9.33C Vancouver 9.33C VancouverJan 11, 2022 10:39 PM - Connect News
ਬਰਨਬੀ 'ਚ ਗੋਲੀ ਚੱਲਣ ਦੀ ਵਾਰਦਾਤ ਵਾਪਰੀ ਹੈ।
ਹਾਲਾਂਕਿ ਪੁਲਿਸ ਦਾ ਕਹਿਣਾ ਹੈ ਕਿ ਪੀੜਤ ਵਿਅਕਤੀ ਵੱਲੋਂ ਪੁਲਿਸ ਨਾਲ ਸਹਿਯੋਗ ਨਹੀਂ ਕੀਤਾ ਜਾ ਰਿਹਾ ਹੈ।
ਮਾਮਲਾ ਸੋਮਵਾਰ ਰਾਤ ਦਾ ਹੈ ਅਤੇ ਘਟਨਾ ਰੈਂਡੌਲਫ ਐਵੀਨਿਊ ਅਤੇ ਕਿੰਗਜ਼ਵੇ ਦੇ ਇਲਾਕੇ 'ਚ ਵਾਪਰੀ।
ਬਰਨਬੀ ਆਰ.ਸੀ.ਐਮ.ਪੀ. ਦੇ ਮੈਂਬਰਾਂ ਨੂੰ ਰਾਤ ਕਰੀਬ 10 ਵਜੇ ਮੌਕੇ 'ਤੇ ਸੱਦਿਆ ਗਿਆ ਸੀ।
ਪੁਲਿਸ ਦੇ ਪਹੁੰਚਣ ਤਕ ਵਾਰਦਾਤ ਨੂੰ ਅੰਜਾਮ ਦੇਣ ਸੰਬੰਧੀ ਕੋਈ ਸ਼ੱਕੀ ਮੌਕੇ 'ਤੇ ਨਹੀਂ ਮਿਲਿਆ।
ਪੁਲਿਸ ਦਾ ਮੰਨਣਾ ਹੈ ਕਿ ਘਟਨਾ 'ਚ ਪੀੜਤ ਵਿਅਕਤੀ ਤੋਂ ਇਲਾਵਾ 2 ਹੋਰ ਲੋਕ ਸ਼ਾਮਿਲ ਸਨ।
ਪੀੜਤ ਵਿਅਕਤੀ ਦੀ ਉਮਰ 43 ਸਾਲ ਦੱਸੀ ਗਈ ਹੈ ਅਤੇ ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਹਾਲਾਂਕਿ ਉਸ ਦੇ ਜਖਮ ਜਾਨਲੇਵਾ ਨਹੀਂ ਸਨ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕਿਸੇ ਕੋਲ ਘਟਨਾ ਸੰਬੰਧੀ ਕੋਈ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
