ਅਨੀਤਾ ਆਨੰਦ ਇਸ ਹਫ਼ਤੇ ਤੁਰਕੀ ਅਤੇ ਯੂ.ਕੇ. ਦੇ ਦੌਰੇ 'ਤੇ

ਕੈਨੇਡਾ ਦੇ ਵਿਦੇਸ਼ ਮੰਤਰੀ ਅਨੀਤਾ ਆਨੰਦ ਇਸ ਹਫ਼ਤੇ ਤੁਰਕੀ ਅਤੇ ਯੂ.ਕੇ ਦੇ ਦੌਰੇ 'ਤੇ ਜਾ ਰਹੇ ਹਨ। ਇਸ ਦੌਰੇ ਦਾ ਮੁੱਖ ਮਕਸਦ ਮਿਡਲ ਈਸਟ ਦੇ ਹਾਲਾਤ 'ਤੇ ਚਰਚਾ ਕਰਨਾ ਅਤੇ ਦੁਵੱਲੇ ਸਬੰਧਾਂ ਨੂੰ ਮਜ਼ਬੂਤ ਕਰਨਾ ਹੈ। ਉਹ ਤੁਰਕੀ ਵਿਚ ਐਨਰਜੀ ਅਤੇ ਵਿਦੇਸ਼ ਮੰਤਰੀਆਂ ਨਾਲ ਮਹੱਤਵਪੂਰਨ ਮੀਟਿੰਗਾਂ ਕਰਨਗੇ। ਇਸ ਗੱਲਬਾਤ ਵਿਚ ਈਰਾਨ ਤੋਂ ਬਾਹਰ ਜਾਣ ਵਾਲੇ ਕੈਨੇਡੀਅਨ ਲਈ ਸਰਹੱਦੀ ਲਾਂਘਿਆਂ ਦੀ ਸਹੂਲਤ ਬਾਰੇ ਵੀ ਚਰਚਾ ਕਰਨਾ ਸ਼ਾਮਲ ਹੈ।

ਲੰਡਨ ਵਿਚ ਆਪਣੇ ਪ੍ਰੋਗਰਾਮ ਦੌਰਾਨ ਮੰਤਰੀ ਆਨੰਦ ਉੱਥੇ ਚੈਥਮ ਹਾਊਸ ਗਲੋਬਲ ਟ੍ਰੇਡ ਕਾਨਫਰੰਸ ਵਿਚ ਹਿੱਸਾ ਲੈਣਗੇ, ਜਿਸ ਵਿਚ ਸੰਬੋਧਨ ਦੌਰਾਨ ਉਨ੍ਹਾਂ ਵਲੋਂ ਆਰਥਿਕ ਸੁਰੱਖਿਆ ਨੂੰ ਮਜ਼ਬੂਤ ਕਰਨ ਲਈ ਕੈਨੇਡਾ ਦੇ ਵਪਾਰ ਵਿਭਿੰਨਤਾ ਦੇ ਯਤਨਾਂ 'ਤੇ ਜ਼ੋਰ ਦਿੱਤਾ ਜਾਵੇਗਾ।

ਉਹ ਯੂ. ਕੇ. ਦੀ ਵਿਦੇਸ਼ ਮੰਤਰੀ ਯਵੇਟ ਕੂਪਰ ਨਾਲ ਵੀ ਮੁਲਾਕਾਤ ਕਰਨਗੇ। ਵਿਦੇਸ਼ ਮੰਤਰੀ ਵੱਲੋਂ ਇਸ ਦੌਰੇ ਦੌਰਾਨ ਚੁੱਕੇ ਜਾਣ ਵਾਲੇ ਕਦਮ ਕੈਨੇਡਾ ਦੀ ਵਿਦੇਸ਼ ਨੀਤੀ ਅਤੇ ਮਿਡਲ ਈਸਟ ਦੇਸ਼ਾਂ ਨਾਲ ਸਬੰਧਾਂ ਦੀ ਅਗਲੀ ਦਿਸ਼ਾ ਤੈਅ ਕਰਨਗੇ।