ਕੈਲਗਰੀ ਦੀ ਮੇਅਰ ਅਮਰੀਕੀ ਟੈਰਿਫ ਦੇ ਨਾਲ ਪੈਣ ਵਾਲੇ ਪ੍ਰਭਾਵ ਸਬੰਧੀ ਕਰੇਗੀ ਗੱਲਬਾਤ

ਕੈਲਗਰੀ ਦੀ ਮੇਅਰ ਜੋਤੀ ਗੋਂਡੇਕ ਅੱਜ ਦੁਪਹਿਰ ਅਮਰੀਕਾ ਦੇ ਟੈਰਿਫ ਧਮਕੀਆਂ ਦੇ ਸਬੰਧ ਵਿਚ ਸਿਟੀ ਦੀ ਇੰਡਸਟਰੀ ਨੂੰ ਪੈਣ ਵਾਲੇ ਪ੍ਰਭਾਵ ਸਬੰਧੀ ਗੱਲ ਕਰੇਗੀ। ਉਸ ਦੇ ਔਫਿਸ ਮੁਤਾਬਕ ਅਮਰੀਕਾ ਦੇ ਟੈਰਿਫ ਦਾ ਪ੍ਰਭਾਵ ਸਿਟੀ ਦੇ ਤੇਲ, ਪਸ਼ੂ-ਪਾਲਣ ਅਤੇ ਛੋਟੇ ਵਪਾਰ ਨੂੰ ਪਵੇਗਾ, ਜਿਸ ਤੋਂ ਬਚਣ ਲਈ ਉਨ੍ਹਾਂ ਨੇ ਕੁਝ ਸੁਝਾਅ ਤਿਆਰ ਕੀਤੇ ਹਨ।

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਐਲਾਨ ਕੀਤਾ ਹੈ ਕਿ ਤੇਲ, ਗੈਸ, ਖੇਤੀ ਉਤਪਾਦ, ਡੇਅਰੀ ਅਤੇ ਸ਼ਰਾਬ ਵਰਗੇ ਖੇਤਰਾਂ ’ਤੇ ਉਹ ਟੈਰਿਫ ਲਾਉਣਗੇ। ਹਾਲ ਹੀ ਵਿਚ ਕੈਨੇਡੀਅਨ ਚੈਂਬਰ ਆਫ਼ ਕਾਮਰਸ ਨੇ ਰਿਪੋਰਟ ਵਿਚ ਦੱਸਿਆ ਕਿ ਇਸ ਟੈਰਿਫ ਕਾਰਨ ਕੈਲਗਰੀ, ਸੇਂਟ ਜੌਨ ਅਤੇ ਵਿੰਡਸਰ ਸ਼ਹਿਰਾਂ ਨੂੰ ਕਾਫੀ ਨੁਕਸਾਨ ਹੋਵੇਗਾ।

ਗੌਰਤਲਬ ਹੈ ਕਿ ਐਲਬਰਟਾ ਦੇ ਬਿਜ਼ਨਸ ਸਬੰਧੀ ਹਾਲ ਹੀ ਵਿਚ ਪੇਸ਼ ਰਿਪੋਰਟ ਵਿਚ ਦੱਸਿਆ ਗਿਆ ਕਿ ਬਹੁਤੇ ਵਪਾਰੀ ਅਮਰੀਕਾ ਵਿਚ ਜਾ ਕੇ ਹੀ ਬਿਜ਼ਨਸ ਕਰਨ ਦਾ ਵਿਚਾਰ ਬਣਾ ਰਹੇ ਹਨ ਤਾਂ ਕਿ ਉਹ ਵਾਧੂ ਖਰਚੇ ਤੋਂ ਬਚ ਸਕਣ।