ਬਰਨਬੀ 'ਚ ਜਿਨਸੀ ਸ਼ੋਸ਼ਣ ਦੇ ਮਾਮਲੇ ਦੀ ਜਾਂਚ ਜਾਰੀ, ਪੁਲਿਸ ਨੇ ਸ਼ੱਕੀ ਦੀ ਪਛਾਣ ਲਈ ਲੋਕਾਂ ਤੋਂ ਮੰਗੀ ਮਦਦ

ਬਰਨਬੀ ਵਿਚ ਇੱਕ ਲੜਕੀ ਨਾਲ ਜਿਨਸੀ ਸ਼ੋਸ਼ਣ ਦੀ ਘਟਨਾ ਹੋਈ ਹੈ। ਪੁਲਿਸ ਨੇ ਪਿਛਲੇ ਹਫ਼ਤੇ ਵਾਪਰੇ ਇਸ ਮਾਮਲੇ ਦੇ ਸਬੰਧ ਵਿਚ ਸ਼ੱਕੀ ਦੀ ਪਛਾਣ ਵਿਚ ਮਦਦ ਮੰਗੀ ਹੈ। ਔਫੀਸਰ ਮੁਤਾਬਕ, 9 ਜੁਲਾਈ ਨੂੰ ਰਾਤ ਕਰੀਬ 11.30 ਵਜੇ ਰਾਇਲ ਓਕ ਐਵੇਨਿਊ ਅਤੇ ਬੇਰੇਸਫੋਰਡ ਸਟ੍ਰੀਟ ਨੇੜੇ ਸ਼ੱਕੀ ਵਲੋਂ ਲੜਕੀ ਨੂੰ ਨਿਸ਼ਾਨਾ ਬਣਾਇਆ ਗਿਆ, ਪੀੜਤਾ ਨੇ ਦੱਸਿਆ ਕਿ ਉਹ ਇਕੱਲੀ ਜਾ ਰਹੀ ਸੀ ਜਦੋਂ ਇੱਕ ਆਦਮੀ ਪਿੱਛੇ ਤੋਂ ਆਇਆ ਅਤੇ ਉਸ ਨਾਲ ਗਲਤ ਹਰਕਤ ਕੀਤੀ, ਜਿਵੇਂ ਹੀ ਪੀੜਤਾ ਨੇ 911 'ਤੇ ਕਾਲ ਕੀਤਾ, ਸ਼ੱਕੀ ਮੌਕੇ ਤੋਂ ਭੱਜ ਗਿਆ।

ਪੁਲਿਸ ਮੁਤਾਬਕ, ਇਲਾਕੇ ਦੀ ਛਾਣਬੀਣ ਤੋਂ ਬਾਅਦ ਵੀ ਉਹ ਫੜਿਆ ਨਹੀਂ ਜਾ ਸਕਿਆ। ਕਾਰਪੋਰੇਸ਼ਨਲ ਮਾਈਕ ਕਲਾਂਜ ਮੁਤਾਬਕ, ਇਸ ਘਟਨਾ ਦੇ ਕਰੀਬ ਅੱਧੇ ਘੰਟੇ ਮਗਰੋਂ ਬੇਰੇਸਫੋਰਡ ਸਟ੍ਰੀਟ ਨੇੜੇ ਹੀ ਇੱਕ ਅਪਾਰਟਮੈਂਟ ਦੇ ਗਰਾਊਂਡ ਫਲੋਰ ਦੀ ਸਲਾਈਡਿੰਗ ਗਲਾਸ ਡੋਰ ਕੋਲ ਕਿਸੇ ਸ਼ੱਕੀ ਦੇ ਹੋਣ ਦੀ ਰਿਪੋਰਟ ਮਿਲੀ ਪਰ ਘਰ ਵਾਲਿਆਂ ਦੇ ਖਿੜਕੀ ਵੱਲ ਆਉਂਦੇ ਹੀ ਉਹ ਭੱਜ ਗਿਆ।

Cpl. ਮੁਤਾਬਕ, ਉਸੇ ਰਾਤ ਇਨ੍ਹਾਂ ਘਟਨਾਵਾਂ ਤੋਂ ਪਹਿਲਾਂ ਸ਼ੱਕੀ ਨੂੰ 11 ਵਜੇ ਇਸੇ ਘਰ ਦੇ ਵਿਹੜੇ ਵਿਚ ਵੀ ਦੇਖਿਆ ਗਿਆ ਸੀ, ਜਿਸ ਦੀ ਸ਼ਿਕਾਇਤ ਕਰਤਾ ਨੇ ਪਹਿਲਾਂ ਰਿਪੋਰਟ ਨਹੀਂ ਕੀਤੀ ਸੀ। Kalanj ਨੇ ਕਿਹਾ ਕਿ ਫਿਲਹਾਲ ਇਸ ਮੌਕੇ ਇਹ ਨਹੀਂ ਕਿਹਾ ਜਾ ਸਕਦਾ ਕਿ ਕੀ ਦੋਵੇਂ ਘਟਨਾਵਾਂ ਦਾ ਆਪਸ ਵਿਚ ਕੋਈ ਲਿੰਕ ਸੀ? ਉਨ੍ਹਾਂ ਮੁਤਾਬਕ, ਮਾਮਲੇ ਦੀ ਤਹਿ ਤੱਕ ਪਹੁੰਚਣ ਲਈ ਜਾਂਚ ਜਾਰੀ ਹੈ।