ਬਰਨਬੀ ਵਿਚ ਇੱਕ ਬਜ਼ੁਰਗ ਜੋੜਾ 'ਡਿਜੀਟਲ ਅਰੈਸਟ'ਵਰਗੇ ਫਰੌਡ ਦਾ ਹੋਇਆ ਸ਼ਿਕਾਰ

ਬਰਨਬੀ ਵਿਚ ਇੱਕ ਬਜ਼ੁਰਗ ਜੋੜਾ 'ਡਿਜੀਟਲ ਅਰੈਸਟ'ਵਰਗੇ ਫਰੌਡ ਦਾ ਸ਼ਿਕਾਰ ਹੋਇਆ ਹੈ,ਜਿਸ ਵਿਚ ਉਨ੍ਹਾਂ ਦੀ ਜ਼ਿੰਦਗੀ ਭਰ ਦੀ ਕਮਾਈ ਜੋ ਕਿ ਲਗਭਗ $300,000 ਸੀ ਧੋਖੇਬਾਜ਼ਾਂ ਵਲੋਂ ਠੱਗ ਲਈ ਗਈ। ਪੁਲਿਸ ਅਨੁਸਾਰ,ਇਸ 80 ਸਾਲਾ ਜੋੜੇ ਨੂੰ ਕਿਸੇ ਵਿਅਕਤੀ ਦਾ ਫ਼ੋਨ ਆਇਆ,ਜਿਸ ਨੇ ਖੁਦ ਨੂੰ ਆਰ.ਸੀ.ਐਮ.ਪੀ.ਔਫੀਸਰ ਨੇ ਦੱਸਿਆ ਅਤੇ ਉਨ੍ਹਾਂ ਨੂੰ ਵਿਸ਼ਵਾਸ ਦਿਵਾਇਆ ਕਿ ਉਨ੍ਹਾਂ ਦਾ ਬੈਂਕ ਹੈਕ ਹੋ ਗਿਆ ਹੈ ਅਤੇ ਪੈਸੇ ਬਚਾਉਣ ਲਈ ਉਨ੍ਹਾਂ ਨੂੰ ਫੰਡ ਕਿਤੇ ਹੋਰ ਟ੍ਰਾਂਸਫਰ ਕਰਨੇ ਪੈਣਗੇ।

ਕਈ ਹਫ਼ਤਿਆਂ ਤੱਕ ਚੱਲੇ ਇਸ ਸਿਲਸਿਲੇ ਵਿਚ ਬਜ਼ੁਰਗਾਂ ਨੂੰ ਪੁਲਿਸ ਨਾਲ ਸੰਪਰਕ ਨਾ ਕਰਨ ਦੀ ਹਦਾਇਤ ਦਿੱਤੀ ਗਈ ਅਤੇ ਫੰਡ ਟ੍ਰਾਂਸਫਰ ਕਰਨ ਲਈ ਗਿਫਟ ਕਾਰਡ ਖਰੀਦਣ ਲਈ ਵੀ ਮਜਬੂਰ ਕੀਤਾ। ਜਦੋਂ ਜੋੜੇ ਨੂੰ ਸ਼ੱਕ ਹੋਇਆ ਅਤੇ ਉਨ੍ਹਾਂ ਨੇ ਆਪਣੇ ਬੈਂਕ ਨਾਲ ਗੱਲ ਕੀਤੀ ਤਾਂ ਅਧਿਕਾਰੀਆਂ ਨੇ ਉਨ੍ਹਾਂ ਨੂੰ ਤੁਰੰਤ ਪੁਲਿਸ ਰਿਪੋਰਟ ਦਰਜ ਕਰਵਾਉਣ ਲਈ ਕਿਹਾ।

28 ਜਨਵਰੀ ਨੂੰ ਇਹ ਮਾਮਲਾ ਪੁਲਿਸ ਕੋਲ ਪਹੁੰਚਿਆ, ਜਿਸ ਦੀ ਹੁਣ ਜਾਂਚ ਚੱਲ ਰਹੀ ਹੈ। ਬਰਨਬੀ ਆਰ.ਸੀ.ਐਮ.ਪੀ.ਦੇ ਬੁਲਾਰੇ ਕਾਰਪੋਰੇਸ਼ਨਲ ਮਾਈਕ ਕਲਾਂਜ ਨੇ ਲੋਕਾਂ ਨੂੰ ਹਦਾਇਤ ਕੀਤੀ ਹੈ ਕਿ ਜੇਕਰ ਕੋਈ ਖੁਦ ਨੂੰ ਪੁਲਿਸ ਅਧਿਕਾਰੀ ਦੱਸਦਾ ਹੈ ਤਾਂ ਤੁਸੀਂ ਉਸ ਪੁਲਿਸ ਸਟੇਸ਼ਨ ਨੂੰ ਫ਼ੋਨ ਕਰਕੇ ਉਸ ਦੀ ਪਛਾਣ ਦੀ ਪੁਸ਼ਟੀ ਕਰ ਸਕਦੇ ਹੋ, ਜਿਥੋਂ ਦਾ ਉਹ ਹੋਣ ਦਾਅਵਾ ਕਰਦਾ ਹੈ। ਉਹਨਾਂ ਕਿਹਾ ਕਿ ਆਰ.ਸੀ.ਐਮ.ਪੀ. ਅਧਿਕਾਰੀਆਂ ਬਕਾਇਦਾ ਬੈਜ ਨੰਬਰ ਹੁੰਦਾ ਹੈ।