
ਪੁਲਿਸ ਮੁਤਾਬਕ, ਸ਼ੱਕੀ ਵਿਅਕਤੀ ਜਨਤਕ ਥਾਵਾਂ 'ਤੇ ਨਗਨ ਹੋਣ ਅਤੇ ਅਸ਼ਲੀਲ ਹਰਕਤਾਂ ਵਰਗੇ ਅਪਰਾਧਾਂ ਵਿਚ ਸ਼ਾਮਲ ਹਨ।ਕਾਰਪੋਰੇਸ਼ਨਲ ਲੌਰਾ ਹਰਸਟ ਨੇ ਦੱਸਿਆ ਕਿ ਇਸ ਸਬੰਧ ਵਿਚ ਜਾਰੀ ਕੀਤੇ ਗਏ ਦੋਵੇਂ ਸਕੈਚ 20 ਜਨਵਰੀ ਨੂੰ ਸੈਂਟਰਲ ਪਾਰਕ ਵਿਚ ਵਾਪਰੀਆਂ ਦੋ ਵੱਖ-ਵੱਖ ਘਟਨਾਵਾਂ ਨਾਲ ਸਬੰਧਤ ਹਨ।
ਪੁਲਿਸ ਨੇ ਅਪੀਲ ਕੀਤੀ ਹੈ ਕਿ ਜੇਕਰ ਕੋਈ ਇਨ੍ਹਾਂ ਵਿਅਕਤੀਆਂ ਨੂੰ ਪਛਾਣਦਾ ਹੈ ਜਾਂ ਇਸ ਬਾਰੇ ਕੋਈ ਜਾਣਕਾਰੀ ਰੱਖਦਾ ਹੈ ਤਾਂ ਉਹ ਤੁਰੰਤ ਬਰਨਬੀ ਆਰ.ਸੀ.ਐਮ.ਪੀ. ਨਾਲ ਸੰਪਰਕ ਕਰ ਸਕਦਾ ਹੈ
