ਕੈਲਗਰੀ 'ਚ ਕਿਰਾਏਦਾਰਾਂ ਦੇ ਕਮਰਿਆਂ 'ਚ ਗੁਪਤ ਕੈਮਰੇ ਲਗਾਉਣ ਦੇ ਦੋਸ਼ ਹੇਠ ਮਕਾਨ ਮਾਲਕ ਗ੍ਰਿਫ਼ਤਾਰ

ਕੈਲਗਰੀ ਪੁਲਿਸ ਨੇ ਇੱਕ 41 ਸਾਲਾ ਮਕਾਨ ਮਾਲਕ ਨੂੰ ਕਿਰਾਏਦਾਰਾਂ ਦੇ ਬਾਥਰੂਮ ਅਤੇ ਬੈੱਡਰੂਮ ਵਿੱਚ ਕਥਿਤ ਤੌਰ 'ਤੇ ਗੁਪਤ ਕੈਮਰੇ ਲਗਾਉਣ ਦੇ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕਰਕੇ ਗੰਭੀਰ ਦੋਸ਼ ਲਗਾਏ ਹਨ। ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ 7 ਜੂਨ ਨੂੰ ਇੱਕ ਕਿਰਾਏਦਾਰ ਨੇ ਆਪਣੇ ਬਾਥਰੂਮ ਵਿੱਚ ਸਰਜ ਪ੍ਰੋਟੈਕਟਰ ਦੇ ਅੰਦਰ ਲੁਕਿਆ ਹੋਇਆ ਛੋਟਾ ਕੈਮਰਾ ਅਤੇ ਬੈੱਡਰੂਮ ਵਿੱਚ ਸਮੋਕ ਡਿਟੈਕਟਰ ਉੱਤੇ ਲਗਿਆ ਹੋਇਆ ਇੱਕ ਹੋਰ ਕੈਮਰਾ ਦੇਖਿਆ।

ਇਸ ਤੋਂ ਬਾਅਦ ਉਸ ਨੇ ਹੋਰ ਕਿਰਾਏਦਾਰਾਂ ਨੂੰ ਵੀ ਜਾਣਕਾਰੀ ਦਿੱਤੀ। ਇਸ ਤੋਂ ਬਾਅਦ ਬਾਕੀ ਕਿਰਾਏਦਾਰਾਂ ਨੇ ਵੀ ਆਪਣੇ ਕਮਰਿਆਂ ਵਿੱਚ ਇਸੇ ਤਰ੍ਹਾਂ ਦੇ ਗੁਪਤ ਕੈਮਰੇ ਲੱਭੇ ਅਤੇ ਪੁਲਿਸ ਨੂੰ ਸੂਚਿਤ ਕੀਤਾ। 12 ਜੂਨ ਨੂੰ ਜਾਂਚਕਰਤਾਵਾਂ ਨੇ ਸਪਰਿੰਗਬਰੋ ਵੇਅ ਸਾਊਥ ਵੈਸਟ ਦੇ 200 ਬਲਾਕ ਵਿੱਚ ਇੱਕ ਘਰ 'ਤੇ ਸਰਚ ਵਾਰੰਟ ਜਾਰੀ ਕਰਕੇ ਛਾਪੇਮਾਰੀ ਕੀਤੀ। ਇਸ ਦੌਰਾਨ ਕਈ ਇਲੈਕਟ੍ਰਾਨਿਕ ਸਟੋਰੇਜ ਡਿਵਾਈਸ ਜ਼ਬਤ ਕੀਤੇ। ਪੁਲਿਸ ਨੇ ਸ਼ੁੱਕਰਵਾਰ ਨੂੰ ਸੂਰੀਯੋਂਗ ਪਾਰਕ ਨੂੰ ਗ੍ਰਿਫ਼ਤਾਰ ਕੀਤਾ ਜੋ ਕਿਨਿੱਕ ਪਾਰਕ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੋ ਸਕਦਾ ਹੈ।

ਉਸ ਖ਼ਿਲਾਫ਼ ਇੱਕ ਬ੍ਰੇਕ ਐਂਡ ਐਂਟਰ ਅਤੇ voyeurism ਦੇ ਪੰਜ ਦੋਸ਼ ਦਰਜ ਕੀਤੇ ਗਏ ਹਨ। ਉਸ ਦੀ ਅਦਾਲਤ ਵਿੱਚ ਪੇਸ਼ੀ 7 ਅਗਸਤ ਨੂੰ ਹੋਵੇਗੀ। ਪੁਲਿਸ ਨੂੰ ਸ਼ੱਕ ਹੈ ਕਿ ਪਾਰਕ ਵੈਨਕੂਵਰ ਅਤੇ ਟੋਰਾਂਟੋ ਸਮੇਤ ਹੋਰ ਸ਼ਹਿਰਾਂ ਵਿੱਚ ਵੀ ਮਕਾਨ ਮਾਲਕ ਵਜੋਂ ਕੰਮ ਕਰਦਾ ਹੋ ਸਕਦਾ ਹੈ ਅਤੇ ਖ਼ਾਸ ਕਰਕੇ ਕੋਰੀਅਨ ਭਾਈਚਾਰੇ ਦੀਆਂ ਮਹਿਲਾਵਾਂ ਨੂੰ ਨਿਸ਼ਾਨਾ ਬਣਾਉਂਦਾ ਰਿਹਾ ਹੈ। ਇਸ ਮਾਮਲੇ ਬਾਰੇ ਜਾਣਕਾਰੀ ਰੱਖਣ ਵਾਲੇ ਲੋਕਾਂ ਨੂੰ ਕੈਲਗਰੀ ਪੁਲਿਸ ਨੇ 403-266-1234 'ਤੇ ਸੰਪਰਕ ਕਰਨ ਦੀ ਅਪੀਲ ਕੀਤੀ ਹੈ।