15.99C Vancouver 15.99C VancouverApr 24, 2025 7:22 PM - The Canadian Press
ਕੈਨੇਡਾ ਨੂੰ ਟਰੰਪ ਨੇ ਚੀਨ ਨਾਲ ਆਪਣੇ ਵਪਾਰ ਯੁੱਧ ਵਿਚ ਘਸਟੀਦੇ ਹੋਏ ਦੋਸ਼ ਲਗਾਇਆ ਹੈ ਕਿ ਫੈਂਟਾਨਾਇਲ ਦੀ ਤਸਕਰੀ ਅਜੇ ਵੀ ਇਨ੍ਹਾਂ ਮੁਲਕਾਂ ਤੋਂ ਹੋ ਰਹੀ ਹੈ। ਉਨ੍ਹਾਂ ਅੱਜ ਸੋਸ਼ਲ ਮੀਡੀਆ ਪੋਸਟ ਵਿਚ ਇਹ ਸ਼ਿਕਾਇਤ ਕਰਦੇ ਹੋਏ ਫੈਂਟਾਨਾਇਲ ਦਾ ਮੁੱਦਾ ਘੜੀਸਿਆ ਕਿ ਚੀਨੀ ਏਅਰਲਾਈਨਜ਼ ਨੇ ਟੈਰਿਫ ਦੇ ਵਿਰੋਧ ਵਿਚ ਬੋਇੰਗ ਜਹਾਜ਼ਾਂ ਦੀ ਡਿਲਿਵਰੀ ਲੈਣ ਤੋਂ ਇਨਕਾਰ ਕੀਤਾ ਹੈ।
ਟਰੰਪ ਨੇ ਕਿਹਾ ਕਿ ਚੀਨ ਤੋਂ ਮੈਕਸੀਕੋ ਅਤੇ ਕੈਨੇਡਾ ਦੇ ਮਾਧਿਅਮ ਨਾਲ ਫੈਂਟਾਨਾਇਲ ਦਾ ਆਉਣਾ ਜਾਰੀ ਹੈ। ਗੌਰਤਲਬ ਹੈ ਕਿ ਇਸੇ ਨੂੰ ਮੁੱਦਾ ਬਣਾਉਂਦੇ ਹੋਏ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਪਿਛਲੇ ਮਹੀਨੇ ਕੈਨੇਡਾ 'ਤੇ ਟੈਰਿਫ ਲਗਾਇਆ ਸੀ ਅਤੇ ਥੋੜ੍ਹੇ ਦਿਨਾਂ ਮਗਰੋਂ ਕੁਝ ਟੈਰਿਫ ਨੂੰ ਰੋਕ ਦਿੱਤਾ ਸੀ।
ਟਰੰਪ ਨੇ ਫੈਂਟਾਨਾਇਲ ਦਾ ਤਾਜ਼ਾ ਮਾਮਲਾ ਉਦੋਂ ਉਠਾਇਆ ਹੈ ਜਦੋਂ ਵ੍ਹਾਈਟ ਹਾਊਸ ਦੀ ਪ੍ਰੈਸ ਸਕੱਤਰ ਕੈਰੋਲਿਨ ਲੀਵਿਟ ਨੇ ਇਸ ਹਫ਼ਤੇ ਦੇ ਸ਼ੁਰੂ ਵਿਚ ਕਿਹਾ ਸੀ ਕਿ ਕੈਨੇਡਾ-ਅਮਰੀਕਾ ਸਰਹੱਦ 'ਤੇ ਸਫਲਤਾਵਾਂ ਮਿਲੀਆਂ ਹਨ।
