14.36C Vancouver 14.36C VancouverSep 14, 2020 6:27 PM -
ਸੀਅ ਟੂ ਸਕਾਈ ਗੰਡੋਲਾ ਦੀਆਂ ਕੇਬਲਸ ਨੂੰ ਇੱਕ ਵਾਰ ਫਿਰ ਤੋਂ ਨਿਸ਼ਾਨਾ ਬਣਾਇਆ ਗਿਆ ਹੈ।
ਸ਼ਰਾਰਤੀ ਲੋਕਾਂ ਵੱਲੋਂ ਗੰਡੋਲਾ ਦੀਆਂ ਤਾਰਾਂ ਨਾਲ ਭੰਨਤੋੜ ਕੀਤੀ ਗਈ ਹੈ।
ਘਟਨਾ ਨੂੰ ਜਾਣਬੁੱਝ ਕੇ ਅੰਜਾਮ ਦਿੱਤਾ ਗਿਆ ਦੱਸਿਆ ਗਿਆ ਹੈ।
ਕਰੀਬ ਇੱਕ ਸਾਲ ਦੇ ਵਿੱਚ ਅਜਿਹੀ ਗਤੀਵਿਧੀ ਨਾਲ ਜੁੜੀ, ਇਹ ਦੂਜੀ ਘਟਨਾ ਹੈ।
ਸਕਵਾਮਿਸ਼ ਕੋਲ ਦੇ ਇਸ ਨਾਮੀ ਗੰਡੋਲਾ ਰਾਈਡ ਨੂੰ ਹੋਏ ਨੁਕਸਾਨ ਬਾਰੇ ਆਂਪਰੇਟਰਾਂ ਵੱਲੋਂ ਜਾਣਕਾਰੀ ਦਿੱਤੀ ਗਈ ਹੈ।
ਗੰਡੋਲਾ ਦੇ ਜਨਰਲ ਮੈਨੇਜਰ ਕਰਬੀ ਬ੍ਰਾਊਨ ਦਾ ਕਹਿਣਾ ਸੀ ਕਿ, "ਅਜਿਹੀ ਘਟਨਾ ਜੀਵਨ 'ਚ ਇੱਕ ਵਾਰ ਵਾਪਰਨ ਦੇ ਆਸਾਰ ਤਾਂ ਹੋ ਸਕਦੇ ਹਨ, ਪਰ ਅਜਿਹਾ ਦੋ ਵਾਰ ਹੋਣਾ ਹੈਰਾਨ ਕਰਦਾ ਹੈ।"
ਉਨ੍ਹਾਂ ਕਿਹਾ ਕਿ ਇੱਕ ਵਿਅਕਤੀ ਟਾਵਰ 'ਤੇ ਚੜ੍ਹ ਗਿਆ, ਅਤੇ ਸਿਕਿਉਰਿਟੀ ਸਿਸਟਮ ਦੇ ਬਾਵਜੂਦ ਗੰਡੋਲਾ ਦੀ ਕੇਬਲ ਕੱਟਣ 'ਚ ਕਾਮਯਾਬ ਹੋ ਗਿਆ।
ਘਟਨਾ ਤੋਂ ਬਾਅਦ ਆਰ.ਸੀ.ਐਮ.ਪੀ. ਮੌਕੇ 'ਤੇ ਪਹੁੰਚ ਗਈ ਸੀ। ਕਲਾਇੰਬਰਸ ਅਤੇ ਹਾਈਕਰਜ਼ ਸਮੇਤ, ਲੋਕਾਂ ਨੂੰ ਇਲਾਕੇ 'ਚ ਪਹੁੰਚ ਕਰਨ ਤੋਂ ਰੁਕਣ ਦੀ ਸਲਾਹ ਦਿੱਤੀ ਗਈ ਹੈ।
ਬੀਤੇ ਸਾਲ ਅਜਿਹੀ ਘਟਨਾ ਵਾਪਰੀ ਸੀ, ਜਿਸ ਤੋਂ ਬਾਅਦ ਸੁਰੱਖਿਆ 'ਚ ਵਾਧਾ ਕੀਤਾ ਗਿਆ ਸੀ।
ਪਰ ਇਸ ਦੇ ਬਾਵਜੂਦ ਘਟਨਾ ਨੂੰ ਅੰਜਾਮ ਦੇਣ ਵਾਲੇ ਵਿਅਕਤੀ ਨੂੰ ਰੋਕਣਾ ਮੁਸ਼ਕਿਲ ਹੋ ਗਿਆ।
ਸਾਲ 2019 'ਚ ਅਗਸਤ ਦੇ ਮਹੀਨੇ 'ਚ ਵੀ ਅਜਿਹੀ ਘਟਨਾ ਨੂੰ ਅੰਜਾਮ ਦਿੱਤਾ ਗਿਆ ਸੀ, ਜਿਸ ਕਾਰਨ ਕਰੀਬ $10 ਮਿਲੀਅਨ ਦਾ ਨੁਕਸਾਨ ਹੋਇਆ ਸੀ।
ਇਸ ਘਟਨਾ ਤੋਂ ਬਾਅਦ ਕਿਸੇ ਗ੍ਰਿਫਤਾਰੀ ਦੀ ਖਬਰ ਸਾਹਮਣੇ ਨਹੀਂ ਆਈ ਸੀ।
ਕੰਪਨੀ ਨੂੰ 30 ਨਵੇਂ ਕੈਬਿਨ ਅਤੇ ਯੂਰੋਪ ਤੋਂ ਇੱਕ ਨਵੀਂ ਮੇਨ ਹੌਲ ਰੋਪ ਵੀ ਮੰਗਵਾਉਣੀ ਪਈ ਸੀ।
ਯਾਦ ਰਹੇ ਇਸ ਘਟਨਾ ਤੋਂ ਬਾਅਦ ਇਸੇ ਸਾਲ ਵੈਲੇਨਟਾਈਨ ਡੇਅ ਮੌਕੇ, ਗੰਡੋਲਾ ਨੂੰ ਮੁੜ ਤੋਂ ਸ਼ੁਰੂ ਕੀਤਾ ਗਿਆ ਸੀ।
