17.89C Vancouver 17.89C VancouverJun 21, 2022 12:10 AM - Connect News
ਬਰਨਬੀ 'ਚ ਵਾਪਰੇ ਇੱਕ ਮੋਟਰਸਾਈਕਲ ਕਰੈਸ਼ 'ਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਘਟਨਾ ਐਤਵਾਰ ਤੜਕੇ ਵਾਪਰੀ ਦੱਸੀ ਗਈ ਹੈ।
ਅਫਸਰਾਂ ਨੂੰ ਤੜਕੇ ਕਰੀਬ 2 ਵਜੇ ਵਿਲਿੰਗਡਨ ਐਵੀਨਿਊ ਅਤੇ ਸੈਂਡਰਸਨ ਵੇਅ ਕੋਲ ਸੱਦਿਆ ਗਿਆ ਸੀ।
ਪੁਲਿਸ ਨੂੰ ਇੱਕ ਸਿੰਗਲ ਮੋਟਰਸਾਈਕਲ ਕਰੈਸ਼ ਦੀ ਜਾਣਕਾਰੀ ਮਿਲੀ ਸੀ।
ਪੁਲਿਸ ਨੇ ਦੱਸਿਆ ਕਿ ਪੀੜਤ ਮੋਟਰਸਾਈਕਲ ਚਾਲਕ ਨੂੰ ਮੌਕੇ 'ਤੇ ਹੀ ਮ੍ਰਿਤ ਐਲਾਨ ਦਿੱਤਾ ਗਿਆ ਸੀ।
ਪੀੜਤ ਵਿਅਕਤੀ ਦੀ ਉਮਰ 22 ਸਾਲ ਦੱਸੀ ਗਈ ਹੈ।
ਬਰਨਬੀ ਆਰ.ਸੀ.ਐਮ.ਪੀ. ਦੀ ਕ੍ਰਿਮੀਨਲ ਕੌਲੀਜਨ ਇਨਵੈਸਟੀਗੇਸ਼ਨ ਟੀਮ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਕਰੈਸ਼ ਦੇ ਕਾਰਨ ਸੰਬੰਧੀ ਫਿਲਹਾਲ ਸਥਿਤੀ ਸਪਸ਼ਟ ਨਹੀਂ ਹੈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕਿਸੇ ਕੋਲ ਘਟਨਾ ਸੰਬੰਧੀ ਡੈਸ਼ ਕੈਮ ਫੁਟੇਜ ਜਾਂ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨਾਲ ਸੰਪਰਕ ਕੀਤਾ ਜਾਵੇ।
