13.08C Vancouver 13.08C VancouverJan 7, 2021 6:28 PM -
ਬੀ.ਸੀ. 'ਚ 2 ਲੋਕਾਂ ਦਾ ਕਤਲ ਹੋ ਗਿਆ ਹੈ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਬੀ.ਸੀ. ਦੇ ਕਰੈਸਟਨ ਇਲਾਕੇ ਕੋਲ ਇੱਕ ਔਰਤ ਅਤੇ ਇੱਕ ਆਦਮੀ ਦਾ ਕਤਲ ਕਰ ਦਿੱਤਾ ਗਿਆ ਹੈ।
ਦੋਨਾਂ ਪੀੜਤਾਂ ਬਾਰੇ ਬੁੱਧਵਾਰ ਸ਼ਾਮ ਕਰੀਬ 7 ਵਜੇ ਪਤਾ ਲੱਗਿਆ।
ਦੱਖਣਪੂਰਬੀ ਬੀ.ਸੀ. 'ਚ ਕਰੈਸਟਨ ਤੋਂ ਪੱਛਮ ਵਾਲੇ ਪਾਸੇ ਨੂੰ ਹਾਈਵੇਅ 3 'ਤੇ ਦੋਨਾਂ ਦੇ ਮ੍ਰਿਤ ਸ਼ਰੀਰ ਮਿਲੇ।
ਦੋਨਾਂ ਨੂੰ ਚਾਕੂ ਮਾਰੇ ਗਏ ਸਨ।
ਮ੍ਰਿਤਕ ਆਦਮੀ ਦੀ ਉਮਰ 40 ਸਾਲ ਸੀ ਅਤੇ ਉਸ ਨੂੰ ਕੈਲਗਰੀ ਦਾ ਨਿਵਾਸੀ ਦੱਸਿਆ ਗਿਆ, ਜਦਕਿ ਮ੍ਰਿਤਕ ਔਰਤ ਦੀ ਪਛਾਣ ਵੈਸਟ ਕੂਟਨੀ ਦੀ ਇੱਕ 25 ਸਾਲਾ ਔਰਤ ਵਜੋਂ ਹੋਈ ਹੈ।
ਸ਼ੱਕੀ ਦੋਨਾਂ ਮ੍ਰਿਤ ਲੋਕਾਂ ਵਿੱਚੋਂ ਇੱਕ ਦਾ ਵਾਹਨ ਲੈ ਕੇ ਫਰਾਰ ਹੋ ਗਿਆ ਸੀ ਅਤੇ ਇਹ ਵਾਹਨ ਘਟਨਾ ਸਥਾਨ ਤੋਂ ਕਰੀਬ 80km ਦੀ ਦੂਰੀ 'ਤੇ ਮਿਲਿਆ।
ਪੁਲਿਸ ਅਧਿਕਾਰੀ ਦਾ ਕਹਿਣਾ ਸੀ ਕਿ ਮੰਨਿਆ ਜਾ ਰਿਹਾ ਹੈ ਕਿ ਹਮਲਾਵਰ ਅਤੇ ਪੀੜਤ ਲੋਕ ਇੱਕ ਦੂਜੇ ਨੂੰ ਜਾਣਦੇ ਸਨ।
