ਨੌਰਥ ਬਰਨਬੀ ਵਿੱਚ $100,000 ਦੀ ਬੌਬਕੈਟ ਮਸ਼ੀਨ ਚੋਰੀ,ਲਗਾਤਾਰ ਕੀਤੀ ਜਾ ਰਹੀ ਭਾਲ

ਬਰਨਬੀ ਵਿਚ ਦਿਨ-ਦਿਹਾੜੇ ਹੋਈ ਇੱਕ ਵੱਡੀ ਚੋਰੀ ਦੇ ਸਬੰਧ ਵਿਚ ਪੁਲਿਸ ਨੇ ਦੋ ਪਿਕਅੱਪ ਟਰੱਕ ਦੀਆਂ ਤਸਵੀਰਾਂ ਜਾਰੀ ਕਰਦੇ ਹੋਏ ਲੋਕਾਂ ਤੋਂ ਇਨ੍ਹਾਂ ਦੀ ਪਛਾਣ ਵਿਚ ਮਦਦ ਮੰਗੀ ਹੈ। ਪੁਲਿਸ ਮੁਤਾਬਕ, ਬ੍ਰੈਂਟਵੁੱਡ ਇਲਾਕੇ ਵਿਚੋਂ ਪਿਛਲੇ ਦਿਨੀਂ ਲਗਭਗ $100,000 ਦੀ ਕੀਮਤ ਵਾਲੇ ਇੱਕ ਉਸਾਰੀ ਦਾ ਸਾਮਾਨ-ਬੌਬਕੈਟ ਲੋਡਰ ਨੂੰ ਚੋਰੀ ਕੀਤਾ ਗਿਆ,ਜਿਸ ਦੀ ਲਗਾਤਾਰ ਭਾਲ ਕੀਤੀ ਜਾ ਰਹੀ ਹੈ।

ਪੁਲਿਸ ਮੁਤਾਬਕ, ਇਹ ਘਟਨਾ 30 ਨਵੰਬਰ ਦੀ ਦੁਪਹਿਰ ਨੂੰ ਵਾਪਰੀ ਸੀ,ਦੋ ਪਿਕਅੱਪ ਟਰੱਕ ਮਿਡਲਾਨ ਡਰਾਈਵ ਅਤੇ ਵੈਸਟਲਾਨ ਡਰਾਈਵ ਦੇ ਇਲਾਕੇ ਵਿਚ ਪਹੁੰਚੇ। ਇਨ੍ਹਾਂ ਵਿਚੋਂ ਇੱਕ ਟਰੱਕ ਦੇ ਪਿੱਛੇ ਖਾਲੀ ਫਲੈਟ ਡੈੱਕ ਟ੍ਰੇਲਰ ਲੱਗਿਆ ਹੋਇਆ ਸੀ। ਕੁਝ ਹੀ ਸਮੇਂ ਬਾਅਦ ਇਹ ਦੋਵੇਂ ਪਿਕਅੱਪ ਟਰੱਕ ਉੱਥੋਂ ਰਵਾਨਾ ਹੋ ਗਏ ਅਤੇ ਇਨ੍ਹਾਂ ਵਿਚੋਂ ਇੱਕ ਦੇ ਟ੍ਰੇਲਰ ਦੇ ਉੱਪਰ ਚੋਰੀ ਕੀਤਾ ਹੋਇਆ ਬੌਬਕੈਟ ਲੋਡਰ ਲੱਦਿਆ ਹੋਇਆ ਸੀ।

ਬਰਨਬੀ ਆਰ.ਸੀ.ਐਮ.ਪੀ.ਦਾ ਮੰਨਣਾ ਹੈ ਕਿ ਜਨਤਾ ਦੀ ਸਹਾਇਤਾ ਨਾਲ ਇਨ੍ਹਾਂ ਸ਼ੱਕੀ ਟਰੱਕਾਂ ਅਤੇ ਮੁਲਜ਼ਮਾਂ ਤੱਕ ਪਹੁੰਚਣ ਵਿਚ ਮਦਦ ਮਿਲ ਸਕਦੀ ਹੈ,ਜਿਸ ਕਾਰਨ ਤਸਵੀਰਾਂ ਜਾਰੀ ਕੀਤੀਆਂ ਗਈਆਂ ਹਨ।