15.52C Vancouver 15.52C VancouverMay 31, 2024 2:51 PM - The Canadian Press
ਕੈਨੇਡਾ ਦੇ ਇੱਕ ਇਮੀਗ੍ਰੇਸ਼ਨ ਵਕੀਲ ਦਾ ਕਹਿਣਾ ਹੈ ਕਿ ਡੋਨਲਡ ਟਰੰਪ ਹੁਣ ਤਕਨੀਕੀ ਤੌਰ ’ਤੇ ਕੈਨੇਡਾ ਵਿਚ ਦਾਖ਼ਲ ਹੋਣ ਦੇ ਯੋਗ ਨਹੀਂ ਰਹੇ ਕਿਉਂਕਿ ਉਹ ਅਪਰਾਧੀ ਸਾਬਤ ਹੋਏ ਹਨ। ਟਰੰਪ ਨੂੰ ਉਨ੍ਹਾਂ ਖਿਲਾਫ ਚੱਲ ਰਹੇ ਅਪਰਾਧਿਕ ਹਸ਼ ਮਨੀ ਟ੍ਰਾਇਲ ਵਿਚ ਸਾਰੇ 34 ਮਾਮਲਿਆਂ ਵਿਚ ਦੋਸ਼ ਪਾਇਆ ਗਿਆ ਹੈ, ਜਿਸ ਵਿਚ ਉਨ੍ਹਾਂ ਨੂੰ 4 ਸਾਲ ਤੱਕ ਦੀ ਸਜ਼ਾ ਸੁਣਾਈ ਜਾ ਸਕਦੀ ਹੈ।
“ਟੋਰਾਂਟੋ ਆਧਾਰਿਤ ਇਮੀਗ੍ਰੇਸ਼ਨ ਵਕੀਲ ਅਤੇ ਪਾਲਿਸੀ ਵਿਸ਼ਲੇਸ਼ਕ ਮਾਰੀਓ ਬੇਲਿਸਿਮੋ ਨੇ ਕਿਹਾ ਕਿ ਦੋਸ਼ਾਂ ਦੀ ਗਿਣਤੀ ਨੂੰ ਦੇਖਦੇ ਹੋਏ ਟਰੰਪ ਨੂੰ ਆਪਣੀ ਸਜ਼ਾ ਪੂਰੀ ਕਰਨ ਦੇ ਘੱਟੋ-ਘੱਟ ਪੰਜ ਸਾਲ ਬਾਅਦ ਤੱਕ ਇੱਕ ਨਾਗਰਿਕ ਵਜੋਂ ਕੈਨੇਡਾ ਵਿਚ ਪ੍ਰਵੇਸ਼ ਕਰਨ ਤੋਂ ਰੋਕਿਆ ਜਾ ਸਕਦਾ ਹੈ। ਵਕੀਲ ਨੇ ਕਿਹਾ ਕਿ ਵਿਕਲਪਕ ਤੌਰ ’ਤੇ ਟਰੰਪ ਵੀਜ਼ਾ ਲਈ ਅਰਜ਼ੀ ਦੇ ਸਕਦੇ ਹਨ ਜੇ ਉਨ੍ਹਾਂ ਕੋਲ ਕੈਨੇਡਾ ਆਉਣ ਦਾ ਕੋਈ ਖਾਸ ਕਾਰਨ ਹੋਵੇ ਪਰ ਬਹੁਤੇ ਲੋਕਾਂ ਲਈ ਇਹੋ ਜਿਹੇ ਹਾਲਾਤ ਵਿਚ ਵੀਜ਼ਾ ਪ੍ਰਾਪਤ ਕਰਨਾ ਬਹੁਤ ਮੁਸ਼ਕਲ ਹੁੰਦਾ ਹੈ।
ਬਿ੍ਰਟਿਸ਼ ਕੋਲੰਬੀਆ ਬੇਸਡ ਇਮੀਗ੍ਰੇਸ਼ਨ ਵਕੀਲ ਨਾਥਨ ਮੈਕਕੁਆਰੀ ਨੇ ਕਿਹਾ ਕਿ ਟਰੰਪ ਦੀ ਕੈਨੇਡਾ ਯਾਤਰਾ ਉਨ੍ਹਾਂ ਦੀ ਰਾਜਨੀਤਕ ਕਿਸਮਤ ’ਤੇ ਨਿਰਭਰ ਹੋਵੇਗੀ, ਜੇ ਉਹ ਦੁਬਾਰਾ ਰਾਸ਼ਟਰਪਤੀ ਚੁਣੇ ਜਾਂਦੇ ਨੇ ਤਾਂ ਡਿਪਲੋਮੈਟਿਕ ਕਾਰਨਾਂ ਕਰਕੇ ਉਨ੍ਹਾਂ ਨੂੰ ਆਉਣ ਦੀ ਇਜਾਜ਼ਤ ਮਿਲ ਸਕਦੀ ਹੈ।
ਉਥੇ ਹੀ, ਪਬਲਿਕ ਸੇਫਟੀ ਅਤੇ ਇਮੀਗ੍ਰੇਸ਼ਨ ਮਿਨਿਸਟਰ ਦੇ ਬੁਲਾਰਿਆਂ ਨੇ ਇਸ ਮਾਮਲੇ ਵਿਚ ਕੋਈ ਵੀ ਟਿੱਪਣੀ ਤੋਂ ਇਨਕਾਰ ਕੀਤਾ ਹੈ। ਕੈਨੇਡਾ ਬਾਰਡਰ ਸਰਵਿਸ ਏਜੰਸੀ ਨੇ ਕਿਹਾ ਕਿ ਕੈਨੇਡਾ ਵਿਚ ਕਿਸ ਨੂੰ ਆਉਣ ਦਿੱਤਾ ਜਾਵੇ, ਇਸ ਦਾ ਫੈਸਲਾ ਕੇਸ ਬਾਏ ਕੇਸ ਦੇ ਆਧਾਰ ’ਤੇ ਕੀਤਾ ਜਾਂਦਾ ਹੈ।
