13.38C Vancouver 13.38C VancouverOct 21, 2021 8:28 PM - The Canadian Press
ਸਰੀ 'ਚ ਬੜੀ ਧੂਮਧਾਮ ਨਾਲ ਹੋਏ ਇੱਕ ਵਿਆਹ ਨੂੰ ਲੈਕੇ ਪੁਲਿਸ ਕੋਲ ਕਈ ਸ਼ਿਕਾਇਤਾਂ ਪਹੁੰਚੀਆਂ।
ਹੁਣ ਇਸ ਸੰਬੰਧੀ ਟਿਕਟਾਂ ਜਾਰੀ ਕਰਨ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਮੰਗਲਵਾਰ ਰਾਤ ਦੇ ਇਸ ਵਿਆਹ ਦੌਰਾਨ ਇੱਕ ਘਰ 'ਚ ਫੈਰੀਸ ਵਹੀਲ ਲਗਾਉਣ ਦੀ ਵੀ ਜਾਣਕਾਰੀ ਦਿੱਤੀ ਗਈ।
ਸਿਟੀ ਆਫ ਸਰੀ ਦਾ ਕਹਿਣਾ ਹੈ ਕਿ ਬਾਈਲਾਅ ਅਫਸਰਾਂ ਅਤੇ ਸਰੀ ਆਰ.ਸੀ.ਐਮ.ਪੀ. ਦੇ ਮੈਂਬਰਾਂ ਨੂੰ ਇੱਕ ਘਰ 'ਚ ਸੱਦਿਆ ਗਿਆ ਸੀ।
ਇਲਾਕੇ 'ਚ ਗੁਆਂਢੀਆਂ ਨੇ ਰੌਲੇ ਅਤੇ ਟਰੈਫਿਕ ਨਾਲ ਜੁੜੀਆਂ ਸ਼ਿਕਾਇਤਾਂ ਕੀਤੀਆਂ ਸਨ।
ਅਫਸਰਾਂ ਨੇ ਦੱਸਿਆ ਕਿ ਮੌਕੇ 'ਤੇ ਇੱਕ ਘਰ 'ਚ ਵੱਡਾ ਫੈਰੀਸ ਵਹੀਲ ਵਿਖਾਈ ਦਿੱਤਾ ਸੀ।
ਉਨ੍ਹਾਂ ਦੱਸਿਆ ਕਿ ਮੌਕੇ 'ਤੇ ਪਾਰਕਿੰਗ ਨਾਲ ਜੁੜੇ 15 ਟਿਕਟ ਜਾਰੀ ਕੀਤੇ ਗਏ ਹਨ ਅਤੇ ਕਈ ਵਾਹਨਾਂ ਨੂੰ ਟੋਅ ਵੀ ਕੀਤਾ ਗਿਆ ਹੈ।
ਰਿਪੋਰਟ ਅਨੁਸਾਰ ਇਹ ਮਾਮਲਾ ਨਾਮੀ ਪੰਜਾਬੀ ਗਾਇਕ ਅਤੇ ਅਦਾਕਾਰ ਪਰਮੀਸ਼ ਵਰਮਾ ਦੇ ਵਿਆਹ ਨਾਲ ਸੰਬੰਧਤ ਹੈ।
